اول كرو في سلسلة 《قيود الحب 》
الجزء الثاني من لصة قلبي
الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ
خيانة العائلة ...خيانة الصديق..خيانة الحبيب...خيانة النفس...
و أغظمها خيانة الوطن❗...لكنها خائنة و لكن ....
❌❌❌ممنوع...
"ومن أكبر أخطائي أنني كنت أمرّ على لحظات الفرح مروراً عابراً، وأعيش الحزن بكل مشاعري"
°•○○○○○○○○○○○○○○○○○○○○•° ادم بتساؤل : وش فيه ؟؟ مهدي : على حساب وش فهمت ... رؤوف حيداهم مخزن تاع المخدرات و الأسلحة ... ادم : مافهمتش مهدي : وصيتها كي تعرف كاش معلومة تخبرني بيها انا لول باش تخبر عبد الكريم ادم : علقداش المداهمة ؟؟ مهدي : مزال مابانش ... واحد بعثلو العنوان تاع المخزن ادم : ابعثلها ميساج ماتقولش لعبد الكريم دوك ... لازم نربحو شوية وقت مهدي : داكور ادم : اسمع .. ماتقوللهاش بلي راني معاكم ... مهدي : كونك هاني ادم : المخزن وين ؟؟ مهدي : فدزاير ... لازم نتصرفو دوك قبل عبد الكريم و رؤوف ادم : عندك الحق ... سكت يخمم في حل ... سرعان ماتبسم بجنب و قال بغموض : لقيتها ... نوض لازم تروح دوك مهدي باستغراب : وحدي !! هز أدم راسو وقال : وي وحدك .. انا عندي شغل ... سلام ... وقف مهدي معاه و قال : اصبر اصبر نسيت حاجة .. خزر فيه ادم يسقسي فيه بيه ... عض مهدي على شفتو التحتانية و تبسم ... و اعطاه دبزة بكامل وش عندو ... ولا ادم للور ... جات على غفلة ... مهدي : دوكا تقدر تروح ... و راح سابقو يخلص ... مسح آدم الدم لي في شفتو و قال : توجع آ الكلب ... _____________________________
قلبت عينيها بملل من عبدو .... و شافت من جيهة رؤوف و سوسن ... لي كانو يتناقشو بهدوء ...غير طاحت عينها في عين رؤوف ...هزلها حواجبو باش تبع مع عبدو ... تبسمت بشقاوة ... و غمزتلو على سوسن ... تبسم بجنب و قلب عينيه منها ... اما هيا تبسيمتها وساعت كي سمعت عبدو يقول : و هكا نكونو كملنا درسنا لليوم ... أنفال : مالا انا نروح ماحست غير بيد جبدتها كي وقفت ...و عاودت قعدتها ... دارت ليه و قالت : واش عبدو : كاش أسئلة ؟؟؟ انفال : لالا ...و راحت تجري توجد روحها تتلاقى مع أسماء بالاك تنسى شوية ... غير حلت الخزانة ... قابلوها حوايج سوسن ... عينيها ولاو قلوبا ... جبدت وحد روبا ... دورت عينيها عليها ... شافت فيها بتردد ... اومبعد حسمت قرارها و كانت حترجعها لبلاصتها ... قاطعتها سوسن : طقم بزاف شيك ... صوطات انفال من بلاصتها و قالت بتوتر و حشمة : كنت حنرجعها .. مكانش مكنتش نعرف ...حطت سوسن يديها على كتفها و قالت : مكاين والو ... تقدري تديه ... بصح اصبري ... امممم ايوه زيدي معاه هادا و هادا .... و هادو ... حيكون بارفي ...شافت فيها انفال مستغربة ... كملت سوسن : اعتبريها جزاء على معروفك معايا و خرجت مخليتها ... عوجت انفال فمها ... شافت فروبا و غي روحها تبسمت بحماس و راحت تلبسها ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طمت شعرها كوتشيفال و بوكلاتو شوية من التحت ... ابتسمت برضا على شكلها ... خرجت لقات رؤوف يستنى فيها ...شافت فيه بإستغراب ... اما هوا قيمها من لفوق للتحت ... أنفال :نتا توصلني ... عوج رؤوف فمو وقال : ماعجبتكش ... عقدت انفال حواجبها و قالت في قلبها عاجبني برك و جازت متجاهلاتو ... غير حطت يدها باش تحل لباب ... حبسها كي قال : طلعي بدلي حوايجك ... انفال : باردون !!علاه ؟؟ رؤوف : نظن رايحة تقراي لالا ؟؟ هزت انفال كتافها و قالت : اومبعد رؤوف : و هادي ماشي لبسة تاع قراية ... و زيد راكي رايحة للدار ... كي يشوفوك هكا ... وش راح يقولو عليك ... نفست بتقلاق و قالت :ماتحسسنيش اني عريانة ولا ... الطقم شبااب و مرتب ... هادي واحد و زوج رانا رايحين للمكتبة ماشي للدار ... و زيد ياك راح يهدرو عليا انا ماشي نتا .. اااوف خبطها رؤوف للراسها بصبعو و قال : وش تفاهمنا صباح ... طلعت عينيها تشوف فيه بحيرة ... كمل : ماشي قتلك بلي منا حتى تخرجي ... راكي مسؤوليتي ... و في مقام ختي ... و الاخت لازم تاخد راي خوها ... و لا ني غالط ؟؟ .. غنضت انفال عينيها تتحكم في روحها و قالت بابتسامة صفرا : و نتاا مراكش خويا باش تحكم فيا ... و لبسة مانبدلهاش ... اصلا تاع سوسن ... عربون تصالح ... لوكان نحيه عيب .... حللها الباب و طلع بلا مايقول حتى كلمة ____________________________
اسفة على التاخير بصح ماشي بيدي الويفي ماحبش يدخلي البارح😔 ... ان شاء الله نعوضكم ليوم ♥️♥️
