°•○○○○○○○○○○○○○○○○○○○○•°
طلع حاجب يستنى فيها تكمل ...انفال بتذكر : ماشي قتلي قبل ماتروح كاين حاجة تقولهالي ؟؟ هز راسو بتأكيد ..تبسم و قال : صح ..
انفال : وشنووووو...
تنهد و قال : نعرفك من قبل ...
حلت عينها على وسعهم و قالت : كيفاااش كنت تعس فيااا!!
خبطها لراسها بصبعو و قال : نحبك تعرفي حاجة قبل ... سكت شوية يحاول يجمع الحروف ...اول مرة يخاف على مشاعر واحد ..من عاداتو يهدر كلش ديراكت ...حمحم و قال بنبرة جدية : انفال ...باباك جامي كان خاين ...بلعكس ...ضحى بكلش في سبيلو .. تنهد وقال و جامي تخلا عليكم ... كنت كل يوم نسمعو يشكي فراقكم لربي في صلاتو ... سكتت تسمع فيه ...و دموعها يطيحو ... قالت بصوت ضعيف : حابة نعرف كلش عليه ابدالي من لول ...تبسم بفخر كي تفكرو وقال : انا من اب فرنسي كان عميل للسلطات الفرنسية و ام جزائرية ... كي عرفت يما بأمرو بلغت عليه السلطات الجزائرية ...بصح كان فات الوقت ... و كان داي معاه عدة وثائق و معلومات على الامن ديالنا ... فقررو يتاخدوني رهينة باش يظغطو عليه ...رغم كان خاين بصح حبني كثر من يما ... و فعلا جا و سلم الوثائق ... بصح هادا كان مجرد فخ ... الجينرال لي كان حاكم هاداك الوقت قتل بابا قدام عيني ... و انا في عمري 8 سنين ... صح ماكانش اب يشرف بصح يقعد بابا و لي مات علجالي ... و ماكتافاش بهاد الشي برك... كلف باباك انو يقتلني ... الا انو باباك رفض و تمرد عليه ... داني و رباني و علمني كلش ... قعدنا متخبيين حتى تاكدنا انو الجينيرال نحانا من راسو .. وقتها باباك تعرف على يماك ... و تزوج بيها ... كي بديتي تكبري ... عاود ظهر الجينيرال ... اظطر باباك يهرب من خوفو عليكم ...طالما خبا عايلتو على الضومان لي فيه... تقدمت يما بطلب للسلطات انو ترجعلي هويتي و حقوقي كمقابل لتعاونها ...و اكيد السلطات رحبت بهاد الشي و استنكرت وش قام بيه الجينرال و فصلاتو من العمل ... لتما هوا زاد هاج ... و هبل ... و للأسف انظم للجماعات الإرهابية لي في يوم من الايام كان يحارب فيهم ... السلطات كلفت باباك يتولى امرو ... بصح للاسف قدر الجينيرال و لا الارهابي انو يورط و يتهم باباك بالخيانة ... كانت صدمة ليه ...صدمة كبيرة ... لدرجة انو فقد القدرة على الحركة و النطق ... قد ما حاولنا معاه ... للأسف كي استعملت نفوذي و رتبتي في حمايتو ...تهموني بالخيانة... جردوني من خدمتي و حلمي و رتبي ... و رماوني للحبس ...لتم تعرفت على عبد الكريم ... لي طرح عليا هاد الفكرة و رفضت .. بصح مور ماخرجت و سمعت بوفاة باباك ... قررت ندخل باش نعرف شكون هاد الارهابي لي قلب حياتنا كامل و ننتاقم منو ... شاف فيها و تبسم بحزن ..: تعرفي وصاني عليك ... و على قرايتك ... و خلالك بزاف رسائل معايا ...
مسحت دموعها و قالت : و علاه ماقتليش من لول ؟؟
رؤوف : ماعنديش بزاف من لي عرفت ...قتلك بلي خلاكم سر ...و منع روحو عليكم باش يحافظ عليه ...كنت نعرف اسمك و اسم خوك و ماماك ...برك ... ماعنديش بزاف من لي عرفت ... سكت شويا و قال : حابة تشوفي الرسائل ... هزت راسها بالنفي : مدلي شويا وقت نتقبل كمية المعلوماتولي قتهالي ...
عض على خدو ...يخمم كيفاش يخرجها من هاد الوضع ...شدها من يدها ...و هبطو من الشجرة ...جرها نعاه حتى ولاو مقابلها و قال : ماشفيتيش على هاد البلاصة ...
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
