အခန်း(၃၉)
" ကိုယ်ပေးချင်တာ... "
" ဘယ်သူမှမမေးဘူး မင်းကို "
ရီဝေဝေ နှင့် ညှို့အားကောင်းလွန်းသည့် သူ့မျက်ဝန်းတွေကို Black ကဆက်ပြီးရင်မဆိုင်ချင်။
သူပြောလာမည့် စကားဆိုရင်တော့ပိုဆိုးသွားပြီ။
ထို့ကြောင့် စကားကိုအချိန်မီဖြတ်ပြီး မျက်နှာကိုအခြားတစ်ဖက်သို့လှည့်လိုက်သည်။သို့သော်...
" မင်း "
လှည့်လိုက်တာနောက်ကျသွားသည်။အကြောင်းမှာဆတ်ခနဲ ကိုယ်ကိုပြန်မတ်ကာ လက်နှစ်ဖက်စလုံးနှင့် Black ၏မျက်နှာလေးကိုဖမ်းယူလိုက်သည့် Dark ကြောင့်။
ကြီးမားပေမယ့် အရမ်းကိုနူးညံ့သောလက်ဖဝါးများဖြစ်သည်။
ကျယ်ပြန့်သော သူ့လက်ဖဝါးကြားထဲမှာ Black မှာကိုယ့်မျက်နှာကိုပြန်ရုန်းဖို့သတိမရ။
" ကိုယ်သိတာပေါ့ အရမ်းသိတယ် "
တစ်ယောက်ကခံစားချက်တွေကို အစွမ်းကုန်မြိုသိပ်ထားရင်း မြတ်နိုးရတဲ့မျက်နှာလေးကို မချင့်မရဲထိတွေ့နေစဥ် အခြားတစ်ယောက်က ဘာဖြစ်လို့ ကိုယ့်ကိုဒီလိုပုံစံမျိုးလုပ်နေတာကိုမှ နှစ်သက်သလိုခံစားနေမိတာလဲလို့ နားမလည်နိုင်စွာတွေးသည်။
နားထောင်လို့ကောင်းသည့် သူ့စကားသံတွေကိုလည်း နှစ်လိုစွာကြားချင်နေမိသည်။
လိုလိုလားလားကို ကိုယ့်စိတ်ထဲကကြားချင်နေမိသည့်အတွက် မူးနေတဲ့လူက ကိုယ်များဖြစ်နေတာလားလို့တွေးလိုက်မိသေးသည်။
" ဒါပေမယ့် ...ကိုယ်ပြောပြချင်တယ် "
" မင်းမူးနေပြီ "
" အဟွန်း "
အရမ်းကိုကြည့်ကောင်းလွန်းသည့်အတွက် ကိုယ့်ရှေ့မှာတော်ရုံမပြုံးပါနဲ့လို့ ခဏခဏ ဆုတောင်းခဲ့ပေမယ့် တစ်ခါမှလည်းထိုဆုတောင်းကမပြည့်။
Black မှာမျက်တောင်ခတ်ဖို့တောင် သတိမရတော့သည်အထိ သူ့အပြုံးတွေကိုငေးမောနေမိသည်။
ဒီလောက်တောင်ကြည့်ကောင်းလွန်းသည့် အပြုံး...
ပြုံးလိုက်တိုင်း ချောလွန်းသည့်မျက်နှာကိုတောင် ထပ်အားနာမိအောင် ချောပြီးရင်းထပ်ချောနေသည့် သူ့မျက်နှာ...
YOU ARE READING
Dark's Black _ Season(1) [Completed]
Romance" Dark's Black " Season-(1) Start (15.2.2021) ✍ [Darkness's own creation]💯 A novel written with my heart.👨❤️👨 I created a new imaginary life for the two of them 📚
![Dark's Black _ Season(1) [Completed]](https://img.wattpad.com/cover/293879746-64-k19418.jpg)