"عندما تحقق النجاح لا تظن أنك ستسترخي للإستمتاع به ، اذ إن أحـداً لن يتيح لـك ذلك" .
ابراهام لنكولن
°•○○○○○○○○○○○○○○○○○○○○•°
كانت الساعة 2 تاع ليل ...سمعت صوت الباب توترت كتر ...دخل رؤوف مخسر كامل ... وش قالت كامل منطقي ...هدر بلا مايشوف فيها : جبتي التسجيل ...بلعت لينا ريقها و قالت : جبتو و بعتو للسلطات ...شاف فيها رؤوف يجري و قال : شكون قالك ابعتيه ؟؟ قلتيلي ..
طلعت لينا خاجب و قالت : شكون نتا باش نقولك ...ماتنساش بلي فرقة ...تبسم بسخرية و قال : هاد الشي قوليه لروحك ... ماشي تتصرفي من راسك اومبعد تتفكري بلي كاين فرقة تتشاوري معاها ..جات حتهدر ...حبسها بيدو و قال : النتيجة ؟؟
مسحت على وجها ...مدتلو ظهرها و قالت : داوه باش يدلي بافادتو ...مي ماحالوش تحقيق
طلع حاجب و قال : السبة؟؟
نسفت بجنب و قالت : مرتو ...نورا ...عندها شهادة ثتبت بلي تعاني من امراض نفسية و عقليه ...
ضحك بتقلاق و قال : يعني فشلنا...رفد يديه يسفق : برافو برافو ...دارت ليه بانفعال و قالت : ماتهدرش معايا كاني مذنبة ... راك تسمع روح لسوسن ... هيا لي قالت لنورا على كلش و نورا بكل بساطة خدعتنا ...
خرج خابط الباب ...عيط لسوسن ...خرجلو مغلوق ...لعن زهرهم ... مزال 2 مهام ادا فشلو فيهم ... يودعو الفرقة
فجر جديد يعلن على بداية جديدة ...
حلت عينيها على صوت بكا ... دارت لقاتها بنت عمها تبكي ...تبسمت في سرها على الاقل مدت رد فعل ...قربت منها ...عنقتها و قالت : مجرد اختبار مراحش نحاسبك و نسقسيك و نحكم عليك بينك و بين مولاك بصح نعرف انو ربي غفور رحيم و جامي يخليك شدي فيه ...تبسمت وقت حست بيها تزير على حضنها ...
كي حستها هدات ...بعدت عليها شويا و قالت : نوضي توجدي روحك ...نديك تقعدي عند صحبتي ...شافت فيها بخوف ...غمضت عينيها طمن فيها ماتخافيش حتكوني في آمان معاها كتر ... عاونتها توجد روحها و ديماراو ... دخلت سلمت على انفال و تعرفت على باقي العايلة ... تقدمت جميلة من سمر (بنت عم ليديا) و قالت : ارواحي معايا ...
دارت ليديا لانفال و قالت : وجدي روحك ..تروحي معايا ...كاين اجتماع عاجل ... عوجت انفال فمها بحزن و تخبات مور مهدي : مانيش جاية ...روحي وحدك حابة نبقا مع ماما ...دار ليها مهدي و قال بمعنى : ماماك راهي معايا وقت ما تحبي تشوفيها عيطيلي ... هايا ...تنهدت و عنقاتو ...شافت في ليديا و قالت دوك نجي ...هزت ليديا راسها و دارت لمهدي توصي فيه على سمر....مكانوش 5 دقايق حتى جات انفال ...شاف فيها مهدي و قال: تمتم ...ماشي عوايدك ...ضحكت ليديا بخفة شافت فيها انفال بغيض و قالت : مالحقتش نخرجهم من الكابة ...هزت ليديا كتافها بقلة حيلة و قالت : ماشي بيدي...
ركبو فالطونوبيل متوجهين للمقر
_____________________________
حنحاول نكتب 9 حلقات ليوم و 9 غدوة حتى لدوك كتبت 3 حلقات مزال 6 ... ان شاء الله ربي يقدرني و نقدر نوفي بوعدي 🥰🥰
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
