اول كرو في سلسلة 《قيود الحب 》
الجزء الثاني من لصة قلبي
الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ
خيانة العائلة ...خيانة الصديق..خيانة الحبيب...خيانة النفس...
و أغظمها خيانة الوطن❗...لكنها خائنة و لكن ....
❌❌❌ممنوع...
ضحكتك تقلب المدينة رأسا على عقب ..اضحكي و انا اعيد بناءها من جديد °•○○○○○○○○○○○○○○○○○○○○•°
حطت الطائرة على الاراضي التركية ... بالظبط في انقرة ... حكم طاكسي و راح للموقع لي بعتتهولو لينا ... لينا لي سبقتهم قبل شهر باش تتقرب من نورا ... مرت المدعو جيهانغير اما عبدو و سوسن فتوجهو للاوتال باش يريحو ...لحق للموقع ... كان كافي راقي ... يطل على بحر ... نحا نواظرو يحوس عليها بعينيه .. لقاها تشرب في قهوتها بهدوء و تتامل فالبحر ... جبد كرسي و قعد مقابلها تبسكت معاه و قالت : باين توحشتني بزاف عوج فمو و قال : ماتوحشتكش كامل شوفي مع صابر بالاك يمون توحشك .. خزرت فيه بغيظ و قالت : صامط ... رؤوف : خلينا فالمهم ... كاش ما عرفتي ... لينا : منها هيا ... لالا مزال ماوثقتش فيا ... هزلها راسو وقال : ازربي شويا معندناش الوقت لازم تقنعيها انو تشهد ضد طليقها لينا : تشهد ان شاء الله على حساب وش فهمت انفاصلت عليه علجال خدمتو ... رؤوف : المهم ... و علاه طلبتي نجيب سوسن معايا ... لينا : وليدو .. سافاش مهوس بحاجة وسمها سوسن ... وحد لمرة دخلت لوحد البيت ... لقيتو معمر تصاورها ... ماهموش انو كبيرة عليه ولا ... يموت عليها رؤوف : وش العلاقة ؟؟ لينا : ماشي سوسن مرات دير عرض ازياء ... لشركة التابعة لباباها هزلها رؤوف راسو ... كملت هدرتها ... في اخر عرض ازياء ليها ... هوا لي حيا الحفل و شافها تما ... من هداك نهار و هوا مهووس بيها ... انا تقربت منو و عرفت هاد الشي و قتلو بلي نعرفها و كي تجي نعرفو عليها ... رؤوف : مليح .. سكت شويا و قال : راكي تهدري مع صابر كاش جديد لينا : راني نهدر بصح .. رؤوف : بصح واش ... لينا : حاساتو مخبي عليا حاجة هزلها راسو و سكت شويا و قال : زيدي تقربي منها .. و غدوا ادي سوسن معاك لينا : و عبدو ؟؟ رؤوف : عبدو عندو شغل معايا ... حط الدراهم ... و خرج متجه حتى هوا للاوتال يريح شويا _____________________________
في جيهة ثانية -المكسيك قاعد يسنى فيه ... الحل الوحيد لي بقالو ... يعرف انو لوكان يقول للجماعة وش صرا ... راح يعتبرو المهمة فشلت ... و ادا كملو على هاد المنوال ... مراحش تولي كاين حاجة اسمها فرقة سرية ... و ماشي بعيد يتهموهم بالخيانة ... قطع شرودو ..كي مد يدو ليه ... خمس معاه ... الحوار بالفرنسية قعد آرثر مقابلو و قال : أرثر محقق سري ... صابر : محقق ؟؟ آرثر : وي .. راني نحقق في قضية برافو ريكاردو ... عندي مدة و انا نتبع فيه ... عام و نص و ماجاتنيش شجاعة زميلك زينو ... و عرفت مور ماتحريت عليكم انكم محقيقين سريين كيما انا صابر : المفيد ارثر : مدام الهدف ديالنا واحد نتعاونو ... بشرط ادا قدرنا نحكمو دليل على ريكاردو برافو .. راح يكون النجاح بآسمي و آسم بلادي فالمقابل راح نعاونك ترجع صاحبك صابر : وش قصدك آرثر : قتلك عندي مدة نتبع في برافو و اي حاجة تخصو ... نعرف وين خطف صاحبك شاف فيه صابر يخمم ... لوكان يهديلو النجاح راح تعتبر المهمة فاشلة ... و من جيهة حياة صاحبو لي في خطر ... مد صاب يدو و قال : متافقين ... ادا رجع زينو معافى النجاح راح يكون ليك ... ضحك ارثر معاه _____________________________
علبالي نسيتو آرثر شكون⤵️⤵️⤵️
أرثر كاريداس 29 سنة ..من ام فرنسية و اب مكسيكي محقق سري
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
