دخل للداخل ...جازت 15 ساعة دخل عليهم صابر ... غير شافو زينو ناض...
ضربو دبزة..... أمزح🤦♀️😂😂
غير شافو زينو ناض و قال : كي جا صابر نقدرو نهدرو بوضوح من لخر شكون الخاين ؟؟ ... و شاف فرؤوف بنص عين ... ضحك رؤوف بجنب و قال : اكيد انا ياك ... هادي هيا لالوجيك ديالكم ... اخر ذكاءكم ... صح انا لي فشلت فالمهمة لولة ... و حاولت نصلحها بصح للأسف عرفو تاني و استعملو هاد الشي ضدنا كمهمة ثانية فاشلة ... ضرب زينو طابلة برجلو و خبط الفز بيدو ...ناضت ليديا شداتو من يدو تهدي فيه بعدلها يدها بقوة حتى وجعتها ... غمض عينيه يستغفر ...اما هيا لعنت روحها هاد المرة هلى تسرعها و انسحبت بهدوء لبلاصتها تحاول تتجاهل نظرات لوخين ... هدرت لينا : ماشي رؤوف لأنو اخر مهمة انا لي فشلت فيها ...حتى اني ماخبرتوش بقراري كي بلغت النيابة ... مسح عبدو على وجهو و قال : مالا شكون ... هز رؤوف كتافو و قال : الشك متوجه ليكم ... مانيش مآمن وش راح نهدر دوك ...بصح زينو تان مستبعد لانو تعرض للخطف ...حط صابر يدو على راسو لي بدا يوجع فيه ...يظغط على روحو باش يتفكر وقتاش ...كمل رؤوف يهدر : قعدتو نتوما 4 ...لينا ليديا صابر و عبدو ...
شافت فيه ليديا حالة عينيها و قالت : ماعندكش الحق تتهم واحد بلا دليل ...
عوج رؤوف فمو و قال : كي نجو نشوفو للمهمات الاخيرة تولي دائرة الاتهام محصورة بين زوج ...كمل زينو و قال : لينا و صابر ... شافت فيه لينا و قالت : صحا و ادا شفنا للمهمة لي درتها وحدك يارؤوف بلا ماتقوللنا هكاك و فشلت وش تفسيرك ...
صابر : دقيقة دقيقة ..علاش انا مثلا او وعلاش أنفال ماشي داخلة معانا مثلا ماسمعتش كامل اسمها !!
ناض لي رؤوف و قال : ماتزيدش تجبد اسمها على لسانك هدي وحدة و نتا لي رحت ارتبطت بخت المحقق الفرنسي و يادرا وش راكم متفاهمين ...دار ل لينا و قال : للأسف سوسن كان علابالها ... حلت لينا يديها و قالت : ايه وش معناها ..قادرة تكون هيا لي خانتنا فالمهمة تاع باريس تان ... مسح رؤوف على وجهو و قال : ماعرفتش هيا ماكانتش من قبل .. غير ادا كانت متفاهمة مع كاش واحد .. لحق ليديا ميساج ..غير قراتو تبسمت باستهزاء و قالت : راح يفتحو تحقيق ...
حك رؤوف نيفو و قال : باينة لحكاية ... هادا واحد راهو مستهدفنا
_____________________________
ناض رؤوف غدوا من داك ... دار روتينو اليومي من رياضة و تدريب و ديمارا لوين عندو موعد مع المجهول لي عيطلو ... حبس الموطو و هبط ...لقاه يسنى فيه... غير تقابلو نطق هداك السيد : سلام ... نتا متعرفنيش و حتى انا بصح سمعت عليك من عند لي نخدم عندو ... و بما انو مانقدرش نقول للصابر هاد الشي ..حوست عليك نتا .. عقد حواجبو و قال : منين تعرف صابر
السيد : انا نخدم عند آرثر او كنت نخدم عندو ارثر المحقق الفرنسي السري .. عندو سنين و هوا يخدم على قضية المكسيكي برافو ...لانو كان مستهدف جميع دول البحر المتوسط يعني دزاير فرنسا تونس المروك ... راك تعرف الباقي .. المهم تفاهم مع صابر يجيبو المعلومات ... صابر يقدر يدي نسخة منهم بصح النجاح يولي للدولة الفرنسية ... بصح للاسف صابر فقد الذاكرة ديالو اثناء المهمة ... و اكيد ارثر استغل هاد الشي ضدو و اوهمو انو المهمة فشلت ... شاف فيه رؤوف متفاجئ من واش سمع ...حتى شافو جبد و حد الكارت ميموار من جيبو و قال : هاك ..فيها كامل المعلومات و الادلة هكا النجاح هادا يتنسب للجزائر ... طبطبلو رؤوف على كتفو بمعزة و قال : دوك نبعتلك واحد يتكفل بيك نتا و عايلتك تحسبا لكاش حاجة ..صحيت ليزوم ..السيد : بلا مزيتي خو بلادي هادي ...راح رؤوف مخلي السيد يشوف فيه مش نادم على وش دار ...و لا خايف متفكر الحديث لي دار بينو و بين أرثر و لي الكان القطرة لي فيضت الكاس
فلاش باك
الحوار بالفرنسية
ارثر : خلاص بعث الميساج ..
الحارس : وي بعثو ...
ارثر : على الاقل صلحتو فحاجة نتوما دزيرين ...
شدد الحارس على قبضتو و راح ...
نهاية الفلاش
____________________________
عرفتو بلي السيد هادا هوا نفسو الحارس تاع آرثر
البارت القادم هوا البارت الأخير فالجزء الثاني 🔥
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Aksiاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
