غير صونا المرة الثالثة رفد و قعد ساكت ...خدات نفس و قالت و هيا تيري اي حاجة تجي في طريق رجلها ... : cv ??
صابر : حمد الله و نتي !
لينا : حمد الله سكتت تحاول تجمع في هدرتها و قالت : صابر انا خممت فواش قتلي المرة لي فاتت و لقيت بلي عندك الحق ... حتى نتا عانيت معايا و نستهل الفرحة في حياتك و فالحقيقة مانيش حابة هاد الشي يأثر في علاقتنا ..بالاك صح مانجحناش فالحب بصح مانقدروش ننكرو انو نجحنا فصدداقة و جمعتنا صداقة قوية ... يعني حابة نقول نولو اصدقاء كيما كنا ...هز راسو مقتنع بواش قالت : زين ماقلتي ... فرحتني بقرارك هادا
مسحت الدمعة لي طاحتلها و قالت : ههه مالا عندي ليك خبر ماشي مليح يعني على الاقل بالنسبة لينا حنا
عقد حواجبو و قال : وش صرا ..
عوجت فمها و قالت : ارواح للمقر تعرف ..
سكت شوية و قال : ياك ماشي لعبة من لعباتك كي لعاظة نع ..قاطعاتو كي قالت ببرود : الفرقة توقفت ... عندنا سمانة في يدنا نغلقو المقر ...
صابر : كيفاااش ... كوبات بلاماتزيد حرف جرحها بهدرتو ..حسسها كانها بلا كرامة ...و من صفاتها الكذب .. طلعت عينيها فالسما تخمم ...يعني صح هيا تكذب و كلش بصح ماشي كذابة ...رمات شعرها بغرور و كملت مشيتها بثقة تحاول تتجاهل الشعور لي في قلبها
في طريقها تلاقات مع رؤوف تبسمت معاه فوق قلبها و جات جايزة ...جبدها منويدو و قال : لازم تروحي لطبيب على الدوخة لي راهي تصرالك ...شافت فيه مدة تستوعب وش راهو يهدر اومبعد قالت : راني مليحة من الماكلة ...شاف فيها و قال: غالطة كلما تزعفي تصرا معاك ... هادي ثاني مرة ...يعني ادا حابة تنتقمي من لي قتل باباك لازم تكوني قوية ماشي بضعف هادا ..شافت فيه و قالت : ديزولي ..ديك نهار تسرعت و ... قاطعها كي رفد على تيلفونو متجاهلها ..شافت فيه بغيض لوكان ماشي شوية تقتلو و تهني البشرية منو ...سباتو و دخلت .. اما عندو رفد و قال : شكون ؟؟
@@@:..........
رؤوف : منين تعرفني وش يضمنلي
@@@:..........
رؤوف : اممم اوكي بصح لوكان نفيقلك تكذب ولا...واحد مايسلكك من يدي ...كوبا عليه ... وقف يخمم في واش راح يزيد يبان ...جات في بالو بلا مايخمم 2 خطرا عيطلها .. رفدت عليه من أول رنة ...
انفال : وييي
رؤوف : واجدة لغدوة ...
انفال : شويااا خايفة هه
رؤوف : من واش تخافي ديري لي عليك و البلقي على ربي ..
انفال : صحا كي تفكرتني ...
رؤوف : مابيناتناش سكت شوية و قال : حقااا عرس صابر هاد الخميس ...
صاغت من الفرحة : يااااااااا صح قول والله احلف و صوطي ماركش تتمسخر ياعمرييي شحال فرحتلهم يستاهلو كل خير حتى من لينا قاسات في حياتها ...و راني فرحانة نكمل الباك من عندي عرس من ...تعرف عندي شحااال ماحضرتش عرس بصح بففف زعما يكفيني الوقت نجي و نوجد روحي سورتو ادا دارو في عنابة ...أول مرة فتاريخ يتمنى ماتسكتش ...صوتها و كترة كلامها المرة هادي كان عندو نغمة مميزة على وذنو و اوتار قلبو ..يسمعلها و ابتسامة مزينة ثغرو ..كي سكتت قال : ماشي مع لينا ..
سكتت تستوعب و قالت : مع من ؟؟ رؤوف : وحدة تعرف عليها في فرنسا ... انفال : حمار هاظا ماشافش لينا تموت عليه ..رؤوف : بصح حتى لينا غلطت و مذبت عليه و هوا من حقو يكمل حياتو مع الطفلة لي يشوفها مناسبة ليه و حتى الزواج ماشي لعبة لازم يعرف يخير الام لولادو ...انفال باختلاف : صح بصح لينا تحبو و ظارت كامل هداك الشي من حبها ليه و ملازمش نحكمو على الواحد من غلطو ...صح غلطت بصح تعلمت و كان عندها ظروف ... و لينا ام مناسبة و مسؤولة تعرف بلي فاقد الشيئ يعطيه بكل بساطة ... تبسم بجنب و قال : فاقد الشيئ لا يعطيه ...ماتقدريش تمدي حاجة ماتعرفيهاش انفال : ملنيش موافقاتك المهم انا مارانيش جاية ...بلغ سلامي ليهم ...رؤوف : يبلغ ... تصبحي بخير
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Aksiاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
