كريستوفر لاستش
العائلة هي الملاذ في عالم لا قلب له
°•○○○○○○○○○○○○○○○○○○○○•°
بزقت عليها و خلاتها واقفة في مكانها ... مصدومة ...كل كلمة تتعاود على مسامعها و تدخل في قلبها كي السهم ... و دموعها غطاو عينيها ...حتى الرؤية مولاتش واضحة ... حست بيماها كي بزقتها و خرجت ... قعدت مدة هكاك حتى حست بواحد يهز فيها بضعف ...طلعت عينيها بشوية ... لقاتها اسماء و حالتها ماشي قليلة عليها بزاف ... غير شافتها ماقدرتش تمنع شهقاتها لي خرجو ...انسجمت معاها اسماء ... يعزفو سيمفونية البكاء ...اصلا وش الفرق بين البكا و الضحك ..كش الاثنين وجهان لعملة واحدة !! ...
لمت فتات الشجاعة لي عندها و تقربت منهم بخوف ... نفسيتها تأزمت من نهار تعرضت للاغتصاب ...سمر ... 20 سنة ... كل لي حباتو في هاد الدنيا تعيش كل لحظة في حياتها بفرحة و جنون و حرية ...تعيش بلا ماتخمم ف العواقب .. بلاما تحسب شعور الناس لي معاها ... هربت من الواقع ديالها ليه ... كانو احلامها تشكلو فيه ... و هوا مرة تانية صدمها باحلامها و اغتصبها ... و اغتصب طفولتها شغفها احلامها شخصيتها ثقتها ... تأزمت نفسيا ...ولا عندها رهاب من الاشخاص ... خاصة وقت سمحو فيها عايلتها بلاما يسمعوها ... حكمو عليها بالاعدام بلاما يطلبو منها تتمنى امنية اخيرة حتى ... من غير ليديا لي وقفت معاها .. الطفلة لي ديما كانت تخاف من قوتها و كانت ديما تحاول تجرحها ... هيا نفسها لي وقفت معاها ... وقت سمعت الحديت لي دار بين انفال و يماها حست بنفس شعورها و هيا تتحاوز من دارها و عايلتها... تعرف مليح وش راهي حاسة انفال .. يكذب عليك ...كي تتخلا عايلتك عليك اصعب شعور مور فقدانهم ... حتى انها ماحستش هكاك وقت اغتصبها بلا ما يرفلو جفن ... رفعت يديها و حاوطتهم بين زوج و قالت بصوت ضعيف : أصلا وش العايلة ؟؟ ماشي هيا الملجأ لي ننتمي ليه و حنا غالطين و كش خايفين انو راح يرفضونا ؟؟ اصلا ماشي كن غير يما و بابا الناس كامل تكذب ؟؟ وش بقالنا كي حتى عايلتنا و دارو بظهرهم لينا ... يإما ولا مرة كنا عايلة يا إما غلطنا لدرجة حتى عايلتنا ماقدروش حتى يسمعونا ...الغلطة ديالنا بهاد البشاعة كانت او اعتقادنا بلي حنا عايلة بحد ذاتو غلطة !!
استكانو في حضنها ... و منا بدات قصة صداقة جمعتها تشابه الظروف ..يمكن لقاو في حضنهم الملاذ لي ملقاوهش في عايلتهم ...
_____________________________
بعد مرور 3 ايام
قاعد يشوف فتصاور و ذكريااات تهاجم مخو .. غلق الكتاب لي جابتهولو لونا و غمض عينيه ... شافت فيه و قالت : راك مليح .. همهم و قال : بديت نتفكر ... بلعت ريقها و قالت : وش اخر حاجة متفكرها ... صابر : كي كنت انا و زينو ف المكسيك ... كانت عندنا طيارة لدزاير ... اخر حاجة متفكرها كي لحقنا للمقر و سلمنا على صحابنا .. ياربييي ماقدرتش نزيد نتفكر علااه ...
قالت بهدوء : الطبيب قال انو عقلك الباطيني محا كل الذكريات لي راك حاب تنساهم ... و احتمال صغيير تتفكرهم ..سكتت و قالت : هايا دوك عرفني بصحابك ...عيب خطيبتك ماتعرفهمش ...شاف فيها و قلبو ماشي مهنيه شاف فتصاور يحب يتجاهل الحساس لي حكمو و قال : هادا زينو ...قائد الفرقة و صاحبي ... علاقتنا بزاف عميقة مالغري مانهدروش بزاف بصح نفهمو بعضانا ... يتخد قراراتو بعقلو .. و متخوف من فكرة الزواج و الولاد ...او وقت يتعلق الامر بليديا تولي ماتعرفيهش ...تجمعهم علاقة ماتقدريش تفهميها ...رغم متناقضين بصح قراب ...مثلا ليديا ديما تمشي بقلبها ...هادية و حكيمة بصح وقت تحسك استغبيتيها تتحول ...هيا و زينو يحبو بعض ... هيا ضحات علجالو و هوا تان بصح كل واحد كيفاش ... عندهم طريقة شوية غريبة فالتعبير على مشاعرهم ...هدو هادا عبدو ...انسان ديراكت معندوش مع لف و الدوران ...ماخد كلشي ببساطة ... غير طاحت عينو عليها سكت ...شافت فيه لونا بشك و قالو : و هادي ؟؟
سكت شوية و قال : ليناا
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Aksiاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
