“إن الماء لو أطيل إسخانه لم يمعنه ذلك من إطفائه النار إذا صب عليها.”
— عبد الله بن المقفع (كليلة ودمنة)
°•○○○○○○○○○○○○○○○○○○○○•°
حلت الباب بهدوء تام ...تحاول ماتصدرش صوت ...تكات على عتبة الباب ...تتأمل فيه ... رغم انو كان من اكثر الاشخاص لي وجعوها ...لانو وثقت فيه و ما استناتش منو يقلب عليها بهديك الطريقة ... بصح عمرو حبها مانقص لجيهتو ...تعرف بلي هدي خيانة ل آدم ...تقربت منو بقلق كي سمعاتو يآن ...حطت يدها على كتفو تهز فيه بلعقل و تقول بصوت حنين : زينو زينو ... وش يوجع فيك ... هايا نوض دوك يجي طبيب ... تبسم كي سمع صوتها ...حل عينيه يحوس عليها ...خايف يكون منام كي لعادة ... غير شافها بهداك القرب ...خبط قلبو بعنف ... ياربي هوا مايقدرش يعيش بلا بيها ...كيفاش يقدر يشوفها مع وحدوخر ...و هيا تضحكلو و تهدر معاه بهاد الرقة... علاه يكذب على روحو ... مايقدرش يسمح فيها .. فالوقت لي كان شارد في هاد التخمام ..هيا كانت تحاول تنوض فيه ...غير شاف الجهد لي عاملاتو ... عاونها و ناض ... متوجهين للمستوصف المقر ...و كل واحد غارق في تفكيرو
_____________________________
يتمشى بخطوات ثابثة ...عاقد مابين حواجبو ... مش قادر يحل عقدة الفشل هادي ... لحق لمكانو السري ... من اول مرة شاف الموقع و الشجرة .. قرر يخلي منهم مكانو السري ...خاصة و انها طويلة و الجدع ديالها كبير ... تعلق فهداك الجدع و طلع بسهولة ...غير طلع راسو قابلاتو راقدة باسترخاء ...ههه حتى هاد المكان و اقتحماتو ... ماقدرش يفرط فيها و ينوضها ... مايعرفش وش هاد الاحساس لي راهو يحس بيه .. و لي توغل في قلبو فاليمات لي غابهم عليها ... تقول روحو متعلقة بيها ...كانها تنتمي ليه ... احساس كبير على انو يعرفها و انو مسؤول عليها ... تبسم على القدر لي جمعهم ...تقرب منها يحاول مايصدرش الصوت ...حط يدو بتردد على خصلات شعرها ... متبسم متفكر كيفاش اكتشف هاد المكان ...
فلاش باك ...
كيما توقعت فشلت في اول اختبار ...عندي معاها خدمة كبيرة ...حتى الستيل و الهدرة ...ولازم تبدلهم .... و خاصة مع وحدة راسها يابس كيما هيا ...راح تعييني ....علابيها لازم نقسى عليها ... و مانتهاونش معاها من لول .... باش تفهم وين راهي ... ماراناش نلعبو ولا فكاش فيلم ...راهي 6 و مزال مابان عليها والو ... نفخت على جنب ... حكمت تيليفوني ....نشوف وين لحقت ... و على حساب برنامج التعقب لي في تيلفونها راهي دور في نفس البلاصة .... على نفس الشجرة ...استغفر الله و اتوب اليه...دوك هادي بنادم ...كيفاش ماقدرتش تفيق بلي راهي دور في نفس البلاصة من صباح ...الغباء ديالها قلقني ...خليها تقعد هكاك ...
لصة قلبي الجزء الأول _ الالتزام _بارت 29_
نهاية الفلاش باك
خرج من ذكرياتو ... تفكر كيفاش كان يخمم عليها ...و كيفاش كان مايحملهاش ...بعد يدو عليها ...و استغفر من لداخل ... تنهد و بعد منها شوية دافن روحو فالملفات ... محاول يتجاهل كمية المشاعر لي توجدت في قلبو فجأء...متجاهل عقلو لي يخمم فيها و فتفاصيلها ... و يراجع في ذكرياتو معاها ... عقلو لي يحلل في كل تصرفاتها ... و يسجل وش تحب وش ماتحبش ... قد ما استحلى هاد الشعور لي حيا قلبو الميت ... و خلاه يتعرف على عفايس ولامرة عرف بقدر حلاوتهم ...قد ماهو متخوف من حقيقة هاد الاحاسيس ... مسح على وجهو بتعب ... حس بواحد عنقو من لور .. تبسم كي تغلغلت ريحتها في نيفو ...
انفال : روفاااا .. ماتعرفش شحال توحشتك ...بعد عليه متفاجئ من دقات قلبو لي علات ... غير طاحت عينو في عينها ... نطق : كنت تبكي ؟؟ بلعت ريقها تهدر بتوتر : بالاك حاجة دخلت فيهم ... عض على شفتو و قرصها من نيفها : ماتكذبيش ...هزت كتفها و سكتت ...قلب عينيه منها و اعطاها بظهرو ...حلت عينيها على وسعهم و قالت : مراحش تصر باش تعرف ... ماتزعفش خلاص دوك نحكيلك ...تبسم واثق كان يعرف انو ماراحش تسكت ... انفال : دوك انا كي جيت هنا خبطت فيا وحد الطفلة هاديك الطفلة وسمها اسماء ... ايا واينا صحابات ...اومبعد جا وحد الشيخ اسمو آدم ... تاع فيزيك ... ظهر جارهم ... ولا يتقرب منها و يبينلها بلي تعجبو ... حتى انو ضحى بخدمتو علجالها ...و هدر مع خوها عليها ... و تقريبا خطبها ... او ولات تحبو ... بصح ايماجين وش صرااااا
رؤوف بمشاكسة : وش صرا ..
عوجت فمها و قالت بحزن : ظهر أدم هوا نفسوو ...شهقت بصدمة ...شاف فيها رؤوف مستغرب : وشبيك ... حطت يدها على فمها و قالت : اول مرة ماتقاطعنيش ...
خبط لراسها بيأس ...عاودت شهقت مرة ثانية و قالت : رؤووووف ...
طلع حاجب يستنى فيها تكمل ...انفال بتذكر : ماشي قتلي قبل ماتروح كاين حاجة تقولهالي ؟؟ هز راسو بتأكيد ..تبسم و قال : ......
_____________________________
توقعاتكمم وش راح يقوللها 😁😁 .... اقتربنا من النهاااااية🔥🔥🔥 ...متحمسة للحلقات الجاييين راح يكونو معمريين بالاحدااااث متشوقة نعرف أرأئكم🤗🤗🤗
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
