كرونيك لصة قلبي 2 《خائنة و لكن ...》 باللهجة الجزائرية

《خائنة ولكن...》البارت 46

طلعت انفال راسها وقالت : راني خايفة
زير عليها وقال : ماتخافيش كامل رانا خايفين ...
ترسمت شبه ابتسامة على وجها وقالت : ماما ماقتليش بلي وليد خالي شباب هكا
تبسم و قال : راكي عرفتي دوك
هزتلو براسها ...
كمل قال : وش عندك غدوا
هزت كتفها و قالت : نقرا و عندي تدريب ..
عض على خدو من الداخل يخمم ... بعد.مدة شاف فيها وقال : اطلعي ترقدي غدوة تنوضي بكري ...
تنهدت انفال و ناضت خزرت فيه وقالت : مهدي ... مارانيش حابة نكون خاينة
تبسم معاها مهدي و قال : متخافيش راني معاك ... وش يقولك ديري ... اعلميني برك ...
هزتلو رتسها و طلعت ترقد ...
صباح ناضت هيا لولا لبست حوايجها ... طلت عليه لقاتو راقد وين خلاتو البارح ... تبسمت و غلقت الباب بهدوء ... حبست طاكسي و راحت للمقر ديراكت ...
أنفال : حبسلي هنا تعيش
الطاكسي : متأكدة ....
انفال : وي تعيش ..
خلصتو ... و هبطت نمشي ... تفكرت أول مرة جيت لهنا ... وقت طلب مني رؤوف نمشي للمقر ... بديت نمشي بلعقل ... شفت الساعة فالتلفون لقيتها 8 و نص ...
___________________________

رؤوف
قعدت فوق القرمود كي لعادة ولات هادي بلاصتي بيدما توجد الثانية ... جات في بالي أنفال ... مازلها صغيرة على هاد الميليو ... وش لي جبر طفلة قدها تخدم هاد الخدمة ... مئات الأسئلة في راسي ... كيفاش تعرفت على عبد الكريم  ... و علاه هيا بدات ... حاولت نحوس على كاش معلومة عليها مي مالقيتش ... فهمت بلي عبد الكريم هو المسؤول على هاد الشي ... عبد الكريم ... هيا الحلقة لي جامعتنا ... كل واحد فينا عندو علاقة و لا سر معاه ... شخص ذكي بزاف ... و يعرف يستغل الظروف لصالحو ... و يخمم في كلش ... علابيها داير الثقة فيه ... تنهدت ... زعما وش راح تكون المهمة الثانية ... اما ملف فيهم ... و أنفال زعمة راح تقدرلها ... بسجاذتها تاع البارح ماشكيتش ... لازم نبدا نخدم معاها من جانب الدفاع على النفس ... اصلا معندهاش كوتش دوك ...  منا حتى تجي سوسن ... نستغل هداك الوقت .... شفت فالساعة لقيتها 10 ... نفخت على جنب ... راهو في 3 ايام ... مابان والو ... صونا تيلفون لقيتو هوا ... رفدت تمتم : وي نوح كاش مابان
نوح : ماتتقلقش ... مدلي شوية وقت ...
نفخت بجنب و قلت : نتكل عليك ...
نوح : ماتخممش
كوبيت عليه ... حتى نشوفها جايا من لبعيد ... طلعت حاجب ... هادي أنفال وش جابها لهنا فهاد الوقت بلا شوفور ...
كي لحقت دخلت تجري .. و وجها صفر ... تقول هاربة من كاش حاجة ...
هبطت مورها ... غير دخلت للكوخ قفزت ... خزرت فيها بتعجب و قلت : cv
حسيتها تفرفشت وقالت : cv cv امم اسمع رؤوف نسقسيك ... كاشما كاين ف هاد الغابة
عقدت حواجبي ... و صرت شبه متأكد من انها شافت حاجة : علاه كاشما شفتي ..
حكت تحت نيفها و قالت : هه وش راح نشوف ... والو سقسيت برك
طلعت حاجب : علاه وجهك راهو هكا مالا
انفال : ااا سمعت صوت كلب .. جيت نجري ... علابيها سقسيت
عوجت فمي و قلت : بلاك تاع صيادة ..
سكت شوية و قلت وش رايك نعلمك حركات دافعي بيهم على روحك ... و عشية تريحي
خزرت فيا مدة تخمم و قالت : حتولي نتا الكوتش ديالي
حكيت لحيتي و قلت : مؤقتا حتى تجي  سوسن
طلعت حاجب باستهزاء و قالت : سوسن !! شكون هادي
جاوبت بلا مانشوف فيها : الكوتش ديالك الجديدة
هزت راسها ماشي مقتنعة بكلامي ...سكتت شوية و قالت معليش تخرج نبدل حوايجي باش نبداو ... هزيت راسي باحراج و هبطت نسنا فيها لتحتا ... وين قاعة البوكس ...