آلام الماضي تذكرك أنك الآن أقوى، فما زلت واقفاً، والجرح أصبح مجرد ندبة يذكرك بمدى قوتك.
°•○○○○○○○○○○○○○○○○○○○○•°
رؤوف
خرجت من المقر .. رايح نتلاقا بحميد ... و اخيرا بعد شهرين ولا كتر راح نقدرو نحكمو عثمان بالجرم المشهود ... لقيتو واقف عاطيني بظهرو ... بلاصة مقطوعة ... على راس الجبل مقابلها البحر ... وقفت قدامو و جبدت اكبر قدر من الاكسيجين ... تلفتلو و قلت : تأكدتو من لادروغ ...
حميد : تأكدنا ... و بعثنا للابوليس خبر يكونو في طريقهم دوك ..
حكيت فكي نخمم ف واش قال ... مانكونش تسرعت ... ادا كان عندهم يد فلابوليس فأكيد راح يتحركو قبلهم و تكون خدمتي راحت فالريح ... بصح ماعليش على أقل نعرف ادا صح كاين لي يعاونهم من لداخل .... باش نولي ديما سابقهم بخطوة ... شفت فيه بنص عين كي لحقو ميساج ... شاف فيا بتوتر و قال : لخبار ماتبشرش ... مالقاو والو ... و سجلو البلاغ كبلاغ كاذب ... وش نديرو ؟؟
تبسمت بجنب و رحت مخليه ... طلعت فطونوبيل متجه للمقر ... تنهدت بتعب كي تفكرت سوسن و أنفال ... ماشي ناويين يجيبوها لبر ... لحقت للمقر لقيت الحالة هادية ... دخلت للكوخ ديالي انا وزينو ... غير دخلت قابلتني وحد البرية ... عوجت فمي و رفدتها ... كي قريت لمن خبيتها في جيبي ... بدلت حوايجي ... و رحت لكوخ أنفال و سوسن ... قابلتني هيا برك ... غير شافتني وقفت و بدات تهدر ... مسحت على وجهي نعرف بلي هاد الدراما ماراحش تخلاص ...
أنفال بعصبية : فاللخر ظهرت انا لي سراقة ... ياك ... مور كامل وش عايرتني و اتهمتني ... كي جيت اعتذرت مني سمحتلك .. بصح و الله والله هاد المرة تبوس عينيك ... مانسمحلكش ... نجوم سما اقرب لك ... و نشو ...
طلعت حاجب و قاطعتها : وقتاش انا اعتذرتلك ... فكريني
هدات في دقيقة ... و شافت فيا تخمم ... و قالت بتردد : صباح ... وش قتلي هاداك وشنو ... جدي واقيل
ضحكت بخفة و قلت : سمعتيني قتلك سمحيلي ؟؟... هزت راسها بلالا ...
رؤوف : صحا سمعتيني قتلك نعتذر منك ؟؟
هزت راسها ب لالا ... طلعت ككتافي و قلت : و مالا ...وقتاش اعتذرت منك ...
عضت على شفتها بتقلاق و قالت : جوزتني بهلولة ياك ... دوك انا نوريلك .. شفت فيها نحاول نفهم وش راح دير ... حتى نشوفها رفدت مخدة و تيرات عليا ... قدرت نتفادها ... حتى نشوفها العفسة لي تجي في يدها تيريها ... عليا ... و تهدر هدرة مافهمت منها حرف .. انسحبت بهدوء ... غير جيت خارج ... شهقت تبكي ... درت لسها لقيتها قاعدة فالرض و مخبية وجها بين رجليها ...
_____________________________
درت بالعرض البسيط ... لقيتو واقف متبسم ... طبعتو و تنهدت بالارتياح .. و قلت : علاه طولت ...
غمزلي و قال : مانحبش نخلي خدمتي ناقصة ...
طلعنا فطونوبيل و قلعنا ... حنا نبعدو نسمعو صوت لابوليس يقرب سقسيتو : وش درت ..
حطلي تيلفون في يدي و قال : هنا كاين فيديو كي كانو يخرجو فسلعة و يحطو فيها فالطونوبيل ... و فيه كامل لي ماتريكول ...
شفت فيه و تبسمت برضا على خدمتو ... و قلت : لبعث لأدم شوف ادا الكاميرا راهي تسجل ؟؟
هزلي براسو ... و بعث ...
_____________________________
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
