لبست و رحت ليه لقيتو قاعد يضرب فهاداك الكيس مانعرفش أسمو ... غير حس بيا حبس ... حرت كيفاش ديما يحس بالواحد ... تنهدت و تقدمت من عندو ... قاعد يعلم فيا أساسيا الدفاع على النفس ... ماحسيناش بالوقت حتى جات لينا تعيطلنا ... كان يشوف فيها شوفات مافهمتهمش ... تفكرت سهى فهديك دقيقة ... زعما شكون شابة لينا و لا سوين ولا أنا ... ضحكت على روحي من تخمامي ... المقارنة بيني و بين لينا مكاش ... هيا بزاف شابة مقارنة معايا ... و سوسن هادي زعما نكون شابة عليها ... فقت من تخمامي على فرقعة يديه قدام عينيا ... شفت فيه و نطقت بلا وعي مني : شكون شابة أنا و لا سوسن ؟!
شفت ملامح الاستغراب لي علات وجهو ... سرعان مابدلها بإبتسامة قال : نتي ...
طلعت حواجبي في زوج نشوف فيه ... اول مرة يقول حاجة مليحة ... تمتم استرجعت ثقتي و هزيت كتفي و رميت شعري عل جنب و قلت بغرور : علبالي
و رحت سبقتو ... سمعت ضحكتو لي صداها تعاود فالصالة كاملة ... درت نجري ليه ماشي مآمنة بلي راو يضحك ... قعدت مدة نشوف فيه ... نفضت الافكار لي جاوني و قربت منو نجري حطيت يدي على جبينو و قلت : رؤوف راك مليح ... شوف فيا شحال هادو
خزر فيا كيما موالف و قال ببرود : ضحكت معاك شويا خلاص
هنا بدات لي تأكدت بلي رؤوف لي راهو قدامي مابدلوهش .. شفت فالصالة لقيتها فارغة ... جريت لحقتو ...
طلعت لقيتهم كامل قاعدين من غير عبدو شفت فيه و قلت بإستغراب : عبدو ... ماتكلش !!
ضحك معايا و قال : لالا بصحتكم انا كي نجوع نقلي بيض .. نورمال
حمحمت لينا و قالت : اقعدي أنفال خليك منو ... مايعرفش ياكل
عبدو : هاديك هيا ... مانعرف شكون لي قريب قتلنا المرة لي فاتت
شهقت لينا و قالت : اااه وش معنتها ... معنتها واقيل قريب متو علجال ماكلتي
هزلها عبدو كتفو و قال : و مال
عقدت حواجبها و قالت : تاع وجهك ياوحد المصفار ... مليح ... نطيبلك و تزيد تتشرط
نفخت ليديا على جنب و قالت : خلاص سكتونا صدعتونا
خزرت ف لينا بشك و زدت فماكلتي و نضت من بلاصتي نجري .. قلت : أيااه شتو وش نسيت غدو عندي خدمة مدتهالي شيخة و مزال مدرتهاش ... بصحتكم ..
ضيقت لينا عينيها و قالت : أنفال ... غدوة الجنعة حبيبتي ... احكمي تشو بلاصتك و قعدي ترهجي خيرلك ...
خزرت في ليديا تسلكني ... واساتلي بيديها 🤷🏻♀️...
خزرت ف رؤوف ... لقيتو رفد مغرفة يدوق ... شفت فيه بتركيز نستنى فردة فعلو ... حط يدو على فمو و ناض يسعل ...
حطيت يدي على فمي و قلت : اااه حيموووت ... شوفي
جرات ليديا ...مدتلو الما ... و تخبطلو في ظهرو ..
عضت لينا على شفتها التحتانية ... و غطات وجها ...
تبسم رؤوف مع ليديا وشكرها ... خزر في لينا و قال :ماتزيديش تدخلي للكوزينة ...
لينا بإنفعال : علاه بصح ... درت وش قاتلي ليديا كامل ...
رؤوف : درتي السكر في بلاصة الملح ... و كثرتي فلفل كحل ..
عبدو : هادا مكان ... نتا ماشفتش كي وصلتنا لسبيطار أنا و زينو
أنفال : ههههه قول والله
لينا : ننننن قول والله ... لي يسمع تعرفي طيبي
انفال :مانعرفش ماندخلش ...
قعدت لينا فالكرسي ... و دارت يدها على خدها بيأس و قالت : شكون راح يقبل بيا
####: أنا قابل بيك
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
