خرجت تمشي و شادة فالحيط .... واقفة بسيف ... غير ضربتها نسمة الهوا ... غمضت عينيها بضعف ... جاز عليها حياتها كامل في دقيقة ... طاحت دمعة وزوج حتى ولاو ويدان ... شافت الشوفور جاي يجري حبساتو بيديها ... كملت تتمشى بعقلها ... ماتعرفش وين تروح ... لمن تشكي ... طمعها وصلها لهنا ... تمشي و تخمم .... علاه صرالها هكا ... وش دارت ... فاش غلطت ... وش راح دير ... ماتقدرش تخون ثقة الفريق .... و ماتقدرش تكون السبة ف هلاك عايلتها .... حست بدنيا دور بيها ... دورت عينيها على لبلاصة لي راهي فيها ... لقات روحها في بلاصة خالية ... فيها عير لفيلات ... فهمت بلي في عود تخرج من هاد الحي زادت تعمقت فيه ... و هيا هكاك حست طونبيل حبست قدامها ... دارت كي سمعت أسمها ماقدرتش تميزو شكون ... شافتو يقرب منها ... و يسقسي فيها ... صورتو ولات فلو ... غمضت عينيها و استسلمت ... حاسة بصوتو غير يبعد ...
بعد مدة ... حلت عينيها بثثاقل ... تبسمت بفرحة ... كان منام برك ... تقعدت تجري ... رايحة ليماها توحشتها ... غير حطت رجليها فلرض ... عقدت حواجبها باستغراب من لبلاصة لي راهي فيها ... ضرب في راسها كامل وش صرا ... هزت راسها بلالا ... طاحتلها دمعة تمتم مسحتها .... هيا ضعيفة ... ضعيفة بزاف كيفاش راح تقدر تتجاوز هاد الامر ... قاطعها الباب كي تفتح .... داخل و في يدو سنيوة
قالت بصوت ضعيف : وين راني شكون نتا
جاوبها : ماراكيش متفكرة
أنفال : اخر حاجة متفكرتها كي عيطتلي بأسمي ..هزت عينيها فيه تمتم كي استوعبت وقالت : منين تعرفني ..
تنهد و قال :هاكي كولي قبل ... ماشي حاجة مي قيسما يطلعلك سكر ..
انفال : شكون نتا بعثك عبد الكريم
طلع حاجب و قال : شكون عبد الكريم ؟؟ أنا مهدي وليد خالك ... جيت نحوس عليكم نتي و خالتي جدي بعثني
طاحتلها دمعة و قالت : هادا وين تفكر بلي عندو طفلة ... اصلا هوا سباب كلش
مهدي : متنسايش بلي جدك ... و سباب واش ... الحالة لي كنتي فيها ماطمنش ...
طرطقت انفال بلبكا و غطات وجهاا
ضيق مهدي عينيه فيها بشك و قال : أنفال .. خالتي كاشما بيها ؟؟
هزت انفال راسها بهستيريا و قالت : انا انا علجالي ... شهقت تبكي و كملت انا علجال انا السبة ...
قرب منها مهدي و شدها من يدها وقال : بلعقل وش راكي ديري فهميني وين راهي خالتي ..
طلعت انفال عينيها تشوف فيه بضعف و انكسار و قالت : معلاباليش
بلع ريقو ... و قرب منها معنقها يهدي فيها ...علبالو بلي لوكان تقعد هكا ماراح يفهم فيها والو ... استغفر داخلو ... كي شافها هدات ... طل هليها لقاها رقدت ... غطاها و خرج من لبيت ...
كومبوزا نيميرو ديالو تنهد كي جاه صوتو : وي جدي
الجد : طمني كاش خبر عليها
مهدي : وي لقيتها لقيت بنتها
الجد : الحمد الله الحمدالله شوف دوك ترفدهم و تجيبهم لعندي
مهدي : بصح ..
الجد : بصح واش ني بصح ني والو
مهدي : الحالة راهي معقدة شوية
الجد : كيفاش معقدة
عض مهدي على شفتو ... ولا مرة كذب على جدو ... بصح مايقدرش يقولو كاش حاجة حتى يتأكد: احم والو بصح ماراهيش حابة تولي .. لازملها وقت ... و انا قلت نقعد هنا حتى نقنعها
الجد : بنتيي بنتي انا ... ماحبتش تولي .. مهدي قولي صح ماتكدبش عليا .. بنتي و نعرفها ماشي لي تشد الحقد
مهدي : علاه ياجدي و قتاش كذبت عليك انا دير فيا شوية ثقة
الجد : لي فيها الخير ربي يجيبها ..
كوبا مهدي على جدو ... شاف في بيت انفال ... و تنهد ..
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
