خدات نفس ... و حلت باب الطاكسي خارجة منها ... غير لفحتها نسمة الهوا ... غمضت عينيها تستحلى فيها ... مافاقتش كيفاش طاحو دموعها ... مسحتهم بخفة ... و رسمت بسمة مصطنعة فوق شفاها ... يكون وش يكون ماتقدرش تنكر العشرة لي كانت بيناتهم ... لازم توقف معاه في فرحو ... فرحو مع غيرها ... تقدمت بخطوات ثابتة و واثقة ... لي يشوفها يكذب انو قلبها يبكي الدم و داخلها يتقطع ... حرب داخلها ... قابلها عبدو خارج ... غير لحت لعندو حبست ... تبسم معاها .. غير جا حيهدر ... قاطعاتو كي قالت : متحاولش تمنعمي باش نقولهالك من دوك ... وساعت تبسيمتو كتر و قال : ماراحش نمنعك ... ادخلي و شوفي ... باش قلبك يبرد من جيهتو ... و تقدري تكملي حياتك ... بصح ... شافت فيه تسناه يكمل ... كي سكت قاتلو : بصح واش ؟؟ علات الجدية ملامح وجهو و قال : راكي متأكدة من هاد الشي ... دار لباب الصالة و قال : مور الباب هادا كاين الراجل لي حبيتيه يحتفل بزواجو من طفلة غيرك ... راكي متأكدة من الشي لي راح ديريه ؟؟
تبسمت بحزن و قالت : لازم ندخل ..
واسالها يدو .. باش تكروشيها مع يدها ... تبسمت و دخلت يدها فيدو .. غير دخلو لصال ... قابلها بكوستيم ديالو ... يتصور مع مرتو ... و يضحك فرحان ... عضت على خدها من لداخل تقاوم في دموعها ... زيرت على يد عبدو ... غير جات دور باش تخرج ... سمعت صوت مرتو يعيطلها .... تبسمت بسيف .. و قربت منهم ... غير لحقت ليهم ... جبدتها من عند عبدو و قاتلها : هادا وين من صباح و حنا نسناو فيك .. آجي تتصوري معانا ...شافت فيه ... طاحت عينو ف عينها ... حس بخزرتها تبدلت ... ماشي موالفة تشوف فيه هكا ... حس روحو خسرها مالغري ماغلطش في حقها ... كيما هيا شافت حياتها هو شاف حياتو ... اما هيا حست انو هاد الكسرة لي في قلبها مراحش تتصلح و مراحش يعاودو يولو كيما كانو ... هوا خذلها خان ثيقتها ... حست كأنو خانها مالغري نهاو العلاقة لي كانت جامعتهم ....
_____________________________
رايكم فالإكستري 🔥🔥؟؟ زعما شكون هاد الكوبل ؟؟ و معامن تزوج ؟؟
ملاحظة ⭕⭕الاكستري شوية بعيد
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
