“ما أكثر الذين يتوهمون أنهم يفهموننا لأنهم وجدوا في بعض مظاهرنا شيئًا شبيها بما اختبروه مرة في حياتهم!
وليتهم يكتفون بادعائهم معرفة أسرارنا، تلك الأسرار التي نحن ذواتنا لا ندركها – ولكنهم يصموننا بعلامات وأرقام ثم يضعوننا على رف من رفوف أفكارهم واعتقاداتهم مثلما يفعل الصيدلي بقناني الأدوية والمساحيق”
— جبران خليل جبران
°•○○○○○○○○○○○○○○○○○○○○•°
غير لحقت لدار يماها ..خرجت من طونوبيل بلا ماتقول كلمة ... الدنيا موجهتلها ضربة مور ضربة ...صدمة مور صدمة ... حست بصبعتيه كي تسللو داخل كف يدها ... دارت ليه و تبسمت بتكلف .. تنهد و قال : مانعرفش وش نقول فهاد الموقف بصح ديري في بالك بلي راني معاك ياك ؟؟ ... تبسمت بدفئ و قالت : صح ؟؟ ... بادلها الابتسامة و قال : صح و ديما حنكون معاك ..جبدت روحها منو و قالت : ماتقولش هدرة ماشي قادر عليها رؤوف ... حيجي نهار و حتى نتا راح توقف ضدي حتى نتا راح تحاسبني بلا ماتسمعني ..و راح تخرجني كيلي ماكنتش و انا الوحيدة لي راح نضرر ..خلي كل هدرة فوقتها ...ماتقدمليش وعود ماشي قدهم ...انا ماشي ملايكة حتى انا نغلط ..و مكاش واحد يتقبلك بأخطائك من غير والديك ... دارت رايحة ..جبدها من يدها .. و قال :علبالي بلي راكي مخبية حاجة عليا .. مراحش نهدر معاك دوك ... حنعرفها حنعرفها ...يانتي تقوليهالي يا نعرفها وحدي و نتي خيري ... نحا يدو منها و طلع فالطونوبيل مخلي لغبار موراه ... دخلت للدار لقات بنت عم ليديا برك سلمت عليها و بعثث ميساج ل أسما لازم تهدر معاها على أدم ...
كانو قاعدين مقابل لبحر ... تنهد بتعب .. خبط مهدي على كتفو بمساندة و قال : مقعدش قد لي فات ...
هز راسو بيأس و قال : كرهت حاب نخلي كلش مورايا ... حاب نفضحو و نفضح بلي كان ار... استغفر الله ياربي ...شاف مهدي فيه بشك و قال : وش قصدك .. جبد ادم من جيبو وحد الفلاشة و قال : هنا كاين كامل الادلة تاع المهام لي فاتو ... روح اسبق اديها لدزاير و خبيها و انا نستكلف هنا ... اللعبة راهي فالعد التنازلي ...غمض مهدي عينيه و قال : لازم ندي خالتي و انفال منا ...ادم : ادي خالتك و الطفلة لي معاها و .. مهدي : و شكون ؟؟ ادم : و اسماء و عايلتها ...انفال خليها معايا نسحقها ... مهدي : اسماء!! وش دخلها .. على حساب علمي كانت مجرد ورقة رابحة باش تتقرب من انفال ...مسح ادم على وجهو و قال : عبد الكريم قادر يهددني بيها .. و هيا معندها حتى دخل ... ادا صرالها كاش حاجة مراحش نسامح روحي ..سكت مهدي عارف بلي عندو لحق و قال : و ليديا؟؟ هز ادم كتفو بلا مبالاة و قال : دوك نبعثلها ميساج نتلاقاو و ننهي علاقتي بيها ...مهدي : مراحش تقوللها ...خزر فيه و سكت متردد اومبعد قال : مهدي لازملنا دليل ضد عبد الكريم ..لازم نواجهو بعمايلو ...باش يعترف تنهد و قال بجدية : مهدي ... العبد هادا خطير بزاف ... سكت شويا و قال : ارهابي و قاتل شحال من واحد ... حل مهدي عينيه على وسعهم معامن دخلتهم انفال ... مهدي بتردد : متأكد ؟؟؟؟ هز راسو في صمت و قال : سمعتو بعيني ...و حطيت كاميرات باش نتاكد و ماخابش ظني ...مهدي : مالا عندنا دليل ..ادم : للأسف مكاش ... ماقدرتش نحفظ لي فيديو لي فالكاميرا ... عندو نظام يكشف هاد الخاصية فالكاميرات
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Azioneاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
