Dark's Black _ Season(1) [Completed]
Table of contents

    YOU ARE READING

    Dark's Black _ Season(1) [Completed]

    Romance

    " Dark's Black " Season-(1) Start (15.2.2021) ✍ [Darkness's own creation]💯 A novel written with my heart.👨‍❤️‍👨 I created a new imaginary life for the two of them 📚

    #arrangedmarriage #bl #blnovel #boylove #boyxboy #deeplove #enemies #enemiestolovers #lgbt #marriage

    တမင်လုပ်လိုက်တာမဟုတ်ဘူး

    1.3K 90 4 
                                        
    
                                              
    အခန်း(၂၈)
    
                          
    ပုံမှန်ဆို နွေးသွားသည့် လည်ပင်းကိုဖျတ်ခနဲ လှမ်းကိုင်လိုက်မှာဖြစ်သည်။ယခုတော့ အရုပ်ကြိုးပြတ်သလို အောက်သို့ပစ်ချခံထားသည့် လက်တွေကကူညီရာမဲ့။
    
                          
    ဘာလုပ်နေတာလဲလို့ မေးစရာကိုမလို။
    ယခုထိမခွာသေးသော Dark ၏မျက်နှာက Black ၏ လည်ပင်းသားတွေကိုနက်ရှိုင်းစွာ ငုံထွေးထားဆဲဖြစ်သည်။
    ငုံထွေးနေတာလား စုပ်ယူနေတာလားတော့ မသဲကွဲ ...
    
                          
    တစိမ့်စိမ့်နစ်ဝင်နေသည့် Dark၏ နှုတ်ခမ်းသားတွေက Black ၏လည်ပင်းသားများကို အငမ်းမရစုပ်ယူနေခဲ့ခြင်းဖြစ်သည်။
    
                          
    " Dark... မင်း "
    
                          
    ရုတ်တရက်ကြီးခါးနောက်သို့လက်လျှိုသွင်းကာ ရင်ခွင်ထဲသို့ဆွဲသွင်းလိုက်သည့် Dark ကြောင့်ပြောနေသည့်စကားတောင် ဘယ်နားရောက်သွားသည်မသိ။
    
                          
    စုပ်ထားဆဲဖြစ်သည့်သူ့နှုတ်ခမ်းသားတွေက အနီစက်လေးရှိရာနေရာဆီသို့ ဦးတည်သွားနေတာကိုလည်း သိတစ်ချက်မသိတစ်ချက်။
    
                          
    ယခုမှ ရင်ခွင်ထဲသို့ပုံစံကျကျ အသွင်းခံလိုက်ရပြီး စွဲစွဲမက်မက်အနမ်းခံနေရတာ ဘယ်ဘဝကအကုသိုလ်ကြောင့်လည်းမသိ။
    အနည်းငယ်ကြာသည်အထိ အနမ်းခံရပြီးနောက် Black ကအသိစိတ်များကိုပြန်လည်စုစည်းပြီးရုန်းထွက်ဖို့ကြိုးစားသည်။
    
                          
    " ဖယ်... မင်း "
    
                          
    " ငြိမ်ငြိမ်လေးနေ "
    
                          
    မေးရိုးကြောတစ်လျှောက်ကို ဖိကပ်နမ်းနေရင်း ပြောလိုက်သည့် Dark ၏အသံကသိပ်ပြီး မပီပြင်...
    အက်ကွဲရှတသည့်လေသံမျိုး အနည်းငယ်စွက်နေခဲ့လျက်...
    
                          
    " မင်း ..."
    
                          
    မူးနေခဲ့တုန်းက Dark နှင့်နမ်းခဲ့ဖူးတာကိုသိသည်။
    ထိုအချိန်တုန်းက ဘယ်လိုစိတ်နှင့် နမ်းခဲ့လည်းဆိုတာကိုတော့မသိ။
    ပြန်လည်စဥ်းစားတိုင်း အဖြေကတစ်ခုပဲထွက်လာခဲ့သည်။
    မူးနေလို့ပါ...
    မူးနေလို့သာ အသိစိတ်လွတ်ပြီး နမ်းခဲ့မိတာ...
    
                          
    ဒါဆို ယခုကရော...
    သူနမ်းနေတာ တဖြည်းဖြည်းနဲ့ နှုတ်ခမ်းသားတွေဆီသို့ ရောက်လုနီးပါးဖြစ်နေခဲ့တာ...
    ထိုသို့နီးကပ်လာတဲ့သူ့နှုတ်ခမ်းသားတွေကို အပြင်းအထန် ရုန်းကန်ဖယ်ရှားဖို့မပြောနှင့် လက်နှင့်တွန်းဖယ်လိုက်ဖို့ကိုတောင် ဘယ်ကအင်အားတွေကိုသွားရှာရမယ်မသိ။
    Dark's Black _ Season(1) [Completed]Where stories live. Discover now