"من أفدح الاخطاء التي يرتكبها الإنسان في حياته ، هي تلك التي كانت نتيجة لمواقف توجب فيها ان يقول لا ، فقال نعم ".
سيد قطب
°•○°•○°•○°•○°•○°•○°•○°•○°•○○•°
يوم جديد ... و شمس جديدة طلعت على ابطالنا ... حاملة فطياتها العديد من التفاصيل لي راح تكون سبب في تغير مجرى حياتهم و مستقبلهم ....و يمكن حتى انفسهم ... و على سبيل المثال... و عل غير العادة ... انفال لي حلت عينيها بثتاقل كي سمعت صوت المنبه ... رمات يدها لتلفون و طفاتو ... كسلت يديها و جعدت روحها ... سمعت صوت الما من الحمام ... عقدت حواجبها و عاودت شافت فساعة لقاتها الربعة غير عشرة ... ااااو واقيل السيد مايرقدش ... ضحكت بخفة و قالت : ههه على حساب الشوفة صح روبو ... خبطت راسها بيدها و قالت : بوه عليك يا أنفال السيد مسكين راو مغروم ... ههه تغرم ... بايت ليل كامل يخمم في سوسن ... عوجت فمها بحزن و كملت تهدر في قلبها ... هه ظهر يتمسخر بيا ... منبانش قدامها ... العين الزرقا و شعر لصفر و زيد مثقفة و كلاس ... تعرف تهدر و سبورتيف ... و عمرها قريب لعمرو ... راح يخليها هيا لي عندها كلش و يشوف فيا انا ههه ... حلت عينيها على وسعهم ... وش قالت دوك ... وقفت تجري دور فالبيت و تهدر : ا..انا علاش قلت هكا ... علاش خممت هكا ... معنتها احم ... معنتها انا انا ... انا انفال راني حاباتو يشوف فيا ... يعني رؤوف يشوف في انفال و تعجبو ... بصح علاش انا راني حابة نعجبو ... خبط قلبها بزور ... شدت فيه و هزت راسها تنكر و قالت : زعما زعما صح ... نكون نحبو ... عضت على شفتها التحتانية و رفدت يديها و قالت: يارب ياربي ... نعرف روحي مقصرة في عبادتك ... حتى من صلاتي لي تميز المسلم عن غيرو و لي هيا عماد الدين مقصرة فيها ... مرة نصلي مرة لالا و ادا صلست ماشي في وقتها ... بصح ياربي ماتعاقبنيش هكا ... بعدا رؤوف ... صح هوا شباب و كلش بصح مزالني صغيرة ... مانقدرش نحب واحد كيما هوا ... بارد معقد مايضحكش ... انا فارس احلامي واحد يحب الدنيا و يحب يعيش و يضحك و زهواني ... هبطت يديها و قالت بضعف : حتى و اذا حبيتو مانقدرش ... ماراحش يسمحلي ... مسحت الدمعة اليتيمة لي طاحت من عينها ... قفزت على صوتو كي طبطب فالباب و قال باستغراب : أنفال .. راكي تهدري وحدك ...
شافت مدة فالباب تحاول تستوعب ... قالت بأستغراب : صوت هادا تاع رؤوف ... بصح راو جاي من برا ... بصح تاع رؤوف .. مالا مالا شكون راه فالح...
قبل ماتكمل كلامها سمعت صوت الباب يتحل ... حست قلبها حبس ... دارت بالعرض البطئ ... عير شافت شكون ... هربت تجري تسوغ ... حلت الباب خبط فرؤوف ... بعد عليها شاد نيفو بألم ... اما هيا فكملت تجري و تسوغ ...مخلية سوسن لي خرجت من الحمام تسوغ معاها مخلوعة ... غير حست بصوت أنفال يبعد حطت يدها على قلبها تهدي في روحها ... شافت رؤوف شاد في نيفو ... راحت تجري ليه و قالت بقلق باين : رؤوف وش بيك ؟؟
شاف ف أنفال لي خبطت في زينو بنص عين و قال : والو
سوين : بصح راو يسيلك الدم من نيفك ... شاف فيدو باستغراب ... لقا صح كاين شويا دم عوج فمو و قال : دوك نغسلو يروح .. ابخبطة كانت قاوية
هزت راسها بيأس و قالت : راسها يابس .. سكتت شوية اومبعد تبسمت معاه و حطت يدها فوق كتفو و قالت : مالا نتلاقاو فالاصال ...
اكتفى انو يهزلها راسو ... كي حس بيها راحت ... رما عينو على أنفال لقاها لاصقة في زينو تبسم بسخرية و دخل رادخ الباب موراه
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
