ناضت انفال تمشي بثقة ... غير لحقت لطابلتهم جابت كرسي و قعدت في وسطهم (هوما كانو متقابلين ) ... تبسم رؤوف على جنب ... من لي شافهم دخلو ... كان واثق انو راح دير كاش حاجة ... تموت على تقرعيج ...
شافت فيها لي كانت معاه من لفوق للتحت و طلعت حاجبها تسقسي فيها ... دارت انفال نفس حركتها ... قلبت عينيها منها و قالت : شكونك
تبسمت انفال و مدت يدها و قالت : أنفال ..
خبطتلها هاديك طفلة يدها و قالت : رؤوف شوف مع هاد المهبولة ..
ضحك رؤوف بخفة ...
شافت فيه انفال مدهوشة ... و يزيد يضحك ... شافت فيه بخبث و قربت منو و باستو في خدو ..و شافت فطفلة وقالت : انا انفال حبيبتو ... لي دار المستحيل باش نولو كيفكيف ... نتي لي شكون
شاف فيها رؤوف مدهوش من حركتها ... نحالها يدها لي عليه و قال بعملية : انفال حبسي تبهليل ... شاف فهديك طفلة و قال : سوسن هادي لي جبتك علجالها .. انفال ... باش دربيها .. و ماديريش عليها شوية ناقصة ...
كانت تشوف فيها غير سمعت بلي قال عليها ناقصة دارت تشوف فيه ... خبطاتو فرجلو و قالت : نتا لي ناقص و معقد .. قالو انا ناقصة ...
مدت سوسن يدها : متشرفين انا سوسن
خبطتلها انفال يدها و قالت ببراءة كي شافتها زعقت : شوية ناقصة ماديريش عليا و غمزتها
قلبت سوسن عينيها منها و حكمت الكاس تشرب ... حلت انفال عينيها على وسعهم و قالت : أياه رؤوف هادا شراب ... كيفاش يحطوه نورمال ... ياك رانا فدزاير ... اياه و نتي سوسن تشربي نورمال
حطت سوسن الكاس و ضحكت ضحكة صفرا و قالت : كوتش سوسن ...
شافت فيها انفال بملل ... طلعت يديها و قاست هداك الكاس تاع شراب بلعاني باش يطيح فوقها .... تبسمت بتخبية كي حققت مبتغاها ... شافت فيها سوسن ماشي مآمنة و قالت : هبلتي ... هلبالك شحال دير هاد روبا ...
كانت حتهدر انفال قاطعها رؤوف كي وقف وقال : سوسن نعتذر منك مكانها
حلت انفال فمها باش تهدر ... شاف فيها بخزرة ... خلاتها تبلع لسانها
سوسن : ماشي نتا لي غلطت باش تعتذر رؤوف
رؤوف : معليش امسحيها فيا ...
نهزت راسها و ناضت رايحة للحمام تغسل حالتها ... تحت نظرات انفال المدهوشة من لبستها ... تقول رايحة لكباري ... غير كملت من تاملها دارت لرؤوف حتعلق ... قاطعها رؤوف كي قال : تا كلمة ماتقولي حتى كلمة ... ديجا نوضي ..
ناض و حكمها من مرفقها ... محبتش تعاندو ... حتى لحق لوين كانو قاعدين رماها فالكرسي و قال بتقلاق ظاهر عليه : احكمي بلاصتك سينو تشوفي مني وش مايعجبكش ...
ناض مهدي و قال : غير لخير خو بعقلك برك ...
طلع رؤوف حاجبو و ضحك باستهزاء و قال : ولا واش ...
مهدي : ولا نتا لي تشوف حاجة متعجبكش ...
طبع رؤوف مهدي من صدرو و قال : راني حاب نشوفها ...
ناض صابر باش يفرق بيناتهم قبل ماتكبر الحالة ..
شدو زينو لي كان مستمتع بالحالة ...
نفخت ليديا على جنب و ناضت و قالت : راكم كبار ... مهدي تعيش خويا ولي لبلاصتك ...
شاف فيها مهدي شوية و عاود حكم بلاصتو ..
رؤوف باستفزاز : واش خفت ...
شافت فيه ليديا ماشي مصدقة و قالت : رؤوف وشبيك موالف متحكم في اعصابك ...
جبدها زينو من يدها و قال : احكمي بلاصتك بلا مانعاود ...
هبطت سوسن كي شافت رؤوف هكاك حطت يدها على كتفو و قالت : خلاص رؤوف على خاطري خلينا منهم ماتهبطش النيفو ديالك ...
حكت لينا رقبتها و ضحكت و قالت : وش قلتي
انفال بزربة : قالت علينا بلي ماعدناش نيفو ...
طبعت لينا كرسيها حتى طاح و ناضت ... طرطقت رقبتها و قالت : حتى انا من عندي توحشت نضرب
ليديا بيأس : لينناااا ... و جات حتنوض ...
عوجت لينا فمها و شافت فليديا و قالت : متخافيش نوريلها النيفو تاعنا برك ... ديجا بيناتنا حساب و لا راني غالطة سوسن ...
سوسن بإستفزاز : لينا يا لينا ماتنسايش بلي انا لي علمتك كيفاش تضاربي يعني الاساليب كامل ديالولي
لينا : راكي غالطة bb شكون قالك حنضربك بأساليبك حنضربك بأساليبي... اساليب النيفو ديالنا ... و غمزتلها ... مخلاتهاش ترد و صوطات عليها من شعر ... حاولت سوسن دافع على روحها بصح جيناتها الروبا ... طلعت يديها باش تخبش لينا ... غير شافتها لينا هبطت عضتها من يدها و قاعدة تجبد فيها من شعر ... حتى وقف رؤوف بيناتهم و سلك سوسن من بين يديها و دارها موراه .... ناض صابر جبد لينا من جيهة و خرجها دايها للمقر ....
رؤوف : ليديا ارواحي معايا شوفيها ...
راحت ليديا مع رؤوف و سوسن ... شاف مهدي فيهم و قال حتى انا نروح و ماتزيديش تعيطيلي كامل كي تكونو خارجين ... غير خرج شافت أنفال في زينو و شاف فيها و طرطقو بضحك ...
حتى قال زينو : حنتفاهمو انا وياك انفال
انفال : هههههه عندك شك
و خرجو حكمو طاكسي و راحو للمقر حتى هوما ...
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
