"الحب لن یقتلك، ولكنه سیجعلك بین الحیاة والموت".
°•○○○○○○○○○○○○○○○○○○○○•°
دقيقة ... زوج ثلاتة ... قاعدة في فراشها ضامة رجليها ... خممت انها تتراجع ... بصح و عايلتها ... سمعت تيلفونها يصوني رفدت كي لقاتو مهدي
مهدي : راني نسمع فيك ..
تنهدت انفال و قالت : نخمم ننهي كلش ..
مهدي بعياط : بالاكي انفال ماشي كي قربنا نوصلو ... مديلي شوية وقت برك نلقا خالتي و نتهناو من كلش ...وش رلح ديري هبال و ماعندو حتى علاقة بالمنطق
غمضت عينيها بضعف ... علابالها بلي هدرتو صحيحة ... قالت بصوت خالي من المشاعر : اليوم المهمة ...
مهدي : مهمة تاع تركيا ....
انفال : وي .. ليوم .. مهدي فهمني علاه راني نقولك ...
مهدي : ديري فيا ثقة ياك ...
انفال : عندك شك ..
تبسم و قال : خلاص مالا مادام عندك وليد خال كيما انا ماتخمي في والو ...
ضحكت بخفة و قالت : مراحش ننسى وقفتك معايا ... صحا ..
مهدي : مابيناتناش ... و تقدري دوك تقولي لعبد الكريم ...
كوبا عليها ... تبسم بشرود و هوا يتفكر ..
فلاش باك ....
قبل شهر ...
بعد 3 ايام من لي جابو التسجيلات ... قرر يولي لدزاير ... منها يشوف خدمتو ... و منها يبعد على روحو الشك ... و خلا آدم يتكفل بانفال بغيابو ... نحا النواظر من عينيه كي شافها خارجة تضحك مع صحبتها ... غير شافتو ودعتها و راحت عندو ...
انفال : وليد خالي لغالي .... اسمع الغالي على الخال ماشي عليك نتا تولي تديها في روحك ...
ضحك بخفة و قال : كاش جديد ..
تنهدت انفال و قالت : كاين مهمة جديدة منعرفش وقتاش ...
هزلها راسو وقال : اركبي نروحو لكاش كافي تحكيلي التفاصيل ... شاف قساعتو وقال : هداك هوا قيسما نديماري ...
انفال : وين ؟؟
مهدي : للدزاير
انفال : و انا ؟؟ تخليني وحدي ..
مهدي : انفال .. مام انا عندي خدمة ... نكملها و نولي وعد ..
انفال : راك وعدتني .. ان شاء الله تولي خنزير لوكان ماتوفيش بوعدك
تبسم و قال : امشي امشي
_____________________________
حكمت تيلفونها تعيطلو ... غير رفد قالت : المهمة راح ينفدوها ليوم ... راح يحاولو يتقربو من مرتو ..
عبد الكريم : برافو عليك .. ماغلطتش كي جيت ليك .. المهم ..على ساعة يجي شوفور يديك ليماك ... تقعدي معاها هاد ليومين ...دارت يدها على فمها تمنع شهقتها ... كوبات و راحت توجد حوايجها ... غير كملت خرجت برا ... من بين هاد السلبيات ... انها تشوف يماها ... خبر بزااااف شباب ... لقات ليديا قاعدة تشرب في قهوتها و شاردة ... تبسمت بخبث و راحت موراها تخلعها... غير حطت يدها على كتفها ...قفزت ليديا في بلاصتها ... علات ضحكاتها ... غير سمعتها ليديا ... حطت يدها على قلبها و تنهدت بارتياح : خلعتيني ... اسمعي انا منقعدش هنا وحدي ... امشي نروحو لكاش اوتال ...قعدت انفال قدامها و قالت : خمي على روحك انا دوك يجي شوفور يديني نروح عند ماما ...سكتت شويا و قالت : ارواحي معايا ... شافت غيها ليديا تخمم ... و قالت بشرود : لالا روحي انا عندي ماندير ... كملو قعدتهم في صمت ... حتى كسراتو انفال: نسقسيك ... شافت فيها ليديا مركزة
انفال : هديك نهار نتي لي سمعتينا ... شفت خيال .. مي ماعرفتش شكون .. تبسمت ليديا بحزن و قالت : انا لي سمعتكم ...
عضت انفال على شفتها و قالت : علابيها راح زينو ... خزرت فيها ليديا سكتت شويا و قالت :ماتفكرينيش ... بالك غلطت كي واجهتو ... كنت قادرة نستمر في تجاهلو ... سكوتو هادا مقلقني ... انفال : متخافيش منو زينو يحبك مراح يديرلك والو ...
تبسمت ليديا على جنب و قالت : مانيش خايفة منو راني خايفة عليه ... تنهدت و كملت قلبي ماقايلي خير ... خايفة صابر يكون مخبي علينا حاجة ...
انفال : ماديريش في بالك ... اصلا لوكان بعيد الشر كاشما صرالو ... رانا عرفنا ..
ليديا : ان شاء الله مايكون غير لخير ...
جات حتهدر .. حتى شافت الشوفور ... راحت تجري جابت كابتها ... شافت في ليديا و قالت : امشي نوصلوك ..
هزتلها راسها بالايجاب و قالت : نروح نغلق المقر و نجي ...
____________________________
وش رايكم فالعلاقة لي بين مهدي و انفال🙈؟؟ ... و زعمة يكون احساس ليديا صح 🧐🧐؟؟؟
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Acciónاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
