Dark's Black _ Season(1) [Completed]

2014 ဆိုသည့်ဒိတ်လေး

အခန်း(၂၄)

Dark ၏အခန်းထဲသို့ဝင်တာ ဒီတစ်ခါနဲ့ဆို
ဒုတိယအကြိမ်မြောက်ဖြစ်သည်။အိမ်မှာပြီးခဲ့
သည့်အပတ်က မာမီတို့နှင့် ထမင်းအတူစားဖြစ်ခဲ့ကြသည်။ဒီအပတ်ကိုတော့ Dark ၏မာမီကထမင်းအတူစားဖို့ တစ်ခါပြန်ခေါ် ခဲ့သည်။
Black ကို ယွန်းတို့အဖွဲ့က စနောက်ကြသည်။အိမ်ထောင်ရေးကံကောင်းတဲ့ သူငယ်ချင်းလေးဆိုပြီး။တစ်ကယ်ပဲ ကံကောင်းနေတာလားတော့
မသိ။

ပြုံးချိုပြီး လိုလေသေးမရှိအောင်ဂရုစိုက်ကြ
သည့် Dark ၏မိဘနှစ်ပါးကြောင့် ကိုယ့်ကိုယ်ကိုငါက ယောကျာ်းပဲရထားတာလား ဒါမှမဟုတ် ကိုယ်ကပဲချွေးမနဲ့တူနေတာလားဆိုပြီး သံသယစိတ်တောင်ဝင်မိသည်။

" ချောက် "

Black ကအိပ်ခန်းမီးကိုဖွင့်လိုက်ပြီးလျှင် ပထမဦးဆုံးကြည့်မိလိုက်သည်က အခန်းပြည့်ကပ်ထား သောနံရံကပ်ပန်းချီကားဆီသို့။

ပန်းချီကားလို့သာ ခန့်မှန်းပြီးပြောရတယ် ဘာပုံမှန်းတောင်ယခုထိ ရေရေရာရာမသိသေး။ဒီအိမ်ကိုရောက်လာပြီဆိုတာနှင့် ထိုပန်းချီကားအကြောင်းကို ပဲသိချင်လာတာဘယ်လိုမှ စိတ်ထိန်းလို့မရ။
ထို့ကြောင့်တမင်ကို အချိန်စောပြီးရောက်အောင်လာခဲ့ခြင်းဖြစ်သည်။Dark ကတော့သူ့အလုပ်ကနေတောင်ပြန်မလာသေး။

Black မှာအရင်တစ်ခေါက်တုန်းက Dark ပြောခဲ့
သည့်စကားကိုပြန်အမှတ်ရသွားသည်။ဖုံးအုပ်ထားသည့်လိုက်ကာတွေကိုဖယ်ချဖို့ ရီမုတ် လိုတယ်လို့။

ထို့ကြောင့် ပန်းချီကားဆီသို့မလျှောက်သွားသေးဘဲ ဘေးဘီဝဲယာကိုအရင်ကြည့်သည်။
ဘာပစ္စည်းမှ များများစားစားမရှိကြောင်းကို အရင်တစ်ခါကလည်းသတိထားမိခဲ့သည်။
သေချာပတ်ပြီး စာအုပ်စင် စားပွဲ အံဆွဲများကို ရှာဖွေကြည့်ရာအချိန်တောင်သိပ်မကုန်လိုက်...
တွေ့သွားလို့တော့မဟုတ်...

" ကုန်နေပြီရှာစရာလည်းမရှိတော့ဘူး "

Black ကသက်ပြင်းကိုလေးပင်စွာချသည်။
သူတစ်ပါးအခန်းထဲကို ကာယကံရှင် မသိဘဲရှာဖွေနေတာအပြစ်ရှိမှန်းသိသည်။သို့သော် ယခုကသူနဲ့လက်ထပ်ထားပြီးပြီ။Dark ဘက်က
က မင်းကိုငါပိုင်တယ်လို့ပြောလာရင် ဒေါသတကြီးငြင်းပယ်တတ်ပေမယ့် ယခုလိုပိုင်စိုးပိုင်နင်းလုပ်ရပ်များကို ကိုယ်တိုင်လုပ်မိပြီဆိုရင်တော့
ထိုစကားကိုအနည်းငယ်မျှလက်ခံမိသည်။
ကိုယ်စောက်ချိုးမပြေတာကို ကိုယ်ကိုယ်တိုင်လည်းသိသည်။
မပြင်နိုင်တာလေးတစ်ခုပဲ...