"أزهار، و الأعشاب ... في صمت ! و كيـف يتحرك القمر ، و الشمس، و النجوم ... في صمت ! عندها ستدرك الى أي مدى نحتاج إلى الصمت كي نكون مؤثرين" .
مارغريت لي رانبيك
°•○○○○○○○○○○○○○○○○○○○○•°
شاف فيه مهدي يربط فالاحداث ... و قال و هوا يحاول يتحكم في اعصابو : مفهمتش ... فهمني
تنهد ادم و قال : نبدا من لول
مهدي : مدابيك
ادم : الحكاية بدات كي هبطنا لتونس فالفاكونس كي لعادة ... يما حبت تخطبلي بنت صاحبتها لي هيا ليديا ... رحت شفتها مي حسيتها مترددة ... ولينا لدزاير ... جا نهار لي تردلي فيه لخبر ... باش نتفاجأ انها وافقت ... موراها بيامات هبطت هيا لدزاير ... نهار رحنا باش نخطبوها ... عيطلي وحد نيميرو و طلب نتلاقاه ... جاني الفضول نعرف شكون او وش يحوس من عندي و فعلا رحت ... و ظهر هاد السيد عبد الكريم
فلاش باك
عبد الكريم : اتفضل كنت نسنى فيك
ادم : وش تحوس عندي ؟؟
تبسم عبد الكريم بجنب و قال : أدم #### متخرج من جامعة الجزائر ... بشهادة أستاذ ف الفيزياء ... مالقيتش خدمة ... علابيها لجئت لتهريب الذهب عبر الحدود الجزائرية التونسية ...
خفا آدم علام التفاجئ من وجهو ببراعة و قال : شكون نتا من لخر
عبد الكريم : ماتتوتر ما والو ... ماجيتش نهددك .. جيت نطمئن على مستقبل بنتي .. و نعرض عليك خدمة في نفس الوقت ...
ادم : راني نسمع فيك ..
عبد الكريم : معاك مؤسس الفرقة السرية للمكافحة الجزائرية ..
ادم : مافهمتش ...
عبد الكريم : حنا حماة الوطن الخفاة ... مالغري ندافعو على بلادنا ضد بلدان ثانيين مي ادا حكمونا السلطات الخارجية للدول الاخرى ... حتعتبرنا خونة للوطن ...
قاطعو ادم و قال بنفاد صبر :ايه و انا وش دخلني فهاد المعمعة كامل ...
تبسم عبد الكريم بتكلف : اصبر على رزقك ... راني حابك تراقبلي وحدة ... تقرا عندك
ادم بحيرة : بصح انا منقريش .. منخدمش
عبد الكريم : علاه مزروب ؟؟ ... لوكان تقبل بعرضي راح تولي بروف فيزيك فوحد ليسي في عنابة ..
ادم : رلك حاب تقول ندخل للفرقة ؟!
هز عبد الكريم راسو بالرفض و قال : لالا.. حتولي تخدم معايا برك ... تراقبلي هاد التلميذة لي قتلك عليها
ادم : اعطيني وقت نخمم
عيد الكريم : عند وقت من لعشية ... ادا كملت فالخطبة حنعتبرها موافقة ... و غمزلو في آخر كلامو ؟؟
شاف فيه آدم مضيق عينيه و قال : كنت تقصد ببنتك ليديا
تبسم عبد الكريم بجنب و قال بخبث : ليديا كيما بنتي ... و مش غير هيا ... كامل لبنات لي فالفرقة كي بناتي هههه
حل آدم عينيه و قال بصدمة : ليديا من الفرقة ؟!!!
عبد الكريم : عشية تزيدو تتعرفو
نهاية الفلاش باك
أدم : و مع الوقت فهمت انو انفال عضوة فهاذ الفرقة ... مي صدقني ماكنتش نعرف ابلي هيا نفسها بنت خالتك ... و اول مابعثلي تصويرتها قتلك بلي نقريها ...
خبط مهدي الطابلة بيدو و نطق من تحت سنانو : نتا علبالك بلي راك داخل خيانة وطنية ولا معلابالكش
عوج ادم فمو و قال : للاسف عرفت اليوم ... انا ماكنتش نعرف اهدافو ... وش يقول نفذ ... حتى تلاقيت ببنتو صباح و فهمت من هدرتها بلي هدفو يدمر الفرقة لي من الاساس هوا لي كونها ... بمعنى آخر يخون الوطن ... بصح حتى لدوك مافهمتش السبة لي تخليه يهدم وش بنا ... انا جيت ليك ليوم باش نحذرك ... مهدي غير اجبد بنت خالتك من هاد الضومان ... اللعب مع عبد الكريم ماراهوش ساهل ... قبل ماتتفر
نطق مهدي بأسف : تفرت و كملت .. انفال هيا الجاسوسة تاع عبد الكريم لي زرعها فالفرقة
ادم بصدمة : وش راك تهدر ؟؟
مهدي : للاسف و منعرفش وش ندير ... حتى من يماها و خوها خطفهم ... و جدي كل يوم يحوس عليهم ...
ربت ادم على يدو و قال : لازم نحطو ليد فاليد و نتغلبو على هاد المحنة
تبسم معاه مهدي ابتسامة باهتة ... حتى صونا تيلفونو ... طلع حاجب واحد يقرا فيه بالحرف و يعاود ... بتركيز تام ...
ادم : وش بيك .. وش بعثولك ؟؟
مهدي مضيق عينيه : أنفال بعثت ميساج
_______________________////
ان شاء الله تكون توضحتلكم احداث الكرو♥️ ...
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
