"من يطلب بخجل يساعد على الرفض" .
مثل لاتيني
°•○○○○○○○○○○○○○○○○○○○○•°
ضرب الكرسي برجليه... زعما عندها الحق ... قسا عليها بزاف بكلامو ... ماكانش عليه يجبدلها باباها فالوسط ... ماغلطتش ... هوا فات حدودو معاها ... و دخل روحو في حوايج مايلزمش يدخل روحو فيها ... صح بالاك قاسي معاها ... و هوا متعمد هاد القسوة ... باش مايخليش الناس تستغلها ... كيما يحيى ... مالغري يعرف بلي زينو ماشي كيما يحيى ... بصح لازم يعلمها ... باش ماتضعفش باش مايعفسوش عليها الناس ... لازن تقوي شخصيتها خاصة فهاد الضومان ... بالاك زاد عليها بصح هوا خاف عليها ... من اول مرا شافها حاس روحو مسؤول عليها ... حسها مسؤوليتو و لازم عليه يحميها ... تنهد بتعب ... مايعرفش منين جاه هاد الاحساس ... احساس انو هوا مديون ليها بحياتو ...
رجع لملامح البرود كي سمع صوت الباب يتحل ... شافها خرجت ...ناض سابقها بلا حتى كلمة ...
__________________________
فتحت عينيها بثتاقل ... لقات روحها في بيت غريبة عليها ... دورت راسها ببطئ ... شافتو راقد فوق الفوتاي مسترخي ... ابتسمت من الاحساس الدافئ لي اجتاحها ... تنهدت بحزن كي تفكرت وش صرا البارح ... جالت في خاطرها ذكرى البارح ... كي رفدها مخرجها من المطعم ..
فلاش باك
كانت تفرفط بين يديه ... تحوس عليه يهبطها ... كي بعدو شوية على المطعم ... هبطها ... غير لامست رجليها لرض ... رفدت يدها و ضرباتو كف ... وجهت صبعها لوجهو و قالت بحزم : لوكان يدك الموسخة هادي تزيد تقيسني ... نقطعهالك ...
شدها من يدها مقربها ليه و قال : كاين عفايس نهدرو فيهم ... مااستناهاش تجاوب ...كركها من يدها ...حل الطونوبيل رماها غلق عليها و ديمارا .... صوطات فوقو تخبش و تعض و جبدو من شعرو ... قدما حاول يتفاداها ماقدرش ... قال بنفاد صبر : لينا ... خلاص حبسي راكي حابة تقتلينا ...
لينا بعدم اهتمام : عادي .. على الاقل نموتو كيفكيف ... تنهد بيأس منها قارا طونوبيل هلى جنب و قال : لازم نهدرو ..
ضحكت بسخرية و قالت : فواش نهدرو بظبط ؟؟ سكتت شويا و قالت بحزم : حلي الباب صابر معدنا حتى هدرة كيف كيف ...
دار يشوف فيها بهدما كان يشوف فيها من المراية و قال : لينا .. حبيتي و لا كرهتي لازم نحطو نقاط على حروف ...نكون صافيين ...
تنهدت و سكتت تسمعلو ... كمل يهدر كي شافها ساكتة : نبدا انا لول
سكت شوية و قال : وش لي بدلك من جيهتي ... ياك كنا انتيك ... لينا انا كنت داير في بالي بلي تحبيني ... كيما كنت نحبك ... وش صرا ... بين ليلة و نهار نلقاك وليتي تحبي زينو ... انا لي فهمت غالط ولا مافهمتش ... على حساب ظني ماغلطتش في حقك ... جامي قستك فالهدرة و لا ...
عضت لينا على شفتها التحتانية ... غمضت عينيها و قالت : خلاص صابر ... هداك ماضي ... كمل عيش حياتك و انساه ...
صابر : جاوبيني ... باش نقدر نكمل حياتي ... لازم نفهم ... مانقدرش نتجاهلو
هبطت لينا راسها ماتحبش تتفكر هاد الحكاية بدات ... الخيانة لي تعرضتلها منو صعيبة ... جرحتها بزاف ... مسحت الدمعة لي طاحتلها و قالت بغصة : سمعتك ...نهار هدرت معاها ... سمعتك صابر .... كنت ... كنت جاية نعترفلك بمشاعري ... ضحكت بأستهزاء و كملت بصوت مهزوز يرجف : حبيت نفاجئك عشيت انا لي متفاجئة ...
شاورت بصبعها جيهة قلبها و قالت : هادا وجعني ... حسيتك عفستلي عليه ... وش كنت تسنى مني ندير ...اه نصفقلك ... حبيت نحرقك كيما حرقتني ...
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
