إن الشجاعة لا تعني أنك لست خائفًا. الشجاعة معناها أن تكون خائفًا، خائفًا جدًا، لكنك تفعل الصواب رغم ذلك
- نيل جايمان، كورالاين
°•○○○○○○○○○○○○○○○○○○○○•°
كانت غايسة تخمم في روحها و غي حياتها لي خرجت عن سيطرتها ... مولاتش تعرف الصح من الغالط ... حست بيه كي قعد مقابلها .. شافت فيه و قالت : حابة نهدر معاك بخصوص علاقتنا ...
هز ادم راسو و قال: وي مام انا عندي هدرة ... هزت ليديا راسها و قالت : حابة نقرب لادات تاع العرس او هلى الاقل نتزوجو ... شاف فيها مبهوت مكانش بسنى فيها تقول هكا ...خاصة وقت كان ناوي ينهي علاقتو بيها ...لانو شافها غالطة من الاساس ... غير جا يهدر ..طاحت عينو في عينها ... حس هاديك الخزرة قتلاتو ... الله غالب ماشي بيدو ... لازم يخرجها من لعبة .. شد ليديا من يدها و قال عكس وش كان حيقول قبل لحظات : صح عندك الحق ... ماشي حاب نزيد نطول بعيد عليك ...
شافت فيه ليديا و جبدت يدها منو و قالت بإستهزاء : ههه نتوما كامل هكاا ياك ... دارت شافت في اسماء لي حطت يدها على قلبها ... خزر فيهم ادم باستغراب و قلبو واجعو على اسماء ... غير قرب منها يطمن عليها ...هزت راسها بلالا و خرجت مخلياتو يتبع في خيالها بحزن ...قاطعاتو ليديا كي حطت تيلفون في وجهو ... تصاور من خطبتو هوا و اسماء و قالت : ربي حاب يكشفك ...حتى اني مانعرفش شكون لي بعتهوملي حرام عليك وش درت فيها و هكا راك خسرتنا لزوج ...و خرجتوحتى هيا مخلياتو ...ولا لمكانو و حط يديه على راسو علاه حاس بلي الدنيا خلاصت و الوقت حبس فهديك الدقيقة لي طاحت عينو في عينها ...ماشي هوا كان حاب هكا من لول ... قطع خلوتو صوت تيلفون ريبوندا بلا مايشوف حتى سمع صوتو يقول : هكا باش لمرة الجاية ماتلعبش بذيلك و تحطلي كاميرات ...
كوبا عليه مقرر يحط نهاية لكلشي ...
بعد مرور أسبوع
حط يديه على راسو و تصاور من الماضي يمرو عليه ... حاسو راح يطرطق ... الوجع مسيطر عليه ... حس بيها كي دخلت ...راحت تجري عندو و قالت بصوت حنين : صافا ... هز راسو و قال : كيفاش سافا و انل ناسي كلشي على روحي ... حط يديه على وجهو يمسح عليه ... و قفت موراه ..حطت صباعتيها على راسو ...تبسمت بخبث و قالت بنبرة لعوبة : حابة نعترفلك بحاجة ..سكت يسمعلها ... شوف صابر نتا كانت عندك مهمة مشتركة مع خويا و للأسف فشلتو فيها و فقدت الذاكرة ...يعني الحكاية تاع ديك المرة مكاش منها ...بصح انا صح حبيتك و مستعدة نعاونك و نوقف معاك حتى و ادا ماكنتش مرتك او حبيبتك ...
شاف فيها مستغرب و قال باعجاب : عجبتني صراحتك ... ماستنيتهاش منك ... تقدري تقوليلي شكون انا ... قعدت مقابلاتو فالفراش و قالت : صابر عضو فالفرقة السرية الجزائرية ... جمعتك مهمة مع خويا و للاسف فشلتو فيها و فقدت الذاكرة حتى من الفرقة ديالك وو ... حطت يدها على فمها بتفاجئ مصطنع ...شاف فيها ..غمض عينيه و قال : كملي ..بلعت ريقها و هربت عينيها و قالت : احم يعني يعني فقدنا الاتصال معاهم .. و للاسف حتى هوما فقدو الاتصال معانا ...تبسم باستهزاء و قال : قصدك رماو الما عليا ...حطت يدها على يدو و قالت : نتا ريح دوك ماتخممش ... غدوا ان شاء الله نجيبلك تصاورك معاهم و نحاولو نشطو الذاكرة ديالك ... و ادا صح رماو عليك الما هوما الخاسرين ... تبسم معاها بامتنان ... خرجت من عندو غير غلقت الباب تبسمت بثقة و قالت : أفضل كذبة هي القريبة من الحقيقة يا صابر ... ههه لعبة جديدة نجيب بيها للوقت نشوفو كيفاه حتخلاص حكايتنا
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
