الحب هو رغبة ملحة فى العثور على مرفأ آمن لروحك الإنسانية
— أورهان باموق
°•○○○○○○○○○○○○○○○○○○○○•°
حمحم زينو و قال : وش لهدرة لي سمعتها ؟؟ ...
تنهدت و جاوبتو : وشمن هدرة سمعتها .. عقد حواجبو و تقرب مني ..قعد قدامي و قال و هوا يهز في رجلو من تقلاق : نتي ..اوف نتي و صابر !! كاينة منها .. بلعت ريقي نستجمع في شجاعتي لي راحت في مهب الريح و قالت : امم ... قفزت على صوت يدو كي خبطها على الطابلة : وشنو امم و شمو اممم وش معنتها يالله ...درتوني تحريشة بيناتكم ... ##### و ####### ...#######..
حليت عينيا على وسعهم و حطيت يديا على وذنيا باش مانسمعش ... كان صوت زينو يعلى و يعلى ...اخترق يديا ... كي كمل خبيط و سبان ..قرب مني .. غير شفتو هكاك ..وليت نتسحب للور متركزة على يديا حتى تخبطت مع نهاية السرير ... شدني من ذقني و قال : يادرا شحال من مرة هدرتو مورا ظهري ..كان عاجبكم الحال كي درتوني كي لحمار في وسطكم تلعبو بيه ... وجهك باش غاسلاتو ..بكل وقاحة جاية تحاسبي في ليديا كي تهدر معايا ...و ديري بيناتنا ... ليديا لي مالغري كان علابلها و سكتت ... باش كنتو تخمو هداك الوقت .. نتي أرخص وحدة شفتها في حياتي..نقولك تستاهلي وش راح يصرا فيك ...نحا يدو من وجهي بعنف و دار خارج ..حبستو كي قلت : زينو ...راك غالط ..صح انا نحب صابر و حتى كي كنت معاك ..بصح كي بديت معاك ماكانتش نيتي نغيرو ..جامي ... كنت حابة ننساه و نبظا حياة جديظة بلاه ... و نتا بعينك شفت شحال علاقتنا تخسرت مور ماولينا كيف كيف ...زوج كلمات مانهدروهمش .. وادا هدرنا نضاربو و نخسرو لبعضانا لكلام ... سكت شوية و قلت : زينو ..ماتخليش هاد الفرقة تتفرق كتر من راهي متفرقة ...مثلا انا علاقتي راهي مخسرة معاهم كامل ...حتى من ليديا ماعندهاش بزاف من لي تصلحت ... علاقتك نتا و رؤوف من لول متوترة ...و نتا وليديا .k..تنهدت و كملت معروف حالكم ... ماتخليهاش تخسر مع صابر تعي...قاطعني كي قال بصوت قوي : نتوما ماشي انا ... راكي تسمعي علجالك صابر داير غي بالو بلي كنت معاك رغم معرفتي بحبو ليك ... صحا؟! حتى من ليديا و عندها ذنب ف هاد الشي ... تعرفي حاجة الفرقة تفرقت اساسا هداك النهار و علجالك ...نتحيلك ...
خرج خابط الباب موراه ... قعد كلامو يتعاود على مسامعي ..ههه الحقيقة توجع .. صح نهار رحت ليع بيدي فرقت الفرقة خلقت فجوة بيني و بين ليديا و صابر و بعدت ليديا و صابر على زينو و ليوم زدت انا تخاسرت مع زينو وش بقا ... شويا هكا دخلت ليديا بلاما تهدر حرف ..جات عندي عنقتني عرفتها سمعت هدرتنا ... زينو كان يعيط لدرجة بالاك حتى عبدو سمعو ...شويا و قالت : كامل نغلطو لينا بصح في يدنا نثحو أخطائنا و راني هنا نعاونك باش نلمو الفرقة من دارة وجديد ..زيرت عليها و همست : مانعرف وشمن حسنة لي خلات ربي يرزقني بصاحبة كيما نتيا ...
____________________________
و أخيرااا لحقنا للحلقة 100🥳🥳🥳 كنت حابة تكون الحلقة 100 هيا الحلقة الأخيرة فالجزء 2 مي أحداث الجزء الثاني مزال ماخلاصو🔥🔥 ...يعني تقدرو تستنتجو انو رانا فالحلقات الأخيرة 😌😌...متحمسة للجزء الثالث و الاخير لهاد لكرو😫 ..لي حيكون بعنوان "الجزاء " 😍 و كي نكمل لكرو نديرو مناقشة مفتوحة عليها ...و احتمال ضئيل جدا نكتبها بالفصحى يعني مزال ماقررت مجرد احتمال 🙄
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
