#រឿងទឹកភ្នែកភរិយាជំនួស
#ភាគទី៣០
មុននេះបន្តិច ក្រោយពេលងូតទឹករួច ថេយ៉ុង ក៏បានយកទូរសព្ទមកបើកសារដែល ជីមីន បានផ្ញើមកឲ្យគេ។ នាយបើកភ្នែកធំៗ ពេលបានអានអក្សរទាំងនោះ នាយសប្បាយចិត្តណាស់។ ប្រញាប់ស្លៀកពាក់ ហើយចេញដំណើរទៅយក ប្រពន្ធមកវិញ មិនចង់ឲ្យនៅទីនោះយូរពេកទេ។ គេក៏ចង់ដឹងការពិត ថានាងជានរណា ដូចគ្នា បើមិនមែនជាកូនលោកផាក់ទេ។
លោកផាក់សម្លឹងទៅមុខកូនប្រសាររបស់គាត់ ដែលមកស្រែករកប្រពន្ធ ទាំងដែលគាត់មិនទាន់បានចួបនាងផងនោះ។ លោកស្រី វិញរាងធូរចិត្តដែលបានឃើញ ថេយ៉ុង មកតាមកូនស្រីចិញ្ចឹមបែបនេះ មានន័យថា គេមិនបានស្អប់នាងនោះទេ។
" នាងនៅខាងលើក! នាងមកមិនបានប្រាប់កូនមែនទេ? "
" បាទ! ខ្ញុំមានការរវល់ សុំនាងវិញពេលនេះ! "
" នាងមកឥឡូវហើយ! "
ថេយ៉ុង ឈរបែបមុខចេញ ដោយសារមិនចង់ឃើញមុខរបស់ លោកផាក់។ មីនយ៉ុង ចុះមកជាមួយម៉ែដោះ ទាំងភ្ញាក់ផ្អើលពេលបានឃើញ ថេយ៉ុង មុននេះគេថា មិនកមទេ។ គេប្រហែលជាមានល្បិចអីទៀតហើយ មើលទៅនោះ។
" មកហើយឬ! តោះទៅវិញ! "
នាងធ្វើមុខឆ្ងល់ អ្នកនៅក្នុងផ្ទះក៏ភ្ញាក់ផ្អើលដែរ មកមិនទាន់បានកន្លះម៉ោងផង មកនាំទៅវិញបាត់។
" តែ...! "
" គ្មានតែទេ! លោកប៉ា..អ្នកម៉ាក់! ខ្ញុំសុំនាំនាងទៅវិញហើយ! "
ថេយ៉ុង ទាញដៃនាងដើរចេញទៅបាត់ ដោយមិនខ្វល់ពីនរណាទាំងអស់។ ពាក្យដែលគេបានហៅ លោកផាក់ ថាប៉ានោះ ក៏មិនមែនចេញពីចិត្តដែរ តែកុំឲ្យគាត់សង្ស័យក៏ចេះតែហៅទៅ។ មនុស្សលោភលន់ដូចគាត់ មិនសមឲ្យគេហៅក្នុងឋានៈបែបហ្នឹងទេ។ ថេយ៉ុង អូស មីនយ៉ុង ឡើងឡានទំនើបរបស់គេ ដោយមិននិយាយអ្វីទាំងអស់។ នាងក៏មិននិយាយអ្វីដែរ អង្គុយស្ងៀម នាងក៏អស់គុណថេយ៉ុងដែរ ដែលមកយកនាងទៅវិញ មិនចង់នៅនិយាយជាមួយលោកផាក់ទេ។
// ហ្វារីន និង ជុងគុក //
ជុងគុក បានយកហ្វារីន មកលេងនៅជប៉ុនម្ដងទៀត។ គេបានហៅនាងទៅប្រទេសផ្សេងដែរ តែនាងមិនចង់ទៅ ទើបនាំមកជប៉ុនវិញ។ ទេសភាពពិតជាស្រស់ស្អាតណាស់ គេនាំនាងដើរលេងជាច្រើនកន្លែង ញុំាអាហារឆ្ងាញ់ៗ ទិញរបស់ឲ្យនាងជាច្រើន ។ ជុងគុក រីករាយណាស់ ពេលបានឃើញនាងចេះញញឹម គេមិនយល់ពីអារម្មណ៍ខ្លួនឯងទេ។ មនុស្សស្រីជាច្រើននាក់ដែលគេធ្លាប់ស្គាល់ និងបោះបង់ តែនាងម្នាក់បែបជាមានអារម្មណ៍ថា អាណិតនាងចម្លែកខុសពីអ្នកដទៃ។
ESTÁS LEYENDO
រឿង ទឹកភ្នែកភរិយាជំនួស ( ចប់ )
No Ficciónនាងធ្វើគ្រប់យ៉ាងព្រោះ តែពាក្យថាសងគុណ។ នាងត្រូវរៀបការជាមួយមនុស្សដែល មិនឲ្យតម្លៃនាង មិនស្រលាញ់នាង។
