រឿង ទឹកភ្នែកភរិយាជំនួស ( ចប់ )

EP47

#រឿង​ទឹកភ្នែកភរិយាជំនួស
#ភាគទី47

មីនយ៉ុង ដើរចូលក្នុងមន្ទីរពេទ្យសាជាថ្មីម្ដងទៀត នាងមិនចង់មកទេ តែគ្រាន់តែចង់ដឹងថា នាងនៅសល់ពេលប៉ុន្មានទៀត។ នាងងាយស្រួសសម្របខ្លួន ទទួលយកការពិត ដែលត្រូវចាកចេញជារៀងរហូតទៅ។

នាងចូលទៅចុះឈ្មោះ ហើយរង់ចាំវេនក្នុងការ ចូលពិនិត្យជំងឺរបស់នាង។ លោកគ្រូពេទ្យបានហៅឈ្មោះរបស់នាង។

មីនយ៉ុង ចូលទៅទាំងភ័យ នាងពិតជាខ្លាចណាស់ ខ្លាចមិនអាចរស់នៅបានយូរ នាងឱប ថេយ៉ុង មិនទាន់អស់ចិត្តផង។

" អាការៈប្អូនចេះតែយ៉ាងម៉េចហើយ? "

" ខ្ញុំចេះតែក្អួតពេលព្រឹកឡើងលោកគ្រូ ហើយញ៉ាំអីមិនសូវបានទេ! "

" ការមករដូវរបស់ប្អូនយ៉ាងម៉េចដែរ? "

នាងភ្ញាក់ផ្អើលជាមួយនឹងសំណួរនេះ នាងបាត់រដូវមួយខែហើយ។

" ខ្ញុំបាត់ជាមួយខែហើយលោកគ្រូពេទ្យ! "

" ចុះស្វាមីប្អូនទៅណាទើបមិនជូនមក! "

" គាត់រវល់លោកគ្រូពេទ្យ! "

" តោះឡើងលើនេះមក លោកគ្រូសូមមើលច្រមុះមុនសិន! "

" ចាស៎! "

នាងឡើងគេងលើគ្រែពេទ្យ គាត់រុញនាងចូលក្នុងម៉ាស៊ីនស្គែន ដើម្បីថតមើលច្រមុះនាង។

ក្រោយមកគាត់ឲ្យនាងពនិត្យទឹកនោម និងឆ្លុះអេកូរថែមទៀត វាពិតដូចជាការស្មានរបស់លោកគ្រូពេទ្យមែន។

" ប្អូនតាំងចិត្តស្ដាប់ណា ពេលទៅវិញពិភាក្សាជាមួយស្វាមីស្រួលបួលណា! ប្អូនកំពុងមានជំងឺដុះសាច់ក្នុងខួរក្បាល ថែមទាំងមានទម្ងន់ចំនួន 7 សប្ដាហ៍ទៀត! "

" លោកគ្រូពេទ្យចង់មានន័យថា ...!!! "

" ប្អូនត្រូវពិភាក្សាគ្នា ថាទុកកូនឬព្យាបាទមុន! បើទុកកូននេះ ប្អូនអាចនឹងប្រឈមនឹងការបាត់បង់ជីវិតប្អូន ព្រោះប្អូនត្រូវពរពោះ9ខែជាង ដោយមិនមានការលេបថ្នាំសម្រាប់ព្យាបាលជំងឺនេះទេ! តែបើប្អូនយកការព្យាបាលនោះ ប្អូនមិនអាចទុកកូននេះបានទេ ព្រោះប្អូនត្រូវប្រើថ្នាំច្រើន ហើយអាចត្រូវវះកាត់យកសាច់នោះចេញទៀត! អ៊ីចឹងហើយវាប៉ះពាល់ជីវិតកូនរបស់ប្អូន! "