"عندما تتكاثر المصائب يمحو بعضها بعضاً، وتحل بك سعادة جنونية غريبة المذاق، وتستطيع أن تضحك من قلب لم يعد يعرف الخوف"
°•○○○○○○○○○○○○○○○○○○○○•°
عقد حواجبو باستغراب كي سمع صوت خطوات تقرب منو بلعقل ... حاول يدور راشو يشوف شكون ماقدرش ... غير حل فمو باش يهدر ... حس بيد غلقتلو فمو .. تبسم بجنب كي سمع صوتو ...
صابر : اشش حاب تفضحنا ...هبط ليديه يفك رباطو ... غير فكو تعانقو عناق رجولي ... زينو : كان علبالي بلي نتا ... صابر باستفزاز :شكون نتا؟؟ وينو زينو ؟؟ ..خزر فيه زينو باسف و قال : لهاد الدرجة خسرني .. ضحك صابر بخفة و قال : ههه ماتخافش ... جروح و يبراو .. عوج فمو و قال بخفوت : هادو دعاوي ليديا .. تبسم بشرود ... شحال توحشها ... خرجو صابر من شرودو كي قال : بايتين ؟؟ تبعني ...شد عليه السلاح ومشا متبع خطواتو ... كي خرجو لقا الحراس كامل دايخين ... خرجو تمتم ... قبل مايلحق ريكاردو ... مايعرفش شحال يقدر يلهيه ارثر بالبلاغ المقدم ضدو ...زينو : شكون ارث...ااه شد زينو في كرشو بألم ... شاف فيه صابر بقلق : وشبيك ... زينو : الضربة القديمة ... فورساها الكلب ... باش يلعب لي على الوتر الحساس ... سندو صابر و قال : اتحمل مانقدرش نديك لسبيطار دوك ... طلعو فطونوبيل .. زينو : تيلفوني .. غير حلو لقا عشرات الاتصالات من الفرقة ... كومبوزا رقم عبدو .. لي من الرنة لولة رفد ...عبدو : وي شكون عيطلنا ... راك حي
زينو : هههه حبيتني نموت ... المهم وش راكو دايرين فيها ...عبدو : راني فالمطار نسنى فيكم ...
ضحك زينو بخفة : هههه رانا مقابلينك ...
عبدو باستغراب : اوو مارانيش نشوف فيكم ... ويمن راكم ... ديجا شكون قاللكم .. رؤوف ؟؟
زينو بصدمة : دقيقة نتا راك سيريو .. صح راك فالمكسيك ... وش جابك؟؟
عبدو :زينو مرناش حابسين ... عارفين بلي صؤات حاجة و صوتك زاد اكدلي ... راني نسنى فيكم
كوبا عليه زينو و شاف في صابر لي كان يشوف فيه باستفسار : عبدو راهو هنا .. هز صابر راسو و قال بهدوء : مليح على الاقل تولي معاه ...زينو : وين نولي معاه ؟؟ و نتا ..صابر : انا نكمل المهمة و بلا ماتعترض ... مالازمش يعرفو بلي طحت في يديه و لا تتسجل كمهمة فاشلة ...
بلع زينو هدرتو و سكت ... بعد مدة لحقو للمطار ... و تلاقاو بعبدو ... فهموه الوضع باختصار راحو وين كان يستنى ارثر فيهم مع طبيب ...
_____________________________
الجزائر _ الجزائر
رفدت ساكها و خرجت لبرا متوجهة لسبيطار باش تشوف بنت عمها ... تلاقات مع باباها كي لعادة و تجاهلتو ... بصح هاد المرة ماخلاهاش تروح شدخا من يدها و قال : بنتي علاه ديري هكا ... ماشي تسامحنا و نسينا الماضي .. خزرت في عينه بنظرة جامي شافها قالت ببرود : كان عندي امل انك تكون ندمت على عمايلك .. علابيها طلبت السماح ... ياخسارة ... حتى درتلي تحليل ابوة باش ندمت ... يعني نتا هاد السنين كامل داير في بالك بلي ماشي بنتك ... بلع ريقو و قال : ككك ...ششكون كيفاش عرفتي
تبسمت بقهر .. ماحاولش حتى ينكر ... لهاد الدرجة بهلولة تسنى منو ينكر ... و يقول ماشي صحيح ... بلعت غصتها و قالت : شفت الورقة .. مانطولش عليك ندي بنت عمي و نروح ... اتجهت لسبيطار ... لقاتها في عالم اخر ... عاونتها تلبس و ديماراو لعنابة ...
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
