بعد مرور 5 ايام ...
يشوف فالباب بشرود ...مو الباب هادي حيتبدلو بزاف امور ... و حيبانو بزاف اسرار ...حيبان الخائن الحقيقي ... ناوي غير يكمل معاه يسافر و يستقر هوا و عايلتو في بلاد ثانية ... عايلتو لي هيا يماه برك ...و لي سبقاتو لروما ... مايقدرش يبقا هنا طيفها مزالو تابعو ...كل مايغمض عينيه تجي في بالو صورة عينيها المخدولة بحبها ليه ...سمع صوت مهدي يهد معاه عن طريق البلوثوت...مهدي : واجد ؟؟ .. تنهد و دخل ... قابلاتو الخدامة و وجهاتو يسنى فالمكتب ...غير دخل مسحو بعينيه يحوس على الكاميرا وين راهي ... كي شافها ... تبسم بجنب ...دار يدو في جيبو و قعد يستنى فيه ..شوية هكا و دخل عبد الكريم ...
عبد الكريم : ان شاء الله يكون عقلك ولا لراسك !! و تقدم باش يقعد مقابلو ... شاف فيه أدم بثقة ...و رما نسخة من ملف الادلة لي معاه و قال : وش رايك ... عوج عبد الكريم فمو و حل الملف ...سرعان مابان القلق على ملامحو ...رما الملف فالرض و قال : منين جبتو و كيفاش تجرأت تتحداني ..
علبالك شكون انا ...صدقني لوكان تعرف مراكش واقف ضدي ... تبسم ادم غي سرو ...هادا وش راهو يحوس عليه ...ز قال : على حقيقتك كاإرهابي ... تحولت النظرة لي في عينين عبد الكريم و تبسم بخبث ...بث الرعب في قلب أدم ... بصح حاول يتمالك روحو ... و قال : شوف عبد الكريم انا انسان عادي ...دخلت معاك لانو حبيت نجرب حاجة جديدة و نسلي روحي ...ماكنتش نعرف انو الامر بهاد الخطورة ... مارانيش واقف ضدك ...أصلا مانقدرش نجابه شخص بهاد الخبث ... و مرانيش واقف معتك تان ...حبيت ننسحب و نولي لحياتي العادية ... هادا وش طالب منك ..علات ضحكة عبد الكريم و قال : ااه يأ آدم مسكين نتا ... لي يدخل في هاد اللعبة موحال يخرج منها غير و هوا ميت ... تخيل معايا واحد يعرف الحقيقة مالا !! ... صح انا ارهابي ...مي ماشي أي ارهابي ... راك واقف مع الارهابي لي حتى لدوك مزالهم يحوسو عليه ... الجينرال الإرهابي ... شاف فيه ادم و مخو كل لحظة يزيد يستوعب خطورة هاد الشخص غير جا يحل فمو حس بحاجة حادة اخترقت كرشو ... طاح على ركبتو ...دار يدو في فمو يسعل بألم ... شاف يدو لقاها معمرة دم ...سمع همس عبد الكريم لي قال : نخليك تموت براحتك ...عندي شغل كي نجي راني نديرلك مراسم الدفن على اكمل وجه هههه...و خرج مخليه غارق غي دمو ....
سمع صوت مهدي رايح و يبعد ...تقوا على روحو و قال و هوا يسعل : ت...س.جج..يل ...و مزاد حس بحتى حاجة موراها ...
____________________________
كان المقر فارغ ...خلاه يحس حتى هوا بالفراغ...تقدم بخطوات ثابتة ... رتب لي فاليز دياولهم ..مور مايخلاص العرس يجو يدوهم ... كان الهدوء مسيطر على المكان ... من غير صوت ذكرياتهم لي تردد على مسامعو تبسم بحزن ... خرج و غلق الباب بالمفتاح ... شاف فالساعة كانت 13 ...هداك هوا ...صح مكانش عندو نية يحضر اما حاب يشوف عبد الكريم و يزيل شكوكو ... مور 45 دقيقة لحق ...غير دخل لقاهم حيعقدو ...عوج فمو كي تفكر انو تزوجو على الطريقة الفرنسية ...شاف في عبد الكريم لي غير طاحت عينو في عينيه تبسم معاه ...ماقدرش يردهالو ...حاس بنفس الاحساس كي مات باباه ... نفض الافكار من راسو ..شاف فالفرقة لقا الصدمة محتلى وجوهم ...توجه ليهم و وقف بجنب عبدو ... لي غير شافو قال : كان علبالك بلي صابر وليد عبد الكريم ..هز راسو بشوية و قال مضيق عينيه : شحال عندو من لي جا ؟؟ استغرب عبدو السؤال و قال : مابيناتكمش بزاف ... عوج فمو شوية ... شوية و علا صوت الزغاريت ... شاف عبد الكريم كي بارك لصابر ....سلم على الفرقة و خرج يجري ...تبعو رؤوف بعينيه حتى خرج ...شوية و جا صابر هوا و مرتو ...خرج رؤوف لبرا ...من بكري ماشي جوو الحفلات ... خاصة و ادا كانو على الطريقة الاجنبية ...
لداخل ...
كانو يحكو ز يضحكو ...مالغري كامل ضد هاد الزواج ...بصح يقعد صاحبهم ..و مدام لينا و تفهمت الموضوع مايقدروش مايوقفوش معاه ... على تطليعة راسو قابلاتو داخلة ...تمشي بكل ثقة ... تبسم و هوا يتأمل فيها عندو شحال ماشافهاش ...عقد حواجبو ...كي شاف ملامحها المتوترة ...شاف فالساعة لقاها 16 استغرب ...ماشي خوها نورمالمون تكون من لولين ...غير تقدمت دور صابر راسو منها و بدل بلاصة ... شافت فالباقي باحراج و قالت : سلام انا خت صابر ... لمح رجفة يديها كي سلمت عليهم باليد ... بلعت ريقها و دورت راسها تحوس عليه ...غير شافتو برا ...راحت ليه بلا ما تخمم 2 مرات ... تمحات ابتسامة عبدو و زير على يدو ...حس الجو خانقو ...توجه خارج برا ..
_____________________________
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
