#រឿងទឹកភ្នែកភរិយាជំនួស
#ភាគទី48
មីនយ៉ុង រង់ចាំស្ងាត់សំឡេងរបស់ពួកគេ ទើបហ៊ានចេញពីបន្ទប់ទឹក ទៅបន្ទប់ធ្វើការវិញ។ នាងអង្គុយធ្វើទាំងគ្មានអារម្មណ៍ ថ្វីត្បិត ថាយ៉ុងតាន ធ្វើឲ្យជំងឺនាងរើសឡើងរហូតខ្លាយទៅជាធ្ងន់ធ្ងរបែបនេះ ក៏នាងនៅតែស្រលាញ់គេដែរ។ នាងតែងតែមានគេតាម តែពេលនេះលែងមានវត្ដមានគេតាមនាងទៀតហើយ។
" ហ៊ឹម...! "
នាងដកដង្ហើមធំ រួចយកដៃអង្អែលពោះថ្នមៗ ទោះបីយ៉ុងតាន ទៅបាត់ តែក៏មានវត្ដមានកូនមកកំដរបានគ្នា។
អង្គុយធ្វើការសុខៗក៏នឹកឃ្លាន គីមបាប តែមិនហ៊ានចេញទៅទិញញ៉ាំទេ។ នាងបានត្រឹមអង្គុយហូរទឹកមាត់ ដោយសារតែឃ្លានខ្លាំងពេក។ ស្រី្តដែលចាញ់កូន គិតទៅនឹកឃ្លាន ក៏មានអារម្មណ៍ត្រូវតែបានរបស់នោះមកញ៉ាំតែម្ដង។
// ថេយ៉ុង //
" នេះជាឯកសារ យកទៅមន្ទីរពេទ្យទៅ ! ហើយកុំភ្លេចឲ្យគ្រួពេទ្យចេញលិខិតបញ្ចាក់ពីការបាត់ខ្លួន និងថ្ងៃកើតរបស់ក្មេងនោះផង! "
" បាទលោកថេ! "
" ការងារទីពីរយក យ៉ុងតាន ទៅភូមិភ្រឹះរបស់លោកប៉ាយើងផង! "
" បាទលោក! "
ក្រោយពីកូនចៅ ថេយ៉ុង ចេញផុត ហាន់ណា បានដើរមករកគេ។
" បងថេ! អូនឃ្លាន គីមបាប! "
" ចាំបងកុម្ម៉ង់ឲ្យ! "
នាយខលទៅហាងអាហាងនៅខាងក្រោមឲ្យគេ ធ្វើយកមកនាយក្នុងបន្ទប់ធ្វើការ។
មិនយូរប៉ុន្មានបុគ្គលិកបានលើក គីមបាប មកឲ្យ ថេយ៉ុង ដល់បន្ទប់ធ្វើការរបស់គេ។ ហាន់ណា សប្បាយចិត្តណាស់ នាងមិនចង់ញ៉ាំទេ តែដើម្បីសម្ដែងឲ្យសម ទើបទានេះ ទានោះពីថេយ៉ុង។
" បងថេហា៎! ញ៉ាំជាមួយអូនណា! "
" បាទ! "
គេឆ្លើយទាំងទើសទាល់ចិត្ត បើហ៊ានតែប្រកែតនាង នោះហាន់ណា និងយំងរខឹងគេទៀតមិនខានទេ។
// តុក តុក សំឡេងគោះទ្វារ //
" ចូលមក ! "
ហាន់ណា ស្រែកអនុញ្ញាត ក្នុងចិត្តនាងចង់ឲ្យបុគ្គលិកបានឃើញពីភាពស្និតស្នាល របស់នាងនិងថេយ៉ុង។
តែអ្នកដែលបានចូលមកនោះ ជា មីនយ៉ុង ទៅវិញ។ នាងត្រូវលោកស្រី សុងហេ បញ្ជាឲ្យយកឯកសារមកឲ្យ ថេយ៉ុង ស៊ីញេ។ នាងបានឃើញ ហាន់ណា កំពុងតែបញ្ចុះគីមបាបថេយ៉ុង។ អារម្មណ៍ឈឺចាប់ បូករួមជាមួយភាពឃ្លាន កាន់តែកើនឡើង មិនអាចនិយាយបាន រហូតបានក្លាយជាទឹកភ្នែករាប់លានដំណក់យំនៅក្នុងទ្រូងខាងឆ្វេងរបស់នាង ។
" ខ្ញុំសូមទោសដែលមករំខាន! លោកស្រី សុងហេ ឲ្យយកឯកសារនេះមកឲ្យ ប...លោកថេយ៉ុង ស៊ីញេ! "
នាងលែងហ៊ាន ប្រើពាក្យបងទៀតហើយ វាកាន់តែធ្វើឲ្យនាងឈឺចាប់ ដោយសារពាក្យបងនេះ វាស្និតពេក មិនសមឋានៈជាមួយនាងទេ។
" ហាន់ណា បងស៊ីញេឯកសារសិនណា! "
" ចាស៎បងសម្លាញ់! "
ថេយ៉ុង ដើរមកដល់តុធ្វើការគេវិញ បើកឯកសារស៊ីញេ ឲ្យនាងវិញ។ គេនៅមានចិត្ត ខឹងនាងដែលធ្វើឲ្យ យ៉ុងតាន សំណព្វចិត្តគេ រួចទៅរើសអីស៊ីនៅក្បែរធុងសំរាម ធ្វើឲ្យគេអាណិតយ៉ុងតានជាខ្លាំង។ ហើយម្យ៉ាងទៀត នេះគេនៅរើសអីស៊ីនៅទីនោះ ចុះបើគេរត់ឆ្លងផ្លូវនោះ មិនត្រូវឡានបុកស្លាប់ហើយទេឬ។
" រួចហើយ! "
" ចាស៎អរគុណលោកហើយ! "
នាងរៀបដើរចេញទៅហើយតែក៏ត្រូវឈប់វិញ។
" មីនយ៉ុងហា៎! ញ៉ាំគីមបាបទេ? "
" ចា៎ះ! អរគុណណាស់ តែខ្ញុំអត់ចង់ញ៉ាំទេ! "
នាងតូចឆ្លើយទាំលេបទឹកមាត់ ហើយដើរចេញមកយ៉ាងលឿន។
.......................
See you next part.
ស្អែកចាំសរសេរសងឲ្យវែងណា។ មូលហេតុ មកពីអេនមីនញៀនអានរឿងគេពេក ភ្លេចសរសេររឿងខ្លួនឯង។😂😂😂😂😂😂
#UGi
YOU ARE READING
រឿង ទឹកភ្នែកភរិយាជំនួស ( ចប់ )
Non-Fictionនាងធ្វើគ្រប់យ៉ាងព្រោះ តែពាក្យថាសងគុណ។ នាងត្រូវរៀបការជាមួយមនុស្សដែល មិនឲ្យតម្លៃនាង មិនស្រលាញ់នាង។
