كرونيك لصة قلبي 2 《خائنة و لكن ...》 باللهجة الجزائرية

《خائنة و لكن..》البارت 85

أسهل سؤال هو الذي يحتمل إجابتين متناقضتين في آن واحد، وأصعب حياة أن تعيش بوجهين متناقضين في عالم واحد.

°•○○○○○○○○○○○○○●●○○○○○•°

المكسيك
مدلو آرثر كاس قهوة ..شدو عليه و ترشف منها شوية ...قعد مقابلو و قال : كاش خطة ؟؟ خزر فيه صابر ... قول لجاسوس لي زارعو تما يعرفلنا وين مخبي الوثائق لازم نضربو الحديد و هوا سخون ...
أرثر : نعرف وين مخبي الوثائق و نعرف كامل تحركاتو ...بصح ما عنديش الجرأة لي عندك علابيها عاونتك ...تبسم صابر و قال : يعني باش انا نروح نجيبهم و نتا تديهم هكا... ماتفاهمناش عليها ...عوج ارثر فمو و قال : ف كلا الحالات نتوما فشلتو فالمهمة ...راح ندير فيك خير كبير كي نشاركك بالمعلومات لي عندي ..شاف فيه صابر مضيق عينيه و قال بنفاذ صبر : جيبيلي كامل الملفات على هاد القضية ...ندير دراسة شاملة عليهم ... حك نيفو و قال : ماتعييش روحك ...هوا ليوم ذكرى موت باباه ... يحب يكون وحدو علابيها يسافر لوحد الجزيرة في ايطاليا ... بصح للاسف فرصة كيما هادي حضيع من يدينا ...شاف فيه و قال : علاه ؟؟ مستحيل نضيعو فرصة كيما هادي ..رفع يديه و قال : راهو مشدد الحراسة من نهار هربنا صاحبك ..حك صابر دقنو و قال : اليوم يصرا التنفيد ... تعرف كلمة السر ...ضحك ارثر بخبث و قال : كلمة السر تتبدل كل نص ساعة ... ماشي نتا اي راح دخلها ...الهاكر ديالنا ... نتا معليك تتنكر بزي الحارس و تتسلل لوين مخبي الملفات هادا مكان ..صابر : و بالنسبة لبرامج الحماية ...شدو ارثر من كتفو و قال : حنا ندبرو راسنا ... شاف فساعة لقاها 10 حك جانب فمو و قال : وش رايك نفدوها دوك ...صابر باستغراب : صباح ربي ..ارثر ببساطة : هوا راح على 5 اولا ...ثانيا قيسما نوجدو روحنا يكون لحق وقت لفطور ...نقول للعميل يديرلهم الدوا تاع رقاد للحراس ...هوا عايش وحدو ... وجد روحك انا نروح نتفاهم مع الهاكر
عوج صابر فمو ...قلبو ماشي قايلو خير ...مايقدرش يثيق في ارثر بصح ماعندوش حل وحدوخر ... جازت 15 ...جا ليه و في يدو خريطة للقصر ديكاردو ...فهمو على كامل الدخلات و الخرجات ... و علىى برامج الامان للاحتياط ...وجدو روحهم و قلعو ...حبسو بعاد شوية على لقصر ...لكن على مرمى نظرهم ... كانت الساعة 11 : 30 ...كان صابر لابس كيما الحراس ...دار ليه ارثر و قال : العميل راو يسنى فيك هوا لي راح يدخلك و يعاونك ... الهاكر راح يقدر يعطل الكاميرا و برامج الحماية لمدة 20 دقيقة ... لازم تكملو قبلها ...لانو بمجرد ماتتعطل ...راح يلاحظ مركز الحراسة هاد الشي و راح يجي ...الطريق منا لمركز الحراسة نص ساعة ماكسيمون ... نتا راح تتوجه للمكتب بشكل عادي ... على اساس هوا طلب منك هاد الشي ... غير يبدا المنوم يعطي مفعولو حتتعطل جميع اجهزة الحماية تحوس على الخزنة و تجيب يالوكان ملف واحد و تخرج ديراكت حنكون نسنى فيك هنا انا و العميل موراها نركبو فالبابور لفرنسا بلا مانضيعو دقيقة ...
صابر : علاه ماتركبش صورة مزيفة للكاميرا ..عوج ارثر راسو و قال : حيفيقو حندعم اجهزة تكشف التركيب ...
شويا و لحق ميساج لارثر ... و خرج صابر من وين قالو ...لقا واحد يستنى فيه ...دخل للقصر بكل ثقة ... و كانو رئيس الحراس ...توجه للمكتب غير مدلو ارثر الاشارة عبر لا سلكي ..دخل يجري ...ليس قفاز و بدا يحوس ... قلب بيرو مالقاش .. ارثر : جازو 5 دقايق ...وترو بهدرتو ... لمح بطرف عينو وحد اللعبة تبان قديمة ...مافهمش بصح جدبت انتباهو ...حسها حل ل لغز هادا .. غير رفدها في يدو تقسمت ..و بان في وسطها كارت ميموار ارثر : مزالو 6 دقايق و يرجع نظام الحماية اخرج ...دا اللعبة و الكارت ميموار و خرج من المكتب غير جا رح يرمي الخطوة لولة ...حس بحطبة تخبطت على راسو ...دار بلا ما يخمم طبع هداك الحارس من الدروج ...و خرج من دار شاد في راسو ...يحاول يقاوم الدوخة ...كي شافو ارثر هكاك خرج راح عاونو ... سمعو صوت الطونوبيلات جايين خلاوهم حتى جازو من قدامهم و ديماراو مقلعين للميناء