Dark's Black _ Season(1) [Completed]

မင်းဖြစ်နေလို့ပဲ

အခန်း (၇)

" မင်း "

ဓာတ်လှေကားအခန်းထဲတွင် တစ်ယောက်ထဲမတ်တပ်ရပ်နေတုန်းရိပ်ခနဲဝင်လာသည့် လူတစ်ယောက်ကြောင့် Black မျက်မှောင်ကျုံ့လိုက်သည်။

ကိုယ့်ထက်မြင့်မားနေသည့်အရပ် တောင့်တင်းသန်မာသော ကိုယ်နေဟန်ထားကို မြင်လိုက်သည်နှင့် မည်သူဆိုတာကို Black သိသည်။

မြင်လိုက်တာနှင့် အရင်ဆုံးမျက်စိပျက်မျက်နှာပျက်သွားသူက Black သာဖြစ်သည်။
Dark ကတော့ အေးဆေးစွာပင် မျက်လွှာတစ်ချက်မပင့် အသံတစ်စက်မထွက်ဘဲ သွားချင်သည့်အထပ်ကိုသာ နံပါတ်ရွေးနှိပ်နေခဲ့သည်။

Black ဆီမှသင်း​နေ​သောရှိပြီးသားရနံ့အပြင် ထိုလူ့ဆီကထပ်ဆင့်မွှေးလာ​သည့် ချိုအီအီရနံက အခန်း၏ပတ်ပတ်လည်ကို မွှေးပျံ့စွာလွှမ်းခြုံသွားခဲ့သည်။
နှစ်ယောက်စလုံးကသွားမည့် အထပ်ချင်းတူနေခဲ့ရာ Dark နှိပ်လိုက်သည့် နံပါတ်က Black နှင့်တူနေခဲ့သည်။

" မင်း ဘာလုပ်တာလဲ "

" ...... "

Dark က ဘာစကားမှပြန်မပြောဘဲ ဘောင်းဘီဘေးအိတ်ထဲရှိ အသံမြည်နေသော ဖုန်းကိုထုတ်ကိုင်သည်။
ဒါကိုပင် Black ကသူ့အားလျစ်လျူရှုနေတယ်လို့ထင်သွားပြီး။

" ဟ ...မင်းကိုမေးနေတယ်လေ "

" ...... "

ဘေးတစောင်းအနေအထားမို့ ချွန့်မြေ့ကာကော့ထင်းသော Dark ၏နှာတံချွန်မြမြကို Black အသံတိတ်ငေးမိသွားသည်။

သေသပ်စွာရိတ်သိမ်းထားသောကြောင့် စိမ်းဖန့်ဖန့် နှုတ်ခမ်း၏အပေါ် သားနေရာလေးကို အနီးကပ်​ကြီးမြင်လိုက်ရသည်။

" ဟလို ..."

" ဖတ် !"

" ဘုတ်!"

" ကျစ်... ! "

ပုတ်ချခံလိုက်ရသည့်အတွက် လက်ထဲမှလွတ်ခနဲ​ပြုတ်ကျသွားသော ဖုန်းကို Dark ကတစ်ချက်ငုံ့ကြည့်လိုက်သည်။
ဖုန်းကိုင်ထားခဲ့သည့် လက်ကတော့ လေထဲမှာမလှုပ်မယှက်ရှိနေဆဲဖြစ်သည်။