لا علاقة للأيام بالنضج، نحن نكبر بمرور الناس في حياتنا
°•○○○○○○○○○○○○○○○○○○○○•°
تقدمت منها ... وقعدت قدامها بنفس طريقتها ... رفدت راسها كي حست بيا ... شافت فيا بحيرة و قالت : علاش جيت ... ماشي انا وحدة رخيصة و مانحشمش و ماشي مربية و بابا عندو زهر كي مات و ماعرفنيش و زيد سراقة ... شفت فيها بندم على هدرتي و قلت : و نتي صح هكا ؟؟
هزت راسها بلالا .. تبسمت معاها و قلت : خلاص مالا مدام نتي عارفة روحك شكون ... و علبالك بلي ماغلطتيش ... مايهمكش الباقي واش يخمو فيك ... مادام نتي تعرفي روحك ملازمش تتاتري براي لوخرين فيك ...
عوجت فمها و قالت : بصح انا دوك عندك سراقة ... و مانيش حابة نكون في عينك هكا ...
تنهدت و قلت : أنفال ... وش قتلك ... ملازمش يهمك نتي واش في عنين الناس ...الناس مايهموكش
قالت بعفوية خلاتني نسهى فيها شوية : بصح نتا تهمني ... و رايك يعنيلي
شفت فيها بشرود و تبسمت : مدام انا نهمك ... و رايي يعنيلك ... نقولك انا جامي شفتك كيما قتلك بالعكس ... نتي طفلة عفوية صبيانية ... صح ديري شوية مشاكل و راسك يابس ... بصح قلبك بيض ... و لوكان ماشفتش فيك هديك البراءة لوكان ماوعدتكش نعاونك ..
عضت هلى شفتها التحتانية و ثالت : مالا علاش قتلي هكاك
هزيت كتافي و قلت : صدقيني انا هدرت هكاك باش نقسي قلبك و نقويك ... تعمدت نوجعك باش تستقواي على روحك ... حبيت نبينلك بلي الناس مايخموش فيك كيما نتي تخمي فيهم و اكبر دليل يحيى ...صح و لا راني غالط ..
مسحت خنونتها بطرف حوايجها ... تبسمت على جنب على تصرفها و قالت : صح عندك الحق ... بصح نتا امنتها كي قاتلك بلي انا سراقة ...
عقدت حواجبي و قتلها : شكون قالك بلي آمنتها ... خبطتها لرلسها بصبعي و قلت : ماتنسايش بلي كنت فالقوات الخاصة و نعرف الواحد كي يكون يكذب ..
تبسمت و طلعتلي صبعها صغير و قالت : باص..
شفت في يدها بتردد ... و شديتها من نيفها لي كان حمر و قلت : باص ... حتى نشوفها صوطات عليا عنقتني ... بادلتها العناق و تبسمت ... حتى حسيت حاجة مشمخة في تريكويا ... بعدتها و قلت بتذمر : علاه هادا وين بدلت ...ضحكت بصوت ... سرحت شويا فضحكتها و خرجت مخليها ...
انفال
غير خرج ... تبسمت نتفكر في هدرتو ... و كيفاش يشةفني ... حسيت بغصة في قلبي و خوف كي تفكرت نهار يعرف حقيقتي ...زدت حقدت على عبد الكريم كثر ... عندو الحق رؤوف... الناس عمرهم يخمو كيما نتا تخمم ... صونا تيلفوني لقيتو هوا ... مسحت دموعي بعنف و رفدت عليه
عبد الكريم : نهنيك ... اول مهمة تنجحي فيها .. و ...
قاطعتو قبل مايكمل و قلت : من لخر مانيش قاعدلك وش تحوس ...
عبد الكريم : واو ... وليتي تخبشي ياه ... بصح ماننكرش هكا تعجبيني كثر...
تنهدت بملل وقلت : راني حابة نشوف ماما
عبد الكريم : تشوفيها ! مزال الحال ... مي كي نجحتي فالمهمة ... نمدلك رقم ديالها تولي تهدري معاها ... باش تشوفي شحال انا كريم ...بصح متنسايش بلي التلفون ديالها مراقب ...
كوبيت بلا مانهدر نستناه يبعتلي نيميرو
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Acciónاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
