Dark's Black _ Season(1) [Completed]

မင်း... မင်း

အခန်း(၁၃)

ကားမောင်းနေတုန်းက ငြိမ်နေပေမယ့် ခြံထဲသို့ မောင်းဝင်လိုက်သည့်အခါ ဇာတ်လမ်းကစလာ​တော့သည်။
လူးလွန့်နေသည့် Black ကိုတစ်ချက်ငဲ့ကြည့်ပြီးနောက် Dark က ကားပေါ်မှဆင်းကာ Black ရှိနေသည့် ဘက်ကိုလျှောက်သွားသည်။
ပြီးလျှင် ကားတံခါးကိုဆွဲဖွင့်၍ ကားခါးပတ်ကြိုးအား ဖြုတ်ပေးဖို့လုပ်သည်။

" မင်း... "

ပူနွေးသွားသည့် လည်ပင်းကိုအုပ်ကိုင်၍ Dark မယုံ​ကြည်နိုင်ဖြစ်သွားသည်။Black ကသူ့ကိုနမ်းလိုက်တယ်တဲ့လား။

" အင်း ! "

မျက်နှာအားအနီးကပ်ငုံ့ကြည့်နေစဥ် လည်ပင်းကို ထက်မံရစ်ခွေ လာသည့်လက်များကြောင့်။

" Black "

" မခေါ်နဲ့ "

Black ကလုံးဝမငြိမ်။ကားခါးပတ်ကိုဖြုတ်ပေးနေသည့်တစ်လျှောက် Dark လည်ပင်းတစ်ဝိုက်အား မထိတထိနမ်းရှိုက်နေခဲ့သည်။

ဘယ်လိုပင်ထိန်းထိန်း ကမူးရူးထိုး ဖြစ်နေသည့် Black လုပ်ရပ်များကြောင့် မူမမှန်သလိုမျိုးခံစားနေရသည်။
ပြာလဲ့လဲ့အလင်းအရောင်လေးရှိကာ အမြဲကြည်တောက်နေတတ်သည့် Black ၏မျက်ဝန်းအစုံမှာ ယခုအနီရောင်ရင့်နေခဲ့သည်။

" မင်း ...မဟုတ်ဘူး "

ညှို့ယူဖမ်းစားနေသော Black ၏အကြည့်များကို မမြင်ချင်ယောင်ဆောင်ရင်း Dark က ကားထဲမှပွေ့ချီထုတ်သည်။

အိမ်ထဲသို့ရောက်သွားလျှင် ဧည့်ခန်းရှိဆိုဖာခုံပေါ် သို့ Black အား တင်ထားလိုက်သည်။
ပြီးလျှင်ခြံတံခါးများကို ဆင်းပိတ်ပြီး Black ရှိနေသည့်ဆိုဖာခုံဆီသို့ ပြန်လျှောက်သည်။

" ကျွတ်...မင်း ဘာတွေလုပ် "

အိမ်ထဲသို့ဝင်ဝင်ချင်း အင်္ကျီကြယ်သီးများကို ဆွဲဖြုတ်ထားသည့် Black ကိုမြင်လိုက်ရသည်မို့ Dark မျက်လုံးပြူးသွားသည်။

ထိုစဥ်မှာပင် Black ကလှဲနေရာမှထပြီး Dark ဆီသို့ ကြိုးစားပမ်းစားလျှောက်လာသည်။