كرونيك لصة قلبي 2 《خائنة و لكن ...》 باللهجة الجزائرية

《خائنة و لكن ... 》البارت80

"الطريق المجرب ليس هو الافضل دائماً ، و الحكمة ليست في اهماله دائما"
صدام حسين
°•○○○○○○○○○○○○○○○○○○○○•°

هااااااااي توحشتككممم بزاااف🥺🥺🥺 ....علبالي بلي راني مقصرة معاكم بصح و الله مابيدي هاد الغيبة هادي😇 ... كانو عندنا مناسبات فدار و زيد الاكزاما ... اليامات لي فاتو كان فيهم بزاف سترااااس💔 ... ماطلعتش سوماستر لول ... و هادا عامي الثاني مانيش حابة نزيد نعاود ادعولي🥴🥴 ... و راني قابلة باي حاجة تطلبوها مني كتعويض على قلة المسؤولية لي بدرت مني😥😥 ...سينو والله غير توحشتكمممم بزاااف🥰🥰 ... و توحشت لكتيبة 🤓🤓...توحشت نسمع ارائكم 🙄🙄... و مالغري الانترنت راحت بارطاجيت و جبت معايا حلقات جدد💃💃 ... بالمناسبة صحاب البيام ربي ينجحكم 🤲🤲و صحاب الباك بالتوفيق💪💪 ... ديرو لي عليكم و اعرفو بلي لي كاتبهالكم ربي في الخير و كل حاجة في وقتها شابة♥️♥️ ...نبداو على بركة الله 🤲🤲
_____________________________

كان قاعد على طابوري يقلب فالتيلفون ... متردد يعيط و لا لالا ... نفس بجيهة... ماشي حامل الحيرة و التردد لي راهو فيه ... رما تيلفون بإهمال كي سمع صوت الباب ... ناض حلو ...قابلاتو لينا و الفرحة باينة في عينيها .. قالت بنبرة حماس : ماتقدرش تآمن وش صراااا... بعد بجيهة باش تدخل ... رمات ساكها و دارت باش تحكي و قالت : وش السكات هادا وين راهم ...مسح على عينو و قال : عبدو راح للمكسيك البارح و سوسن من لي تخرج ماتوليش...لينا : معامن راهي ؟؟ ...رؤوف : في رأيك من نهار عرفتيها عليه و هيا معاه ... طلعت حاجب و قالت : و الشي هادا ديرونجاك؟ولا غرت عليها ؟؟ وش كاين بينكم ؟؟ سكتت شوية ... لقاتو يشوف فيها بهدوء ... عقدت حواجبها و دارت يدها على فمها و قالت : زعما تكون هيا لي قالتلو؟؟ عقد رؤوف حواجبو بإستغراب.. شافت فيه و قالت : اقعد اقعد ... علبالك نورا وافقت تشهد معانا ... عوج فمو و قال : هادي حاجة مليحة في صالحنا.. هزت راسها بالنفي و قالت: المشكل ماشي هنا ... المشكل انو كانت عارفة من قبل شكون انا و علاه جيت و منين و عارفة بالخطة ديالنا ...حك نيفو وقال : وش معنتها ... اهه ؟؟ كاين خاين بيناتنا ... ناض خبط الطابوري برجليه ... حك رقبتو يحاول يهدي في روحو : شكون ؟؟ ماشي لولة ماشي الثانية .. شكون هادا؟؟ ... شافت فيها لينا بمعنى و قالت: شكون من غيرها ... سوسن باينة ... شاف فيها مضيق عينيه و قال : سوسن نعرفها مليح .. ماشي هيا لي تخون الوطن ... ناضت لينا تهدر بإنفعال : شكون معنتها اهدر شكون ... بيناتنا رؤوف كاين واحد يتهوس بوحدة من شوفة وحدة ... آمنت هاد الشي ... مايدخلش لراس عاقل ... بالاك اعجاب بصح ماشي هوس ... بلا ماتهدر معاها .... صحا و هاد التقارب بينها و بينو ... فهاد السرعة و كأنها تعرفو من سنين ... رفعت يديها فسما🤷🏻‍♀️و قالت كل الأدلة دل عليها ... شاف فيها رؤوف ... وجهة نظرها صحيحة ... و من جيهة يعرف سوسن مليح ...بصح لازم نتوقعو كلش في هاد الدنيا... حاس الدار تضغط عليه ..ماحملش فكرة انو سوسن تخونو... يكون وش يكون ... صديقة طفولتو ... و تعنيلو... خرج خابط الباب موراه ... شافت فيه لينا بيأس و خرجت حتى هيا