"الذاكرة تتجرد مع الزمن، تغيب الصور،الأصوات والوجوه، كل شيء يتبدد إلا شعورك، وبعد زمن كاف
لن تتذكر ما حدث إلا ما شعرت به"
°•○○○○○○○○○○○○○○○○○○○○•°
بعد مرور يوم ...
قاعد يلعب بالبريكي مرة يشعلو مرة يطفيه ... قاعد في دار الشجرة ... حاط الملفات قدامو ... يحاول يربط بيتاتهم .. و يعرف حاجة جديدة على هاد الجينرال ... الحاجة الوحيدة لي قدرت تشغلو على التفكير فيها هيا هاد القضية ... رما البريكي و عبس ملامحو كي تفكر وضع الفرقة ... لي من نهار جا و هيا في تدهور ... زعما هادا كامل صدفة ... من المحال ... هادا ياإما واحد مستقصدو و لا حاب ياخدو كتمويه ليه ... و الادهى انو هاد الشخص خبيث ... عارف كيفاه يستغل كل واحد لصالحو كانو يشبه لعبد الكريم بزاف ... عبد الكريم ..حبس حركة صوابعو عند هاد النقطة ... تقعد يجري و هوا يخمم في هدرتو ...
....عبد الكريم : وي ندمت صدقني قادر نجازف بكلش باش نرجع دقيقة برك من عمري لي ضاع ندمت لي ضحيت بقلبي الحاجة الوحيدة لي نتمناها نكون عايلة و مارانيش حاب حكايتي تتعاود معاك ...
قادر نجازف بكلش ...قادر نجازف بكلش...
يمشي بخطوات ثابتة ... راسو مرفوع ..حتى من نظرة عينيه تبدلت ...موراه تمشي بكل ثقة تبع في خطواتو ...فرحانة بالتغير لي صرا لشخصيتو ...خلاتها كاريزما كتر ... تجر في فاليزتها تقول جابت باريس كامل معاها ... غير خرجو لبراا لقا الطونوبيل لي قال عليها تستنا فيه ... حط الباقاج ملور ... طلع و ديمارا مخلي الغبار موراه
عيطلها مرة و زوج و مكانش رد ...قلقو تجاهلها ليه ... غير جا حيكوبي رفدت و باين على صوتها النعاس : اممم
ماقدرش يمنع تبسيمتو و قال : وش قلنا على السهرة كي حابة تولي كي زومبي ؟؟
روميسا : ويي ... ضحك بصوت ... سكت شويا و عيط باعلى ماعندو : روميسااااااااا ... رمات تيلفون من يدها و قفزت تجري من البونك حتى طاحت ... دارت يدها على راسها من الظوخة لي حكمتها .. قعدت ثواني باش قدرت تستوعب الامر ...
وقفت عاقدة حواجبها ... كوبات عليه و راحت بلوكات نيميرو ديالو ... ماتنكرش بلي عجبتها شخصيتو و قدرت تتصرف معاه بطبيعتها ...بصح ماشي هوا الشخص لي كانت تحلم بيه ... ديما كان في بالها ترتبط بواحد كيما رؤوف الغموض ديالو تعشقو ... وجعها قلبها غير بلوكاتو ... قعدت فوق البونك باهمال و هيا تردد بلا وعي انا نحب رؤوف برك يعجبني رؤوف ... تحاول تقنع روحها بسيف بلي تحبو !!
عض على شفتو حاس بلي زاد عليها شويا ...عاودلها لقاها غالقاتو ...بلاما يخمم 2 خطرات رفد المفاتح و جا خارج ...فطريق تلاقا بصابر ...تبدل مورالو في دقيقة ..راح يسلم عليه و يعنق فيه ...شاف بإستغراب فلي موراه و قال : ماتعرفناش ؟! تبسم صابر نص ابتسامة مارتحلهاش عبدو و قال : لونا ...خطيبتي ... مدت يدها لعبدو ..لي شاف فيها م لفوق لتحت و قال : ماشي متشرفين ... جبد صابر معاه و قال : منين جبتها ؟؟ راك حاب تقوم الحرب نتاا؟؟ لوكان تشوفها لينا راهي ماتفراش ... جبد صابر روحو منو و قال : شكون لينا ؟؟ وش علاقتها بيا انا من لي نشفالها و هيا امي ديالي برك !! وش دخلها ادا حبيت و لا خطبت ... و راح تجاوزو داخل للمقر ...دار عبدو يشوف فلونا ... غير طاحت عينو عليها .. حركتلو حواجبها و راحت ...عض على خدو بغيض و راح متبعهم يتمتم : حتى تقتلوني قبل ما نتزوج لتما باش تبردوو....
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
