حط يدو باش يطبطب ... حلت ليديا الباب ... شاف فيها من لفوق لتحت ... لبستها الكلاس ... خصلات شعرها الاسود لي هابطين على كتافها ... راسها لي حطاتو على كتفها باش تشد تيلفون و يديها لي محطوطين فساكها تحاول تغلق فيه... طلع عينيه لعينيها لقاها تشوف فيه بدهشة سرعان ماتبسمت معاه و كملت تهدر فاتليفون ..
ليديا : مالا نتلقاو تما
سكتت تسمع فيه اومبعد قالت : سلام ...
نحات تيلفون من ودنيها و دارت لزينو قالت : غير لخير
عوج فمو و قال : معامن كنتي تهدري ..
تبسمت بثقة و قالت : خطيبي ... كاش نهار نعرفك عليه ... و سبقاتو تمشي ...
قعد مدة يخمم في هدرتها يستوعب فيها ... تمتم بخفوت : خطيبك قلتي ياك ..
جا رايح ليها ... زير على يدو بشدة كي لحق عندها ... بأما صفة راح يحاسبها عليه ... وشمن حق ... هوا نها كلش .. اصلا خلاها باش تشوف حياتها من جيهة ثانية ... مالا علاش راهي دايقتلو ... علاش راو حاس قلبو يحرق ... كي شافها بهديك لبسة ... علاش حب يخطفها كي سمع بلي تخطبت ... فطن من شرودو كي سمع حاجة تخبطت ... لقاها طلعت فطونوبيل و غلقت الباب ... ركب حتى هوا بدورو ... يجاهد باش مابخممش فيها و ديماراو... فسكات كل واحد فاش يخمم .... ليديا حاطة راسها على تاقة تشوف لبرا ... انفال متكية على كتف لينا و يشوفو لي فيديو ف انستا... صابر مينداك يرمي عينو عليها ... و زينو يشوف في ليديا في صراع مع افكارو ...
دخلو قعدو ... راح زينو للحمام يغسل وجهو ...
جا مهدي ... غير شافتو انفال تبسمت معاه بإمتنان ... عرفاتو عليهم ...
ولا زينو غير شاف مهدي ... خنزر فيه كي لحق للطابلة اعطاه يدو ..
انفال و هيا مستغربة من زينو ... : مهدي وليد خالي
رفع زينو حاجبو بادراك و قعد ...
زينو : زينو
مهدي : معرفة خير ان شاء الله
لينا : ايه مهدي وش تخدم ...
مهدي : نخدم مع جدي فشركة تاع العايلة
لينا : الله يبارك انفال مقاتليش بلي عندها وليد خال بوقوص كيما نتا ههه
انفال : ياو انا و مكأنش علبالي
مهدي : دوك نديها في روحي
صابر : غير ماتشقاش ... لينا لي تشوفو تقولو هكا ..
مهدي : صار هكا ..
لينا : ههه بصح نتا شباب فيهم ههه
شاف مهدي ف ليديا و قال : وشبيك ساكتة واقيل ديرونجيتك ...
ضحكت ليديا معاه و جات حتهدر قاطعها زينو و قال : ماتهدرش بزاف ... خاصة مع الناس لي متعرفهمش
صونا تيلفونها ناضت و قالت : دوك نجي ... تبعها زينو بعينه حتى خرجت و تنهد ...
لينا : مهدي عندك انستا ؟؟
مهدي : وي بيانسور ... اعطيني نكتبهولك
طلعت انفال راسها نشوف فالارجاء حتى طاحت عينها عليه ... غمضت عينيها و عاودت حلتههم ... قالت في قلبها ... هادا ماشي رؤوف ... راهو مع طفلة ... عاودت حطت عينها تتأكد ... خرجتها من افكارها ليديا لي قعدت قدامها : وين راكي غايسة ...
شاورتلها بيدها عليه و قالت : هداك ماشي رؤوف ...
ليديا : ياه صح وش راهو يدير هنا.. ماشي قاللنا بلي عندو شغل ..
مهدي : و هادا ماشي شغل
لينا : هههه ظهر شغل ديالو طفلة ..
انفال : و انا لي كنت دايراتو يحبك
لينا : يحب شكون
انفال : نتي .. ماشتيش ديك نهار كيش كان رافدك
شرق صابر و ناض يسعل ...
خزرت فيه لينا بنص عين و كملت تهدر : راكي غالطة ياودي يحب ليديا ... ماشفتيش ديك نهار كيش كان يشوف فيها
ضحك زينو بتقلاق ... و اما ليديا سعلت و قالت : وش من حب تحبك حبة فمخك ... قالو حب ... راهي باينة كي شمس بلي يحب أنفال
طرطقت انفال بضحك و قالت : انا !!ياك ههههههههههههه
تبسم مهدي بجنب و قال : على حساب الشوفة مايحبك ني نتي ني نتي ني نتي يحب لي راهو معاها ...
عضت انفال على شفتها و حست حاجة مخلاتهاش تقعد في بلاصتها ... ناضت و قالت : دوك انا نجيبلكم الخيط الصحيح
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
