"يبدو لي أنه من الصعب علينا ترك الاشتياق لبعضنا البعض والتمني طالما نحن على قيد الحياة، هناك أشياء محددة تجعلنا نشعر بالسرور والسعادة، ويجب أن نتمسك بهذه الأشياء"
°•○○○○○○○○○○○○○○○○○○○○•°
بعد ساعة و ربع طريق لحقو للمقر و اخيرا ... هبطت انفال هيا لولة تبعتها ليديا ... جبدت المفتاح و حلت الباب ...حطو الكابات قدام الباب و قعدو على أول كرسي قابلهم ...تافافات انفال و قالت: وين راهم هادو ...شافت ليديا فساعتها و قالت : عبدو لحق لدزاير صباح على 8 و ركب طيارة الجزائر - عنابة ... يعني دوك شوبة يلحق .. شافت فيها بنص عين و قالت : او لوخرين يعني لينا و رؤوف ...
ضحكت ليديا بخبث و قالت : فايقة بيك تسقسي عليه ...قلبت انفال عينيها و قالت : خراك ماشي ...التهاي بخطيبك خير ... سكتت شويا و قالت : حقا على سيرة خطيبك وريلي نشوفو ...ضحكت ليديا بخفة: ههه ارواحي ... صوطات انفال بحماس و قالت : و نقولك شكون شباب هوا ولا زينو ...شافت فيها ليديا بوحد الخزرة . .تجاهلتها انفال ... غير دخلت لغالري و وراتلها التصويرة ...دخل عبدو و موراه زينو ... وقفت ليديا بزربة و مدت تيلفونها لانفال ...تقربت من زينو دايرة يدها على فمها : وشبيك وش صرالك ... هبط زينو عينو منها ...ماشي واجد للمواجهة حاس روحو أحقر واحد على وجه الكون ... هدر عبدو : و انا ماتقوليلش وشبيك ... شافت فيه ليديا و قالت : علاه نتا تانيت وشبيك ؟؟ وش صرا ...خربشلها عبدو شعرها و قال : ماتخافيش ...دوك نريحو شوية و نحكولكم ...دار لزينو لقاه يخنزر فيه ...عبدو : نعاونك ..طبعو وقال : عاون روحك كي نبراا
ليديا : اصبر نعاونك ... بلع ريقو كي قربت منو و دخلت ريحتها لنيفو ... راقبهم عبدو حتى ماولاوش يبانو ..شاف في انفال باستغراب : انفال ... من الارض الى كوكب زحل هل من اجابة ...تقرب منها يشوف في واش راهي غايسة ... لقاها تشوف في تصويرة ليديا مع خطيبها ...خبطها لراسها وقال: ياحمارة خطيب ليديا هادا ...خرجت من شرودها و قالت : اااا جيت ...عوج فمو بيأس و قال : الطفلة ضاعت من يدينا ... خبطاتو على كتفو و خرجت برا ...تحوس على بلاصة هادية تخمم فيها
و هيا تمشي جدب انتباها وحد الشجرة ...جايا طويلة ... و من الفوق كبيرة ... الجدوع دياولها قاويين ...كانهم يقولولك اتسلقني ...لوكان ماشي شوية ...ترجعها دار ...ابتسمت من الفكرة لي جاتها ...حاولت تتسلقها و قدرت ...عاونوها حركات الدفاع عن النفس ...يعني التدريب جاب نتيجة ... غير لحقت للنهاية ...حلت عينيها من واش قابلها ... بيبيوتاك صغيرة ... طابلة صغيرة ... و فراش معلق يتأرجح فسما ...غير حطت رجلها سمعت هاداك الصوت ...مدت صباعها تتلمس فالبييوتاك ... اكتر حاجة عجبتها انو كامل الاثاث مخدوم بالخشب ... هادا ادمكانها المناسب ...بصح زعما شكون خدمو ...زعما غلطت كي دخلت ...بصح راهي في آمان هنا ... ماشي بعيد بزاف على المقر رمات روحها على الفراش تارجح بيها شوية و حبس ...دارت قابلها منظر طبيعي خلاب الشجر لحشيش الورد ...الزواوش ..خدات نفس دات فيه اكبر كمية من ريحة الورد العطرة و رقدت بلا ماتخمم فاي حاجة
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
