အခန်း(၁၁)
" ခန့် "
" ဟင် "
သူငယ်ချင်းလေးယောက်စလုံး အသံတိတ်နေကြတာ အချိန်အတော်လေးကြာနေပြီဖြစ်သည်။
စားပွဲပေါ် ရှိစားသောက်စရာများမှာလည်း အေးစက်ကုန်ပြီဖြစ်သည်။
" နင်ရော သူ့ကိုဘယ်လိုမြင်လဲ "
" ဘယ်သူ့ကိုလဲ "
" ဟ အခုပဲ Dark အကြောင်းပြောနေကြတာ မဟုတ်ဘူးလား သူ့ကိုပြောတာပေါ့ဟ "
ခန့် မျက်နှာကမသိမသာ ပျက်ယွင်းသွားသည်။
သို့သော်ခဏတာပဲဖြစ်ကာ ပျက်သွားသည့်မျက်နှာအား အချိန်မီပြန်ပြင်သည်။
" မပြောတတ်ဘူး Black ပြောပုံအရဆိုရင်တော့
တမင်အကျပ်ကိုင်ချင်တာလား မိသားစုက စီစဉ်လိုက်လို့ပဲလား "
သူငယ်ချင်းတွေပြောနေတာကို Black ကမကြား။
တစ်ယောက်ထဲ ထိုညကကိစ္စကို ပြန်တွေးရင်းအတွေးနယ်ချဲ့နေမိသည်။
ထိုညက ...
ပါးကိုမထိတထိလာပွတ်သည့် Dark လုပ်ရပ်ကြောင့် Black ခဏတော့ကြောင်သွားသည်။
ဒါတင်မက အိမ်မက်ထဲကလိုပုံစံမျိုး Dark ကနှုတ်ခမ်းသားများကို လက်မနှင့် ခပ်ကြမ်းကြမ်းဖိပွတ်လာသည်။
" သိချင်လား "
" ငါကမိန်းကလေးမဟုတ်ဘူးလေ "
" ငါကလည်းမိန်းမ မကြိုက်ဘူး "
" ဘာ...! "
အထိတ်တလန့်ထအော်ပြီးလျှင် Black က ခြေလှမ်းများကို အနောက်သို့ဆုတ်သည်။
သို့သော်ခါးကိုခပ်တင်းတင်း သိမ်းဖက်လိုက်သည့် Dark လုပ်ရပ်ကြောင့် တုပ်တုပ်ပင်လှုပ်မရဖြစ်သွားသည်။
" မင်း...မင်း ဘာပြောလိုက်တယ် "
" ငါက ဂေး "
ရှင်းသွားပြီဖြစ်သည်။
ဒီထက်ပိုပြီးတော့လည်း မေးစရာမလိုတော့။
အဖြေကသူလုံးဝမထင်ထားခဲ့သည့် အရာ။
သူ့လိုလူက ဂေး တဲ့လား။
မဖြစ်နိုင်တာကြီးကို။
Black မှာ ရုတ်တရက် ဆူစီ မျက်နှာကိုမြင်ယောင်မိလိုက်သည်။
အရမ်းကိုချစ်ရပါသော ငယ်သူငယ်ချင်းလေး။
Black မှာ ဆူစီအား ညီမလေးတစ်ယောက်လို မျိုးဂရုစိုက်ပြီး ချစ်ခဲ့သည်။
YOU ARE READING
Dark's Black _ Season(1) [Completed]
Romantik" Dark's Black " Season-(1) Start (15.2.2021) ✍ [Darkness's own creation]💯 A novel written with my heart.👨❤️👨 I created a new imaginary life for the two of them 📚
![Dark's Black _ Season(1) [Completed]](https://img.wattpad.com/cover/293879746-64-k19418.jpg)