اول كرو في سلسلة 《قيود الحب 》
الجزء الثاني من لصة قلبي
الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ
خيانة العائلة ...خيانة الصديق..خيانة الحبيب...خيانة النفس...
و أغظمها خيانة الوطن❗...لكنها خائنة و لكن ....
❌❌❌ممنوع...
"في حياتنا مأساتان: الأولى هي عدم حصولنا على ما نتمناه، والأخرى هي حصولنا عليه".
°•○○○○○○○○○○○○○○○○○○○○•°
حل عينيه بخلعة ...كي حس بالما بارد ... غير ضرب الضو في عينيه ... عاود غمضهم ... تبسم بسخرية كي سمع صوت ضحكاتو ... الحوار بالانجلزية ريكاردو : هههههه وش نسميها ... شجاعة ولا اممم ولا حماقة ... يعني داير في بالك بلي الفيلم اي درتو يجوز عليا ههههههه عض زينو على شفتو ... هادو يومين ... و هوا يعاود نفس الهدرة ... بدا يشك انو مهبول ... ريكاردو : و دوك ... صبري بدا ينفد ... هايا ابدا تهدر باش نقتلك ... فالعادة نقتل ديراكت ... بصح عجبتني ثقتك في روحك حبيت نسمعك ... شاف فيه زينو و قال : مدام هكا ...و مدام حنموت ... فهمني كيفاش قدرت تلعب بيهم كامل ... لي كانو ضدك ولاو معاك و العكس ... شاف فيه ريكاردو بشرود و قال : كل واحد فينا عندو سر مخبيه على الناس ... و انا علاقتي مع الناس مبنية على هاد الشي ... الوحيدة لي علاقتي معاها حقيقية هيا خطيبتي ... زينو : لوبيتا برنال ؟؟ شاف فيه ريكاردو و قال : ماتخدمش مخك معايا ... شكون بعثك ... تبسم زينو و هز كتافو : مانعرفش ... قولي نتا ... ماشي مايخفى عليك والو ... جبد تيلفونو كي لحقو ميساج ... قراه و بانت ملامح القلق عليه ... شاف في زينو و قال : عندك مهلة لغدوا ... _____________________________
كانو قاعدين يستناو فيها حتى دخلت ... صوت طالونها ... و ريحتها ... سابقينها ... شاف فيها و هو يبلع في ريقو ... مد يدو باش يخمس معاها ... تبسمت بسخرية و قربت منو باستو من خدو ... قلبت لينا عينيها منهم ... رفدت ساكها و قالت : مالا كي تفاهمتو انا نروح.. غير راحت لينا ... قعدو ... تنهد سافاش و قال : تعرفي شحال ستنيت هاد اللحظة ... شحال حلمت بيها ... تبسمت سوسن و قالت : شحال ؟ ضحك بخفة و قال : ديما ... من للحظة لي شفتك فيها ... رمات شعرها للور بغرور .. سكتت شويا و قالت بجدية : صح ... كيفاش قدرت تحب كبيرة عليك .. بيناتنا 5 سنين .. يعني كي سمعت استغربت بزاف ... تبسم و قال : الحب مافيهش عمر و زيدي بيناتنا 3 سنين و 3 شهور ... سوسن : امم كلام مؤثر ... شوف باش نكون صريحة معاك ... الارتباط بشخص صغير عليا حاجة جامي خممت فيها ... لانو انا بحاجة شخص يحسسني انو قاظر يحميني ... مش واحد صغير عليا ..فهمتني... هز راسو و قال : زعفت انك تخمي هكا ... الحب اعمى ... حتى انا ماكنتش داير في بالي نحب وحدة قد يما .. حلت عينيها على وسعهم و قالت : وش معنتها انا قد يماك !! مليح ... مالا روح حوس على وحدة قد بنتك و حبها .. رفدت ساكها و جات نايضة ... شدها من يدها و قال : هادي هدرتك ... اقعدي نتفاهمو ... تنهدت و قعدت ... شدها من يدها و قال : اعطيني فرصة نبدلك رايك ... طلعت عينيها تشوف فيه .. غير شافت كيفاش يخزر فيها ... خبط قلبها بعنف ... نحات يدها منو و قالت بتوتر : امم ... مليح .. و لي فان دياولك كيش درنا معاهم ... وساعت تبسيمتو ... و قال : وش حبيتي نديرو فيهم نديرو تبسمت برضا على اجابتو و كملو يقصرو ... و لقاو انو عندهم بزاف اشياء مشتركة
_____________________________
بعد مرور 3 ايام ...
خرجت من عندهم ... حكمت طاكسي و راحت للنورا .. لقاتها تسنى فيها فصالون ... سلمت عليها و قعدت ... حمحمت لينا تخرج صوتها و قالت : نورا عزيزتي .. ماتفهمينيش غالط بصح علاه طلقتو نتي و راجلك .. رغم انو كان بيناتكم حب كبير .. نورا : الحب وحدو مايكفيش ... تبسمت لينا و قالت : احكيلي .. اشكيلي .. بالاك نقدر نعاونك ... ضحكت نورا باستهزاء و قالت : نصيحة مني ... تعلمي ماتشكي لحتى واحد همك ... ماكاش لي راح يفهمك و يفهم وش راكي تحسي ... ادا كان عندك هم ... احكمي سجادتك و صلي ... هوا الوحيد لي راح يسمعلك ... و راح يخفف عليك ... سكتت لينا ... كملت نورا تهدر : لينا ... علبالي مليح علاش راكي هنا ... علبالي بلي نتي من الفرقة السرية الجزائرية ... و تقربتي مني بداعي المهمة برك ... ____________________________
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سوسن 24 سنة داخلة فال 25 ... صديقة طفولة رؤوف ... كانو جيران ... من هاداك الوقت تعلقت بيه ... مدربة لياقة بدنية و دفاع عن النفس ... و العارضة الاساسية في شركة باباها .. مهوسة برؤوف ... و لا خلينا نقولو عندها حب التملك من جيهتو و دايرة في بالها بلي تحبو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سافاش .. 21 سنة مغني دارس هندسة ... تعود يعتمد على روحو من لي كان صغير ... الشي لي خلا عندو شخصية قوية ... مهووس بسوسن و يموت عليها
___________________________
وش رايكم في علاقة سوسن و سافاش ؟؟ و زعما حتكون جدية ؟؟؟ و كيفاش حتكون رد فعل نورا ؟؟
