#រឿងទឺកភ្នែកភរិយាជំនួស
#ភាគទី២៣
ថេយ៉ុង ហៅអ្នកអនាម័យឲ្យចូលមកសម្អាតម្ហូបនោះ ពេលនោះអ្នកអនាម័យរៀបនឹងបោះចោលប្រអប់បាយនោះទៅហើយ តែគេក៏ហាមមិនឲ្យបោះ ថែមទាំងឲ្យសម្អាតឲ្យស្អាត រួចយកមកឲ្យគេទៀតផង។ ថេយ៉ុង បានយកប្រអប់បាយនោះទុក ហើយចេញពីការិយាល័យ ទៅញុំាអី ទើបបន្តទៅមើលក្រុមហ៊ុនឡាន ដែលត្រៀមនាំចេញនោះ។
// ស៊ូហ្គា //
ស៊ូហ្គា ចេញពីក្រុមហ៊ុនពេជ្ររបស់គេ ទៅយក ហ្វារីយ៉ា ចេញពីសាលាទៅញុំាបាយ ។ នាយធ្វើបែបនេះរាល់ថ្ងៃ បើយឺតត្រូវនាងបង្ខំឲ្យជូនដើរលេង កន្លែងនេះកន្លែងនោះ ពេលខ្លះគេក៏ធុញដែរ តែភារៈកិច្ចត្រូវធ្វើឈប់មិនបាន។ ពួកគេទាំងពីរចូលទៅញុំាក្នុងម៉ល របស់ ថេយ៉ុង ។ កំពុងតែញុំា ហ្វារីយ៉ា ក៏ក្រឡេកទៅឃើញ មីនយ៉ុង កំពុងតែដើរ នាងក៏ស្ទះឡើងរត់ទៅរកនាងមួយរំពេច។
ពេលម៉ោងសម្រាក់ មីនយ៉ុង ដើរមើលហាងមួយចំនួន ពីចំណុចដែលនាងគិតថា ខ្វះខាត់ ហើយត្រូវកែលម្អ ស្រួសក្នុងការសរសេរគម្រោងចេញមកមិនខុសដូចលើកមុនទៀត។ កំពុងតែផ្ដោតអារម្មណ៍មើលផង ស្រាប់តែមានក្មេងស្រីម្នាក់ មុខមាត់រូបរាងស្រដៀងគ្នាជាមួយនាងដែរ មកជិតនាងហៅគ្នា។
មីនយ៉ុង មើលមុខនាង ទើបចាំបានថា ធ្លាប់ចួបនាងកាលពីទៅដើរលេងនៅឌូប៉ៃកាលពីអាទិត្យមុននោះ។
“ បងស្រី! ពិតជាចៃដន្យណាស់ បានចួបបងម្ដងទៀតបែបនេះ! ”
“ បងក៏មិននឹកស្មានដែរ! ប្អូនមកតែម្នាក់ឯងទេឬ? ”
“ មកជាមួយគូរដណ្ដឹងរបស់ខ្ញុំ! ”
“ អូ! អ៊ីចឹងដើរលេងឲ្យសប្បាយណា...! ”
“ បងស្រី ទៅញុំាអីជាមួយអូនសិនបានទេ? ”
“ ហ៊ឹម...! ”
“ ណា..ណា..ខ្ញុំមានអារម្មណ៍ថា មាននិស្ស័យ ចូលចិត្តបងយ៉ាងមិចទេ! ”
“ ទៅក៏បានដែរ នាងតូច! ”
ពួកគេទាំងពីរបណ្ដើរគ្នាទៅតុអាហារ ស៊ូហ្គា បានឃើញពួកគេទាំងពីរ ក៏ចាប់ផ្ដើមភ័យ ហ្វារីយ៉ា ច្បាស់ជាប្រាប់នាង ថាគេជាគូរដំណឹងនាងមិនខានទេ។ ចប់ហើយគម្រោងញ៉ែនាង ដែលគេគំពុងធ្វើនេះ ។
YOU ARE READING
រឿង ទឹកភ្នែកភរិយាជំនួស ( ចប់ )
Non-Fictionនាងធ្វើគ្រប់យ៉ាងព្រោះ តែពាក្យថាសងគុណ។ នាងត្រូវរៀបការជាមួយមនុស្សដែល មិនឲ្យតម្លៃនាង មិនស្រលាញ់នាង។
