“لا تجزع من جرحك، وإلا فكيف للنور أن يتسلل إلى باطنك؟”
— جلال الدين الرومي
°•○○○○○○○○○○○○○○○○○○○○•°
كانت واقفة شوية بعيدة عليه ...تراقب فطبيب كيفاش يفحص فيه ... لحقها ميساج ...جبدت تيلفونها تشوف وش لحقها ...غمز زينو لطبيب ...ناض طبيب و قال : سيبو كملت ... نفضت راسها تحاول تركز مع هدرة طبيب .. ليديا : كيفاش راهو جرحو ...زينو : مايعلم بيه غير ربي ... تجاهلاتو ..طبيب : فالحقيقة ...احم هيا حالتو شوية خطيرة ... الضربة لقديمة عاودت تحلت .. و ثادر يصرالو اا يصرالو نزيف داخلي ..و يموت ...قاعدة تشوف فيه كيفاش يهدر بشك ... دورت عينيها لزينو لقاتو يتمسكن بملامحو ... شافت فيه و قالت : معليش نتا درت لي عليك الباقي على ربي انا نروح بعد اذنكم ...قاطعها زينو : بصح لازمني عناية خاصة ماسمعتيهس قادر نموت ..شافت فيه و قالت بقيلة حيلة : ادا مت ربي يرحمك الاجل ديالك لحق ... عبس بوجهو وقال بتذمر طفولي :فقتي ياك ... شافت بطبيب بوحد الخزرة ... خرج يجري من تم ..يعرف ليديا هادية و متحكمة في اعصابها ...بصح وقت واحد يحاول يستغباها تتحول ... شافت في زينو و ماقدرتش تقاوم البسمة كي شافت ملامحو الطفولية ... قربت منو و قالت : نوض نبدلك على الجرح ... شاف فيها يجري ..ضحك بصوت وقال : نعرف بلي مانهونش عليك ... رسمت ملامح البرود على وجها و قالت : واجبي مع كل واحد فالمقر ..قربت جابت وش تسحق و كملت تهدر : نحي تريكوك غاول ..عندي موعد مع خطيبي ...
حطت بوات فارماسي على طابلة ..و راحت تجيب القفازات ... خبط هاديك لابوات بيدو ..قفزت على هداك صوت ...حست بيه كي وقف موراها ... زينو : ماعنديش الحق نطلب منك هاد الشي ...بصح ماتكونيش حقيرة كيما كنت انا ... سمحت لدموعها يهبطو كي حست بيه خرج من البيت ... حطت وش كان في يدها باهمال ...مسحت دموعها و خرجت بزربة رايحة تقابل ادم ...لازم يحطو نقاط على حروف ...
في نفس الوقت .. كانت تجر في فاليزتها .. قابلها متكي على طونبيل بيضا ...تبسمت معاه برقة تعكس الشر لي في داخلها .. زفر مهدي نبضات قليو لي هاجت بلا سبة ... قربت منو بهدوء ...مدت يدها و قالت : روميسا.. تقدر تعيطلي ميسي و لا رومي و لا ميس لي تساعدك ... خمس معاها ...غير قاس يدها حس بتيار كهربائي مشا على طول ظهرو .. تبسم و ظهرو التجاعيد لي محاوطين عينيه و قال : عبد الصمد .. تقدري تعيطيلي ..عبدو ..ولا صمد ...ولا حبي .. و الاخيرة هيا لي تساعدني .. ضحكت بشدة من الجملة الاخيرة ...لي جاتها على غيلة و قالت: اوكي حبي تفاهمنا ... عوج فمو من جرأتها لي حتى هيا عجباتو و قال بجدية : صاحب صابر وصاني عليك ...حتقعدي معانا لفترة بيدما يجي خوك ..نظن هدرتي معاه ... تنهدت بحزن و قالت : هدرت معاه بصح ..
عبدو : بصح واش ؟؟
رمايسا : قلبي مااشي مهنيني عليه حاسة بيه حاجة ...خربلها شعرها و قال : ماتخافيش هادو مجرد إجراءات عادية للسلامة ... تبسمت معاه و قالت : نروحو..
حللها الباب و انحنى بطريقة مسرحية و قال : اميرتي ...
هزتلو راسها كنوع من التحية و ركبت بكل غرور متقمصة دور الاميرة
____________________________
دوك نزيد نكتب و نهبطلكم ♥️
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
