< Unicode >
အခန်း ( ၅၀ ) - အဲ့ဒီလူကို သတ်နိုင်တော့မယ့်ဟာကို
လော့ကျိုးကျိုးသည် ခပ်သွက်သွက်ပင် ကြယ်တာရာဗီလာမှ ထွက်ကာ ခရိုင်ကူးသော ဂိတ်ဘက် သွားရာ ဘတ်စ်ကား တက်စီးလာခဲ့သည်။ ပိတ်ရက်ဖြစ်သည့်အပြင် မနက်ခုနှစ်နာရီပဲ ရှိသေးရာ ဘတ်စ်ကားပေါ်တွင် လူရှင်းလို့နေသည်။ ပြတင်းမှန် အပြင်ဘက်သို့ ငေးမောလာရင်း လော့ကျိုးကျိုး စိတ်လှုပ်ရှားနေမိချေသည်။ ချူဖုန်းနေသော တိုက်သို့ ရောက်ပါလျှင် တစ်ဖက်လူ ပို့ဖူးသလို 'ပြတင်းပေါက်ဖွင့်ကြည့်လိုက်' ဟု မက်ဆေ့ချ်ပို့ရမည်။
မိမိအား မြင်သောအခါ ချူဖုန်း အင်မတန်အံ့အားသင့်သွားပေမည်။
ချူဖုန်း၏ မျက်နှာထက်မှ အံ့အားသင့်မှုတို့ကို မြင်ယောင်ကြည့်ရင်း လော့ကျိုးကျိုး ရယ်မောမိလေရာ ရှေ့မှ ဒရိုင်ဘာကတောင် နောက်ကြည့်မှန်ကတဆင့် ကြည့်လာလေသည်။
ဂိတ်ဝကို ဖြတ်ကာ ဘတ်စ်ကားပြောင်းစီးပြီးနောက် ချူဖုန်း နေအိမ်နား ရောက်ချိန်တွင် ၈ နာရီ ထိုးနေချေပြီ။
လော့ကျိုးကျိုးသည် အောက်ထပ်တွင် ရပ်ရင်းမှနေ မက်ဆေ့ချ်လှမ်းပို့လိုက်သည်။
【 လော့ကျိုးကျိုး 】 - ချူဖုန်း ပြတင်းပေါက်ဖွင့်ကြည့်လိုက်
ပြန်စာက ခပ်မြန်မြန်ပင် ရောက်ရှိလာ၏။
【 ID54367 】 - အင်း အိုကေ
လော့ကျိုးကျိုးသည် အပေါ်ထပ် ပြတင်းပေါက်သို့ မော့ကြည့်ကာ ချူဖုန်းခေါင်းပြူကြည့်လာမည်အား စောင့်သော်လည်း အတန်ကြာသည်အထိ လူမမြင်ရပေ။ မက်ဆေ့ချ်တစ်စောင်သာ ထပ်ရောက်လာ၏။
【 ID54367 】 - ကိုယ် ကျိုးကျိုးကို မြင်တယ်
လော့ကျိုးကျိုးက ထပ်မော့ကြည့်ရာ ဆယ့်သုံးလွှာမှ ပြတင်းတံခါးများသည် ပိတ်မြဲ ပိတ်လျက် ပွင့်မနေ။
【 လော့ကျိုးကျိုး 】 - ဘာလို့ ကျွန်တော် ခင်ဗျားကို မတွေ့ရတာလဲ
【 ID54367 】 - ဆင်စွယ်ရောင်ကုတ်လေးရယ် အနက်ရောင် ကျောပိုးအိတ်လေးရယ်နဲ့ ကျိုးကျိုးက ချစ်စရာ ယုန်ဖက်တီးလေးကျနေတာပဲ
YOU ARE READING
ဗိုလ်ချုပ်ကြီးရဲ့ ဗန်ပိုင်းယားအိုမီဂါ〖 Completed 〗
Science Fictionဗိုလ္ခ်ဳပ္ႀကီးရဲ့ ဗန္ပိုင္းယားအိုမီဂါ The General's Vampire Omega Title - 上将的omega吸血鬼 Author - Little Baldy (秃子小贰) Translation Status - Completed Cover Photo is not mine. I only edited. ( Readable in Both Zawgyi and Unicode )
