كرونيك لصة قلبي 2 《خائنة و لكن ...》 باللهجة الجزائرية

《خائنة و لكن .. 》البارت 102

*انفال : انعم ..شاف فيها شوية و قال : تربيتي ؟! شافت فيه مضيقة عينيها غير جات حتهدر رفع يديه باستسلام و قال : خلاص هدنة ..هزت راسها بعدم رضا ..شاف فيها شوية و قال وش صرا بينك و بين خالتي ..تنهدت و قالت : عرفت كلش ...مهدي : وشكون قاللها ..ضحكت باستهزاء و قالت : شكون من غيرو ...عوج فمو و قال : عبد الكريم و اكيد قاللها وش حاب هوا ...طلعت انفال حواجبها و قالت : و هيا امناتو ... مهدي : خلينا نكونو واقعيين ...كاين جزء صحيح من واش قال و هاد الشي راح يستعملو ديما ضدك  ...مسحت على وجها و قالت :للأسف ادا ماشي كلش بصح كنت حابة منها تسمعني تسقسيني على لقليلة تسمع اسبابي ...حط يدو على كتفها و قال : ماتلوميهاش ...هي مصدومة من باباك من قبل ... شافت فيه انفال و ثالت بحدة : بابا ماشي خاين بالعكس.. صح بالاك انا نكون خاينة بصح هوا لالا تسمع فيا و هاد الشي كانل علجال هداك الارهابي ...
كان يسمع فيها بتركيز و قال : وشمن ارهابي ... مسحت على وجها و قالت : حكاية طويلة ... حمحم مهدي و قال : راني نسمع ؟؟ شافت فيه و قالت : ظهر رؤوف يعرف بابا ... و هوا لي قالي بلي ماشي خاين ..و اصلا رؤوف دخل لهاظ الفرقة علجال هاد الحاجة ..ههه ايماجيني الراجل لي يحاول يثبث براءة بابا انا بغبائي كنت نتجسس عليه و نحاول نعرقلو خدمتو و صح خسرتها ...
تبسم و قال : و شكون قالك بلي خسرتيها ...شافت فيه بحيرة ..كمل يهدر   شفتي كامل المهام لي فشلتو فيهم ؟؟ كامل عندنا دلائل عليهم و كامل راهم عندي مور مانحكمو دليل على عبد الكريم راح ندفعوهم للقوات و هكا تتعاود تتحل الفرقة خاصة ادا قالو بلي دارو هاظ الشي بلعاني باش يحكمو عبد الكريم فهمتي ...حطت يدها على فمها بفرحة و قالت : صح ..معنتها انا ماخنتش بلادي ؟؟ و ماحطمتش احلام لوخرين ... انا ماشي خاينة ..هههه تبسم معاها و قال : لالا نتي خائنة و لكن بغير قصد ولا خائنة و لكن بصورة جيدة ماتنسايش بلي لوكان ماجيتيش نتي الخائنة ماكناش حنعرفو الوجه الثاني لعبد الكريم و حنكمو هاد الدلائل ضدو ..انفال كيما كنتي سبب في غلق الفرقة حتكوني سبب في استمرارها للأبد مانحبكش تزيدي تلومي روحك هوا استغلك و حنا استغليناه
------------------------_____________

الجزائر - عنابة
قاعد سارح يخمم ادا القرار لي خداه صحيح و لا لالا ...ادا تسرع فيه و لا لالا ...حس بيها كي قعدت قدامو ... شاف فيها ...ماينكرش هيا شابة و بزاف مايخصها والو ...حتى من عقليتها ..بصح علاش قلبو مادقلهاش ... علاش ماراهوش يحس بيها ...بصح هادا مايهمش مدامو قادر يتفاهم معاها و يخمو كيف كيف .. نطق و قال : وش رايك نديرو العرس هاد السمانة ..شافت فيه و ضحكت : هههههه ههههههه ..شاف فيها عاقد حواجبو و قال : مانيش نضحك !! ..سكتو مرة وحدة و قالت : نتاا نتااا منك صح !! طلع حاجبوو بجدية ..سكتت شويا و قالت : تفاجأت ماستنيتهاش منك .. و زعما يكفينا الوقت ..عقد حواجبو و قال : علاه مايكفيش؟؟ نديرو حفلة خفيفة بين الناس لي قراب لينا ..الماكلة و الصالة على شركة التنظيم ...يبقا عليك تحوسي على كاش غوبلونش و تربحي ...شافت فيه بتركيز و قالت : خلاص دوك  انا نشوف كيفاش نفريها ...ندير الاتصالات دياولي منا لنهار لخميس يسموك مو ماغي و غمزتلو ..تبسم على شقاوتها مالغري حاس بقلبو مغموم ...