كل شخص يترك بصمة في حياة الأشخاص المحيطين به، وعندما يرحل؛ يشعر الآخرون بذلك الفراغ وكأنه حفرة عميقة أثرت في حياتهم
°•○○○○○○○○○○○○○○○○○○○○•°
تبسمت بفرحة كي لحقني النيميرو ... عيطتلو نجري ... يصوني بصح واحد مارفد... شفت فساعة كانت 21 هكاك.... بالاك تكون رقدت ... حطيت تيلفون يتشارجا و رحت تكيت في بلاصتي حتى دانتي عيني و رقدت....
_____________________________
عند رؤوف و سوسن
سوسن : مانيش مآمناتك رؤوف ولله ... كيفاش تكذبني ... راني نقولك هيا مكاش من غيرها ...
رؤوف : سوسن ...مانكدبوش على بعضانا ... ماتخلينيش نجبد الباصي ... حتى رانيا مسكينة كانت سراقة ماشي هكا ... هكاك و عاودت دخلتك لحياتي ... بصح هاد الخطرة صدقيني لوكان تتآذى شعرة من انفال ... نحرقك و نتي حية ...
سوسن باستهزاء : لهاد الدرجة سارقتلك عقلك ... قربت منو تجوز في صبعها على صدرو و تهدر : ياخسارة رؤوف وحدة قد بنتك ؟! ... دنات منو و همست في وذنو ... يعني لوكان صرا وش صرا ديك ليلة ... لوكان عندك طفلة قدها ... تبسم بجنب عليها و قال : تغيضي علبالك تخمامك مزالو حابس تماك ياك ... و انا لي قلت تكوني تبدلتي ...
بعدت عليه و ضحكت بصوت : تعرف ... دور دور و تعاود تولي ليا ... ماتحاولش تنكر ... نتا علاش جبتني هنا ... بين زوج نعرفو انو ماجبتنيش علجال انفال ... جبتني علجالك ... علخاطرش توحشتني و توحشت ياماتنا كيف كيف ...
عوج رؤوف فمو و قال : سوسن ... انا عمري شفت فيك كثر من صديقة ... و ادا على ليام لي راكي تهدري عليهم ... كانو بداعي الشفقة ... كي جا ليا باباك يبكي و يحلل فيا بنتي مريضة و تعيش عاونها و اوقف معاها... هادا مكان ... ماشي كيما صورلك خيالك لمريض ...
خزرت فيه سوسن بغضب و قالت بإنفعال : مراكش تشوف اه ..مراكش تشوف ... حتى هاديك الرخيصة و شافت انو مكاش وحدة توالمك كتر مني افهم افهم ... مكاش وحدة حتحبك كثر مني ...
شدها رؤوف من فكها و قال : حدك تما ... مانسمحلكش تقولي عليها هكاك ... نحا يدو منخا بعنف و قال : و تهناي ماكان حتى حاجة بيني و بين انفال و لا راح يكون ... هيا في مقام ختي ... و افهمي حاجة بلي انا ماعنديش قلب باش نحبك نتي ولا غيرك ... و نتمنى المهزلة هادي تخلاص هنا... باش مانظطرش ناخد اجراءات تانية ...
شافت فيه من لفوق للتحت و خرجت خابطة لباب موراها ...تنهد بتعب كان لازم يخمم في هاد الحاجة قبل مايجيبها ... بصح هو دار في بالو بلي برات ... زاد شوية و خرج حتى هوا يتعشى ...
تلمو في طابلة وحدة ... كل واحد فاش يخمم ... ليديا تلعب بماكلتها تخمم انها تسرعت كي هدرت مع زينو هكاك .. حست كانها بينت الجانب لضعيف منها ... لينا ... تاكل و كل 2 دقايق تشوف في تليفونها ماشي على أساس كان جاي هنا وين راهو حتى لدوك ... عيطتلو 2 خطرات لقاتو مغلوق ماحبتش تزيد تعيطلو خافت يحس انو راهي تظغط عليه ... سوسن لي تاكل و لاعلابالها تخمم فكاش طريقة تخلي رؤوف ملك ليها ... اما عبدو ... فكان كامل تركيزو على تيلفونو ... يقرا فلي ميساج تاع هاديك الطفلة لي طلبت لينا منو يبيراطيها (رومايسا) .... اما رؤوف .. فكان بالو مشغول بأنفال ... علبالو بلي اليوم كان نهار طويل عليها و عيات ... بصح كان لازم عليها تاكل ... باش ماتهلكش صحتها و تقدر تقاوم التدريبات ....
مور ماكملو العشا ... حمحم و قال : من غدوا ان شاء الله نبداو نحضرو للعملية لولا
لينا بمآيدة : صح رانا طولنا ...
ليديا: غدوا ان شاء الله نديرو اجتماع و نهدرو فتفاصيل ...
ناض رؤوف و قال : ان شاء الله و قبل ماننسى ... ليديا هاكي ...
شافت فيه بإستغراب و شداتو عليها و قالت : وشنو هادي ...
هز كتافو و قال : اقراي تعرفي
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
