جميعنا يمر بلحظات يشعر فيها بالضياع .. بالفراغ .. بحزن دون سبب ... لحظات نخطأ فيها ... لحظات نتعود فيها على الخطأ ... لحظات نشعر انا خطأنا على صواب ... لحظات كفيلة بتغيرنا ... هيا نفسها اللحظات التي تتآمل فيها نفسك و لا تعرفها ...نفسها اللحظات الي تدرك فيها انك تغيرت... نفسها اللحظات التي تسأل نفسك ماللذي أدى بها الى هنا ... هي نفسها اللحظات التي تسعى فيها جاهدا لإيجاد نفسك الضائعة ... هي نفسها اللحظات التي تستسلم فيها تارة و تنهض فيها تارة ... نفسها اللحظات التي تجد فيها الجميع انانيا ... البعض ينتقد خطأك ...و الاخر يشاهد تخبطك لإصلاحه ... لكنه يا للعجب لا يلاحظ جهدك المبذول لاصلاحه ... البعض يلومك ... و الاخر يسخر منك ... و الاخر لا يبالي بأمرك ... كلها لحظة ... فلا تشكي همك لبشر في لحظة ... بل املأ اللحظات بدعوة ... بركعة ... بذكر ... بتلاوة ... بقرب من الله ... فهو اقرب إليك من حبل الويد ... فهو يعلمك ... قال تعالى 《ألا يعلم من خلق و اللطيف الخبير 》سورة الملك ... فسبحان الله و بحمده ... سبحان الله العظيم ... فهي لحظة ... لحظة واحدة ... فاحذرها !!
°•○○○○○○○○○○○○○○○○○○○○•°
سكتت لينا في محاولة منها تخفف عن صدمتها ...و حتى الهدرة مش في صالحها ... تنهدت نورا بعمق و قالت : مستعدة اني نعاونكم ... و هاد المرة ماقدرتش لينا تتحكم في صدمتها و قالت بتفاجئ : كيفاش ؟؟ ماراحش تقوليلو ؟؟ ... خزرت فيها نورا و قالت بثقة : يكفي انكم توفرولي الحماية ليا و لوليدي ... هزت لينا راسها بعدم تصديق و قالت : كوني متأكدة انو الدولة الجزائرية راح توفرلكم الحماية ... هزت نورا راسها و قالت : مستعدة نعترف بكل الجرائم لي دارها ... اكثر من هاد الشي مانقدرش ... شافت فيها لينا متبسمة و قالت : اكيد هاد الشي يكفي باش نحلو قضية ضدو ..و هادا وش رانا نحوسو ...نستأذن منك نروح نخبر الفرقة ديالي ... بصح نقدر نعرف كيفاش عرفتي ... تبسمت نورا بمعنى و قالت بغموض : كل حاجة في وقتها ... خمست معاها لينا بامتنان و قالت : نشكرك مرة ثانية ... ردتلها نورا الابتسامة ... راقبتها حتى خرجت ... قعدت فالفوتاي و غمضت عينيها ... تتفكر في لقاءها هيا و مهدي ...
فلاش باك
قبل شهر...
قعد مقابلها و قال : معلش نقعد...شافت فيه بنص عين و قالت : راك قعدت ... تبسم بجنب و قال : نعرفك بروحي مهدي ... ضحكت بخفة و قالت : راني قد يماك مهدي ... غمزها و قال : مش لهديك الدرجة ... بصح فهمتي الموضوع غالط ...عقدت حواجبها : فهمني ... حمحم بجدية و قال : ندخل في الموضوع ديراكت ... نورا تقبلي تعاونينا باش ندمرو جيهانغير ... حلت فمها متفاجئة من جرئتو و قالت ... : واو خلعتني هههه ...جاي تتفاهم معايا على راجلي ...من نيتك ... عوج فمو بأسف و قال : نعتذر على الازعاج .. غير وقف حكماتو من يدو و قالت : خلينا نهدرو قبل ... ماقلتش اني رافضة .. مهدي : نفهم انك قادرة تقبلي ... سكتت شوية و قالت : وي قادرة نقبل ...كاين احتمال لكلش ...هز مهدي حاجب و قال : وش يخليني نثيق فيك ... قالت بشرود : علجال خدمتو المشبوهة خسرت وليدي ... وعدت روحي ننتقم منو ...كنت نسنى فالفرصة المناسبة ..خزرت فيه و كملت و نظن جا وقتها ... رتب مهدي على يدها بمواساة و قال : علابيها طلقتو ... هزت راسها و اكتفت بسكوت .. مهدي : نسحق دليل يدين و يثبت تورطو بهاد الاعمال ... يلزمني ادلة ملموسة ... ملفات ...وثائق ... يعني ...تبانلي احسن من شهادتك ضدو ... ضحكت بإستهزاء و قالت ... ههه جيهانغير داير حسابو ... عندو شهادة مزورة ثتبت اني نعاني من مشاكل نفسية ..
شاف فيها يخمم و قال : اسمعيني مليح ... منا هلى شهر ... حتجي وحد الفرقة سرية ... نحبك تروحي تشهدي معاهم ... نورا : وش الفايدة ... مهدي : لازم يصرا هكا ... ديري الثقة فيا ... حنقعد معاك على اتصال ...نورا : مافهمتش علاه ارتحتلك ... تنهدت و قالت .. نروحو نمدلك الملف ؟؟
حل عينيه على وسعهم و قال : عندك ملف ..هزت راسها و قالت بهدوء : عندي لعملية وحدة برك ... و نسخة وحدة برك ..
وساعت تبسيمتو و قال : و الفرقة .. نورا : خليها عليا .. بصح تفهمني الحكاية كاش نهار ...
...
باك
خرجت من شرودها و بعتت ميساج لمهدي تخبرو باخر التطورات
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Acciónاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
