غير خرجت من عندو تلفونو صونا لقاه زينو ...كان حيكوبي لكنو بدل رايو في اخر لحظة و رفد عليه ...
زينو : لازم نتلاقاو و نحطو نقاط على حروف ... كوبا عليه صابر بلا مايزيد حرف رفد مفاتحو وخرج من الدار و راح ليه ...غير لحق جاتو دبزة من عند زينو ..شد فكو وين ضربو زينو و قال : واش هبلت ..
شدو زينو من الكول تاع تريكو و قال : نتا هبلت في مخك هكا ... من وقتاش تحب لينا ..اهدر ..كيفاش قدرو تحط عينك في عيني و انا معاها ...ماشي هدة تاع رجال والله ... كيفاش ماصارحتنيش !! لالا و زيد جاي تضرب فيا بلا سبة ...طبعو صابر و قال و هوا موجهلو صبعو : ماتلعبش معايا هاد اللعب راك فاهم ..الدنيا كامل كانت عارفة بمشاعري من جيهتها ..ماتكوفش روحك و بلاما نضحكو على روحنا ماديريش روك الراجل لي يحب و يغير نتا لينا جامي حبيتها ..درتها وسيلة تلهي روحك بيها على ليديا ...قرب منو زينو و طبعو وقال : حتى و ادا مانحبهاش كان لازم عليك تصارحني ... بصح نتا كنت جبان ..من اول مشكل سمحت فحبك ..نتا واحد معندكش شخصية .. و اكبر دليل مور ماحبسنا انا لينا راح تتزوج بوحدوخراا على كل حال حنديلك اخر معروف و اخر نصيحة مني كصديق الطفلة راهي قاتلة روحها بالبكاا و نتا بواش راح دير صح راح تدفن الحب لي مزال ماتولدش ...زير صابر على يظو و دار مولي عاطيه بظهرو و قال ببرود : عرسي اخر سمانة ...قوللهم راهم معروضين حتى نتا ...
شاف فيه زينو بصدمة من كمية غبائو و قال : راك تغلط و راح تندم ...تجاهلو و ركب فطونوبيل مخلي لوخر يتبع في أثرو بحزن
المقر ..
كانو كامل متجمعين ... حتى من رؤوف و لينا تما ... دخل زينو لقاهم بهديك الحالة ..حط المفاتح بجيه و راح قعد قدام رؤوف بيأس هوا الأخر ... نطقت ليديا و هيا تشوف فيه : الشاف عبد الكريم طلب منا نفرغو المقر في سمانة .. سكتت شوية و كملت مدام فشلنا في 4 المهام قالك مكاش داعي يستناو الخامسة ... حل عينيه بصدمة و قال : وش قصدك ؟؟كيفاش !!معنتها الفرقة حتتغلق ... ماعندهمش الحق يديرو هكا !! فبيان تاسيس الفرقة كاين مادة تنص انو الفشل في 5 مهام على التوالي ...معندهمش الحق يخترقو هاد المادة ...هزت ليديا كتافها و قالت : للأسف هاد القرار مصادق عليه من طرف الجهة العليا ...خاصة انو تقريبا كل المهام كانت متعلقة بقضايا خارجية مايقدروش يخاطرو بوحدة ثانية ... 2 تاع المكسيك و وحدة تاع تركيا بلا ماننساو المهمة تاع الجزائر ... غمض عينيه باسف ...دام السكون شويا حتى قطعو عبد الصمد كي قال : وين راهو صابر ماجاش معاك ...ضحك بسخرية و قال : راخو يوجد لعرسو لي راح يديرو في اخر سمانة ...توجهو كامل الانظار على لينا ..لي كانت تلعب بصباعتيها بتوتر و تعض في خدها من لداخل باش ماتبكيش ...نطق عبدو يحاول يبدل الموضوع : لازم يجي و يعرف دوك نعيطلو ..قاطعاتو لينا كي ناضت و قالت : دوك انا نعيطلو ...ليديا : متأكدة ؟؟ هزت براسها و خرجت تعيطلو
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Akcjaاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
