Dark's Black _ Season(1) [Completed]

ဘာသဘောလဲ

အခန်း(၄၃)

" မပြောနဲ့ "

အခန်းထဲကိုအကြောင်းကြားတော့မည့်ဆဲဆဲ Black ကအတွင်းရေးမှူးမလေးကိုလက်ကာပြလိုက်သည်။
Dark ၏အလုပ်ကို ခဏခဏမလာဖြစ်ပေမယ့် သူ့ရုံးခန်းထဲက ဓာတ်ပုံကြီးကြောင့်ဖြစ်လိမ့်မည်
မြင်သမျှဝန်ထမ်းတိုင်းက Black ကိုတွေ့လိုက်တာနှင့်အကုန်လုံး ပျာပျာသလဲကြိုဆိုကြသည်။

တစ်ခုခုကိုပြောချင်နေသည့် အတွင်းရေးမှူးမလေး၏ပုံစံကြောင့် Black ကနှုတ်ခမ်းကိုအသာမဲ့သည်။ပြီးတာနှင့် နည်းနည်းလေးတောင် တုံ့ဆိုင်းမနေဘဲ အခန်းထဲကိုဝင်ချလိုက်သည်။

ခြေငါးလှမ်းစာလောက်သာ ဆက်လျှောက်သွားပြီး ထောင့်ချိုးကနေကွေ့ဝင်လိုက်လျှင် Dark နှင့်မျက်နှာချင်းဆိုင် တွေ့ရတော့မည်ဖြစ်သည်။
Black ကတမင်ရှေ့ဆက်မသွားဘဲ အခန်း၏ထောင့်နားမှာပင်ကပ်ပြီးရပ်လိုက်သည်။

" တစ်ကယ်ပြောတာ Dark စားကောင်းတာမှလေ ငါတို့ပြင်သစ်မှာစားနေကျဆိုင်ရဲ့အရသာကိုတောင်မှီတယ် "

" အဟွန်း "

" ဒီအပတ်ထဲတစ်ခေါက်လောက် ထပ်သွားမယ်လို့စဥ်းစားထားတယ် နင်လိုက်ခဲ့လေ "

" နေရာက "

" ပြည်လမ်းမဘက်ကလေ Hotel G "

" ဒီအပတ်ထဲတော့အားမယ်မထင်ဘူး "

" နင်ကလည်း ငါ့မွေးနေ့ရှိတယ်လေ မအားလို့မရဘူး "

တမင်မလိုက်မှာစိုးလို့ဂျီကျနေတာ...
မွေးနေ့တိုင်းမရမက " Empire Of Dark " က Anniversary ခန်းမထဲမှာပဲ ပွဲကိုကျင်းပခဲ့တာဖြစ်သည်။

" လာမဲ့လထဲမှာမဟုတ်ဘူးလား "

" ဟုတ်ပါတယ်လာမဲ့လထဲမှာ ... ဒါပေမယ့် ငါမရှိဘူးလေ ပြင်သစ်ပြန်ရမှာ... နင်သိတယ်မှတ်လားဟိုမှာကအမြဲမိသားစုနဲ့နေပေးရတယ်လေငါ့မွေးနေ့တိုင်း "

" ပြောပြန်ပြီ...ဒီလိုနဲ့နှစ်တိုင်း ငါ့ရှေ့မှာပဲမျက်စိနောက်အောင်ကျင်းပနေတာ "

မွေးနေ့လကိုတောင်မှတ်မိနေတယ်ဆိုတော့...
Black ၏နီထွေးသည့်နှုတ်ခမ်းတစ်စုံသည် အလိုလိုနေရင်းမဲ့ကျသွားသည်။
ခေမီရောက်နေတယ်ဆိုတာကို အစကတော့မသိ။
ဝန်ထမ်းများ တီးတိုးပြောနေသည့်စကားထဲတွင်...