هي أقـدار وستجـري مثلما كُتبت، فالحمد لله
°•○○○○○○○○○○○○○○○○○○○○•°
عند ليديا ...
قعدت بضعف فلرض ... في صراع مع روحها ... حلت الرسالة بتردد ... كلما تقرا حرف ... يطيحو دموعها :
من زينو ..
تشفاي كي كنا نسهرو فالمقر بالي فيلم .. كنتي ديما تخيري فيلم رومانسي ... كنتي تقوليلي انو كي تضاربي مع لي تحبيه ... يكفي انو يبعثلك برية يعتذرلك فيها راح تساميحه ديراكت ... حبيت نجرب حظي نعرف انو غلطاتي مايغفروش ... بصح صدقيني حتى انا حبيتك كيما نتي حبيتني على الاقل ... بصح كنت خايف نعترف لروحي بهاد الشي ... لانو كنت خايف نخسرك ... علابيها حبيت نقعدو اصدقاء ... بالاك تشوفيه تخمام تافه ... بصح الله غالب انا نآمن انو مكانش كوبل يكملو كيف كيف بالاك قعدتلي عقدة من طلاق والديا ... كل يوم يمر نحس بحبي ليك كتر ... حبيتك كتر من روحي ... حميتك و خبيتك على كامل الناس باش مايجرحوكش فاللخر جرحتك انا ... ماقدرتش نحميك من روحي ... و فشلت ف أني نكون صديق ... كي تقراي هاد البرية راح نكون ف مكسيك نخمم فيك.... حنكون متوحشك كيما دوك ... نتمنى كي نرجع تكوني سامحتيني ... حبيت نقولك حاجة ... نتي أقوى و أرق أنثى شفتها في حياتي ... بسيطة و معقدة ... تناقض غريب تجمع فيك ... نتي أحلى رزق كتبهولي ربي سبحانو ...سامحيني... نحبك
.......
قعدت تقرا وتعاود فالبرية حتى حست بخطوات لينا ...طوات البرية ... و مسحت دموعها ... تبسمت برضا ... و كأن هاديك الرسالة بعتث فيها امل من جديد ... باش تبدا صفحة جديدة في حياتها ... دخلت في فراشها مغمضة عينيها تحلم بواقع اجمل
___________________________
تاوبت بنعاس ... حلت عينيها بثتاقل ... سمعت صوت كرشها تقرقر ... تفكرت بلي ماتعشاتش ... شافت فساعة كانت 1 و نص تاع ليل ... ضحكت بخفة و ناضت ... راحت دارت سوندويتش ... شافت فسقف الكوخ ... تفكرت رؤوف ... تبسمت بهدوء و طلعت ليه ... غير لحقت قابلها رؤوف يشوف فيها .. ضحكت بصوت ... حتى شدها رؤوف و حط يدو فوق فمها يسكت فيها و قال بهمس : هششش راهم راقدين ...
بلعت اللقمة ليكانت تاكل فيها و قعدت قدامو ... جات حتكمل تاكل ... شافت فيه بنص عين و قالت : تاكل ... تبسم معاها و خربلها شعرها و قال : بصحتك مانيش جيعان ... خزرت فيه مضيفة عينيها و قالت : بديت نتوسوسلك نتا ... وليت كل زوج دقايق تتبسم ... غير لخير ...ضربها بصبعو لراسها و قال : شفتي كي ماتتعشايش وش يصرا
عوجت فمها و قالت بعدم رضا : ماتبدلش الموضوع ... و نتا وش راك دير ...
شاف فسما و قال : ماجانيش النعاس ... اسمعي انفال على سوسن ... بعدي عليها ...
عقدت حواجبها و قالت : اصلا راني مبعدة عليها متخافش عليها
شاف فيها بيأس من تخمامها ... مصؤة كل مرة تفاجأو و قال : راني خايف عليك منها نتي ماتعرفيهاش سيي بعدي هليها و ماتهدريش كامل معاها من غير كي تكونو تدربو ... فهمتيني ...
دورت وجها عليه و قالت : اممم فهمت ...
شاف فيها بخبث و قال : سمعتي وش صرا .. دارت تجري قالت : وش صرا ...
ضحك بخفة عليها و قال : ههههه زينو و صابر راحو ....و زينو خلا رسالة ل ليديا ...عضت على شفتها و قالت بتردد : امم وين راهي البرية ... خبطها لراسها و قال : عند ليديا ... شافت فيه مضيقة عينيها و قالت : زعما ماقريتش وش مكتوب فيها ... خزر فيها بملل و قال : روحي ترقدي انفال مزال زوج سوايع للربعة ...
تاوبت انفال و قالت : ماشي مليح لواحد يدير فيك لخير ... زعمة ونستك ... هاو لي يدير الخيؤ فالعربي ... تصبح بخير رورو
رؤوف : كي حابة نجي ليك ... خرجتلو لسلنها و هربت ...
_____________________________
مازلتو تسالولي حلقة غدوة نهبطهالكم ... معنتها غدوة في عود 2 حلقات نهبط 3 حلقات ... تصبحو بخير ♥️😘
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
