🍀soul mate🍀

*my mysterious girl part 1*

"tiger's eye ကျောက်လေးက စိတ်ဓာတ်ခွန်အားရချင်တဲ့သူတွေအတွက် သင့်တော်တယ်
စိတ်ဝိညာဉ်နဲ့ခန္ဓာကိုယ်ရဲ့ ကြောက်စိတ်တွေ စိုးရိမ်ပူပန်မှုတွေနဲ့ ကိုယ့်ကိုယ်ကိုသံသယဝင်နေတာတွေကို ဖယ်ရှားပေးနိုင်တယ်
rose quartz လေးက ချစ်ခြင်းမေတ္တာအတွက်
ဘယ်လို relationship မျိုးအတွက်မဆို သုံးနိုင်တယ်
အချစ် လေးစားမှု သစ္စာရှိမှုနဲ့ ကိုယ့်ရဲ့လက်တွဲဖော်ကို ကိုယ်က သူ့အတွက်ထိုက်တန်တဲ့လူတယောက်ဖြစ်တဲ့အကြောင်းကိုလည်း ယုံကြည်မှုတိုးစေတယ်
နီလာခရမ်းလေးကတော့ ကာကွယ်ပေးမှု ကုသပေးမှုနဲ့ သန့်စင်စေတဲ့အကျိုးရရှိတယ်
အိပ်မပျော်ခြင်းကနေ အိပ်မက်ဆိုးတွေပျောက်ကင်းဖို့အထိ သုံးလို့ရတယ်
moonstone က အသစ်စတင်ခြင်းအတွက်
စိတ်ဝိညာဉ်ရဲ့ကြံ့ခိုင်သန်မာမှုကို ပေးတယ်
နီလာကတော့ ပျော်ရွှင်မှုနဲ့ အေးချမ်းမှုကို
ဆွဲယူပေးသလို လှပတဲ့အရာတွေလည်း လက်ခံစေတယ်"

ကျမ antique ဆန်ဆန်ရှေးပုံစံနဲ့ ဆိုင်ငယ်လေးတခုထဲဝင်လိုက်တော့ သူမက အမျိုးသမီးတယောက်ကို ရှင်းပြနေခဲ့တာပါ
ကျမလည်း စိတ်ဝင်စားတာကြောင့် ဘေးကနေ နားထောင်နေမိတယ်
ရှင်းပြပြီးသွားတော့ သူမက ကျမဘက်ကိုလှည့်ပြီး ပြုံးပြလာတယ်
ဆိုင်လေးထဲမှာက ‌စာအုပ်တွေ ရှေးဟောင်းပုံစံတွေနဲ့ ပြီးတော့ အရောင်စုံတဲ့ကျောက်လေးတွေ
ပုံစံဆန်းတဲ့ bracelet လေးတွေ အမျိုးအစားစုံတဲ့ dreamcatcher လေးတွေ
dreamcatcher လေးတွေကတော့ အိပ်မက်ဆိုးတွေကို ဖမ်းထားပေးတယ်တဲ့

သူမက ဆိုင်ရှင်ဖြစ်မယ်ထင်ပါတယ်
အဖြူရောင်အင်္ကျီ အမည်းရောင်ဘောင်းဘီရှည်နဲ့ အနီရောင်ဆံနွယ်တွေကို‌တော့ အနောက်မှာမြှောက်ပြီး စည်းထားတယ်
ဆံနွယ်တချို့ကတော့ ဘေးဘက်တွေမှာ ကပိုကရိုကျနေတယ်
မျက်နက်ဝန်းတောက်တောက်လေးတွေ
သူမမျက်ဝန်းတွေမှာ ညှို့ဓာတ်တမျိုးနဲ့
အတူဆုံမိရင် ရုန်းထွက်ဖို့ခက်မယ့်အကြည့်တွေပါပဲ
ပန်းရောင်နှုတ်ခမ်းထူထူလေးတွေနဲ့
sharp ဖြစ်နေတဲ့ မေးရိုးသွယ်သွယ်တွေ
သွေးကြောစိမ်းတွေ ယှက်ဖြာနေတဲ့လည်တိုင်ဖြူဖြူလေး
သူမက သာမန်လူတွေနဲ့မတူစွာ ထူးခြားနေတာတော့ အမှန်ပါပဲ