"طريقة حب أي شيء هي أن تدرك أنه قد يضيع".
تشيسترتون
°•○○○○○○○○○○○○○○○○○○○○•°
كوبا من عندها عاقد حواجبو ... مستغرب من نبرة صوتها الباردة .... حاس قلبو مقبوض ... خاس انو اخر مرة حيشوفها ... حتى من نبرة صوتها ماتبشرش بالخير ... نفض افكارو سلبية ... ماكانوش ربع ساعة كان لحق للواد ... لقاها قاعدة و عطياتو بظهر ... راح قعد معاها ... غير حل فمو باش يهدر قاطعاتو تهدر بصوت بارد خالي من المشاعر ... و كأنو مشاعرها ماتو ...
ليديا : من لي حليت عينيا على دنيا ... و انا نشفى على روحي وحدي ... لا أخ لا أخت ... لا صديق ... طفولتي كانت حزينة ... مع انو الطفولة هي أسعد ذكريات الانسان ... تربيت في وسط كانت تحبني فيه غير ماما ... أب قاسي ... غالب الاوقات برا ... حتى من دار جدي لي كنا عايشين فيها ... كنت منبوذة ... هه كانت ماني تعيطلي الكحلة .. حتى من عمومي و ولادهم و بناتهم ... ولا مرة خلاوني نلعب معاهم ... كنت نكره كي نوض صباح ربي ... طفلة صغيرة ماعندها حتى ذنب ... كامل يكرهوها ... مالغري جامي كرهتهم ... تخيل حتى فالعيد مايسلموش عليا ... و كي كنت نعبرلهم على حبي ليهم ... تعرف وش كانو يقولو ... نتي كيما يماك ... ديري قيمة لروحك ... ماكفاش ماتشبهي لوالو و زيدي ... طفولتي كانت قاسية معايا بزاف ... بصح علمتني بزاف حوايج ...أولهم انو الحب ماشي بسيف ... علمتني مانسيف روحي على حتى واحد .... و لي يحبني يحبني كيما راني .... و مانبين مشاعري لحتى واحد ... من ضعف او قوة ... من فرح او حزن ... كي لحقت 14 سنة ... وليد عمي ... طلب نولو أصدقاء ... ماتقدرش تتصور فرحتي ديك نهار .... بصح يافرحة ماتمت ... كان كل مرة يتحرش بيا ... نهار واجهتو ... تعرف وش قال ... علاه نتي شكون اصلا ... لقيتي لي يقيمك و تزيدي تهدري ... شكون اصلا حيشوف فيك ... رحت نجري نقوللهم ... قلت فاللخر هوما عايلتي ... حيوقفو معايا ... كي قلت ... ضربتني يماه بكف ... و هانتني ... فالخر انا وحدة رخيصة و كذابة ... و اكيد حبيت نلصق في وليدها ... كي سقسات و ليدها مانكرش ... تعرف وش قالت ... قالت انو انا لي غريتو ... ههه طفلة 14 سنة غرات واحد 20 سنة ... ناض جدي و حاوزنا من الدار ... وي ... حاوزنا من الدار ... كي سمع بابا ... مدار حتى ردة فعل ...خلانا برا ... حتى من ماما ماتعرف حتى واحد و فاميلتها في تونس ... لوكان ماشي ماما باعت ذهبها ... لوكان بتنا براا .... و لثالث مرة نواجه ... مسحت الدمعة لي طاحتلها ... حتى انها من لي بدات تحكي ماشافتش من جيهة زينو ...خافت تشوف نظرة الشفقة ف عينيه ... كملت تهدر : واجهت بابا لي جابنب لدنيا ... قوتلو بابا شفت وش قالو على بنتك ... قالو عليا رخيصة و كذابة ... ضربوني و هانوني ... و حاوزوني ... قتلو علاه جامي حبيتني ... قالي بالحرف الواحد : واش نسنى من بنت لحرام ... كيما يماها رمات روحها عليا ... نتي ترمي روحك على وليد عمك ....هههه واو زدت تصدمت يعني فالأخير انا بنت غير شرعية ... وليت نخاف نواجه الناس ... كلما نواجه نتجرح ... نتصدم ... فهداك نهار وكلت ربي ... ماقدرتش نسامحهم كي العادة ... قذفوني و قذفو الشرف ديالي ... صعيبة تشوف اقرب الناس ليك ... لي نتا منهم يجرحوك و يتهموك و يظلموك ... انا تيتمت هديك نهار ... تناسيتهم... حلفت مانخممش فيهم ... نطوي صفحة الماضي و نبدا صفحة جديدة ... غير لحقنا لتونس ... شفتك ... حسيت بواح الاحساس مانقدرش نوصفو ... حسيتك عايلتي ... حسيت روحي ننتمي ليك حسيت بالأمان معاك ... كان شعور دافئ ...استحليتو ... دارت شافت فيه ... في عينيه ... لقاتو يسمع فيها بتركيز ... مزير على يدو ... و عينيه حمورا ... كملت تهدر بقوة مكانش يشوفها فيها : تعرف على ماواجهتكش ... خفت نتصدم ... نتوجع ... و نخسرك ... نتا كنت حاجة بزاف شابة في حياتي ... حاجة بريئة نقية ... ماكنتش حابة تتوسخ و لا نخسر صورة الحب لي حبيتهولك ... توجعت بدل المرة ألف مرة ... و انا نشوفك مع لينا ... بصح كنت نقول اهون من اني نخسرك ... و صرا لي كنت نخاف منو ... نهار عرفت بمشاعري ... كنت كيما هوما ... جرحتني ووجعتني ... خيبت ظني و ثقتي فيك ... وسخت حبي ليك ... طاحو دموعها بلا ماتفيق ... حتى من زينو طاحتلو دمعة ... كامل عفستو فوقي ... ماقلتوش هادي بنادم و تحس ... عندها قلب و مشاعر .... انا جامي حاسبتك و لا حاسبت لينا على مشاعركم ... حتى من لينا كانت انانية معايا ... تعرف علاه ... لانو انا قوية ... ماشي ضعيفة كيما قلت صباح لأنفال ... انا تقبلت مشاعركم ... لأني كنت عارفة بلي المشاعر ماشي بيدنا ... انا ماسمحتش في حقي ... لانو نتا ولا مرة كنت من حقي .... و هاد الشي نتا لي بينتهولي ...ثوية لأني مافقدتش الثقة فربي سبحانو و برحمتو ... مافقدتش ثقتي فروحي و لا فناس ... قدرت نكمل حياتي ... قدرت نسامحهم ...القوة انك تسامح و تعفو و تتجاوز ..انا قوية ...قدرت نتبسم في عز الوجع ديالي... كنت نبكيلك ليك برك ...لاني حسبتك ماشي كيما هوما ... درتك سندي ... بصح وش راح نسنى ... حتى من بابا و كان ضدي ... و قفت نفضت حوايجها من التراب و قالت : اليوم تغلق دفتر هاد الحكاية هنا ... مسحت دموعها لي طاحو بعنف و قالت : حكاية حب تدفن قبل مايولد ... انسى واحدة فحياتك كان اسمها ليديا ... ديرني كيلي مكاش ... اصلا ولا مرة كنت في حياتك ... راني واجهتك ... بصح ماراحش نزيد نخليك تجرحني ... تهلى في روحك .... تستاهل كل خير ... غير اعطاتو ظهرها ... و اعطات الضو لخضر لدموعها ....
حتى من زينو ...طاحو دموعو ... دموع تعبر على قهرو و ندمو .... على انسانة وثقت فيه ... جرحها و اذاها بلا قصد منو ... رغبتو فأنو يعنقها و يقول انو هوا سندها و جامي يتبدل و هوا قابلها كيما راهي ... و هوا ماشي كيما هوما ... ماقدرش ... هوما حطمها بيديه ... خلا الوردة لي اسقاها و كبرها سنين تذبل ... أذاها بزاف ... بصح هنا و خلاص ... ماراحش يزيد يأذيها ... راح يخرج من حياتها كيما قالت ...
_____________________________
غاضتني ليديا ...قاستني حكايتها... ثأثرت ولله ا ... نبكي و نكتب حتى راسي وجعني ... الهرمونات دايرين خدمتهم 😂😂
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
